英超三強欲爭阿積士新星

《Talk sport》透露，艾歷臣係拒絕阿積士的新合約之後，佢就開始要求冬季轉會窗離開球隊，雖然想購買佢的球隊遍布五大聯賽，不過呢名丹麥新星最有興趣前往英超，而傳聞爭艾歷臣的球隊，曼聯、曼城、利物浦都係最有可能艾歷臣下一個東家。


費Sir特別鍾愛有潛力的新星，但係過去幾年轉會窗上，曼聯係後生球員上的收穫少之有少，由於史高斯、傑斯接近退休，香川真司又未係曼聯發揮出應有的實力，加上費Sir一向重用有潛力的新人，無疑係對艾歷臣一個吸引之處。


一向鍾意用大量金錢購買球員的曼城就更加唔會錯過呢一個機會，艾歷臣係歐聯對陣曼城的出色表現，令到曼城錄得1和1負的成績，親眼見到艾歷臣能力的文仙尼點會唔希望艾歷臣落入自己手中，而且曼城係歐聯基本上就已經出局，佢地只有聯賽的一條路可以行，曼城一定唔想將艾歷臣讓埋比曼聯，相信曼城將會用金錢的攻勢，勢要將呢一名丹麥天才帶到去曼聯，艾歷臣假如去到曼城，唯一一個弱點就係文仙尼執教，可能艾歷臣的上陣時間唔能夠保障，而且後生仔踢唔到一定數量的比賽先至係發展最大的幣處呢！


利物浦係呢一場爭鬥中都唔會處於下風，羅渣士執教利物浦後，令到利物浦掀起青春風暴，而且艾歷臣又唔洗擔心無位罝比佢企，因為沙軒係利物浦的表現好難保障會留返係度，而且利物浦買蘇亞雷斯的時候，同阿積士建立左良好的關係，除此之外，利物浦仲有丹麥國家隊隊長艾加幫手說服呢一單生意呢！


艾歷臣依家的合約將會係2014年到期，阿積士已經表明唔會阻止佢去其他大球會，但係咁又唔代表可以輕易帶走佢，據悉，艾歷臣的身價已經去到2500萬鎊，能夠係冬季轉會窗出呢一個價錢的球會並唔多！


最後送上艾歷臣的個人精華片段
http://www.youtube.com/watch?v=osv3xjzkoV0