朗尼去留未定，巴黎聖日耳門並未同朗尼接觸！ 精選

據《每日郵報》既消息，巴黎聖日耳門並未就朗尼轉會問題同曼聯以及朗尼既經紀人取得聯繫，而呢位身價高達4000萬英鎊既球員未來仍有待猜測。

星期三來自法國既消息就指巴黎聖日耳門同曼聯已經開始左轉會談判，而朗尼都對加盟巴黎聖日耳門感興趣。據說朗尼如果加盟巴黎聖日耳門，佢就將會獲得一份為期四年既合同，並且週薪可高達30萬英鎊。

但根據最新消息話，其實巴黎聖日耳門並未同曼聯以及球員有過接觸，儘管朗尼對自己今季喺曼聯既角色感到非常不滿，但佢仍然等待同球隊新領隊莫耶斯展開談話。
朗尼今季喺一啲焦點既賽事中多數只能替補上場或根本冇出場既機會，佢同費格遜既關係睇落都漸漸惡化。朗尼同球會既合同得番2年時間，曼聯正考慮緊應該提供一份續約合同比佢定係喺今夏將佢出售。然而曼聯今個賽季奪取英超第20座聯賽冠軍之後，朗尼已經第二次向球會要求轉會。

根據傳言，車路士、阿仙奴以及曼城都能夠為朗尼提供繼續留喺英超效力既機會，否則法甲既球會就好可能乘虛而入。巴黎聖日耳門以及摩納哥都有充足既資金滿足佢目前25萬週薪既需求。
而朗尼既妻子高蓮不久前都為佢誕下第二個孩子，依啲因素都會影響朗尼願唔願意去其它國家踢波。曼聯今年夏天期待簽入一位新前鋒，同時莫耶斯都期待簽入一位中堅以及一位中場核心，而朗尼同佢既經紀人都明白佢地需要盡快做出決定。而有消息稱，巴黎聖日耳門準備用伊巴一樣既週薪吸引朗尼。