[賽前資訊]（主）加拉塔沙雷 vs 曼聯（客） 精選

[歐洲聯賽冠軍盃]（主）加拉塔沙雷 vs 曼聯（客）
日期：21/11/2012:
時間：03:45
地點：土耳其電信球場
就算歐聯分組賽最後2場曼聯輸羸都好，都已經可以小組首名出線，所以今場曼聯就派出青年軍作客去到土耳其迎戰加拉塔沙雷。相反加拉塔沙雷就要全力爭取出線。

上場曼聯主場以1比0擊敗加拉塔沙雷
曼聯今季歐聯成績到目前為止都表現得相當唔錯，前4輪已經以12分取得16強出線資格，但排第二既克魯日同加拉塔沙雷都只得4分，布拉加就3分排小組包尾，三隊都有出線既機會，所以最後兩輪三隊都要為資格而拚殺。因此上輪客場以3比1擊敗克魯日取得小組首勝既加拉塔沙雷，今場一定要打敗曼聯先可以保留小組出線希望。

曼聯岩岩系英超作客輸比諾域治，而費格遜早前已經講過，希望紅魔鬼提前出線之後可以比更多後生仔上陣既機會，換言之，紅魔鬼今場主要用青年軍出戰，對加拉塔沙雷當然係一個好消息啦！

而今場鐘斯都系大名單當中，費格遜透露，：“菲爾鐘斯呢一週以黎都有同我地一齊訓練，我會將佢帶到土耳其對陣加拉塔沙雷，到時佢會出場。”好可能今場會係鐘斯今季首次為曼聯出場。