世界波又訪問到港超球星喇！今次仲係港隊隊長陳偉豪！
世界波會喺呢度分唔同篇將今次專訪獻畀大家！
後面係米路呀喂！
世：世界波
豪：陳偉豪
教英文搵積施利？唔好卦~家庭篇：
世：睇好多報導，你追女仔都好浪漫下，奧雲波衫、亞協杯入波又心型呀，會唔會過返兩招俾大家？
豪：我好簡單啫，唔好隨波逐流，隨心得架喇。因為每個女仔都唔同，你了解下佢鋌意咩就得架喇。
世：咁而家太太對足球熟唔熟悉？你有冇同佢解釋下咩係越位？
豪：佢無咩架，佢本身又睇開波嘅，睇奧雲呀英格蘭呀，係奧雲、麥馬拿文FANS，有自傳啲碟添呀。
世：一般女仔都唔知咩係越位，咁你太太係咪拍拖個陣已經有呢啲基本嘅足球知識？
豪：佢……我諗佢應該無。不過佢又無問，我諗佢大概知嘅，睇左咁多，但係你叫佢講返出黎就未必知囉。
世：囝囝有冇睇你踢波？
豪：有嘅，我鍾意帶佢睇現場多，因為我地屋企唔係點睇電視。
世：即係英超個啲都無？
豪：第一英超啲開波時間都夜啦，我個囝好早訓，都無咩時間。而家啲小朋友好慘，唔好話大人逼佢喇，我當佢唔學野，好似我個囝返下晝班，放學返到屋企都五點幾，快嘅話沖涼食埋飯都七點幾，八點幾做功課，佢想玩其實都已經無咩時間。
唔知點解佢地咁忙架喎。幼稚園都已經話有功課，而家啲學校唔叫「默書」，叫「記憶遊戲」，好聽啲叫無咁大壓力啦。好慘，而家啲細路仔無時間玩，即係話想大家「HEA」下都無，而家小朋友係唔會悶架，佢都無時間。
我覺得唔得囉，而家啲官校佢教統局SET哂啲野，無得悠閒架喇，所以我通常都係去見啲直資或者行IB嘅學校，佢地會比較FREE啲，佢地無考試嘅，就叫做「PROJECT」，我比較鍾意呢啲。 我見到有啲學校「四測四考」，無野呀大佬，個個月都測驗考試，個大人都辛苦啦。
世：咁有冇話俾佢參加啲興趣班？
豪：踢波，跳舞。佢好鍾意跳舞。
世：咁景堯都就黎報小學，你對佢成績會唔會有咩期望？
豪：坦白講，個個家長都希望自己小朋友唔差嘅，咁但係我又唔駛佢去到尖子咁。佢平時都會自己睇書，咁我諗佢都唔會話討厭讀書嘅。
反而你話搵學校，我地算係求其架喇，都係報左三間。如果佢地唔收嘅，咪去返屋企附近抽個啲囉，我地無咩所謂。
世：咁你覺得Interview黎講自己會唔會有啲優勢？
豪：呀……我諗可能有掛，我都唔知。好多老師都未必好接觸體育，我都係靠我個囝架喇。
世：平時會唔會教下囝囝功課？
豪：我老婆教架，我驚教錯佢。有陣時我個囝糾正我嘅，英文有陣時佢講埋個音俾我聽點拼，哇你識講你講啦。不過可能遲啲INTERVIEW就可能搵個人補下英文啦。
世：會唔會搵積施利幫下手？(笑)
豪：呢個野！？唔好喇。不過其實OK嘅，啲英國人英文係好聽好多架。如果係搵積‧施利其實又唔駛特登補習嘅，得閒搵佢傾下計得啦。
三人行必有我師
港隊篇：
世：港隊最近多咗好幾會入藉球員，好似保連奴咁，其實佢都32歲喇。
豪：保連奴32咩？仲踢得呀。
世：我地fans就話寧願畀後生本地球員，豪哥你又點睇，年齡係咪限制？
豪：法圖斯37啦，踢到大家拍爛手掌，睇球場態度啫，無得怨人，唔通等法圖斯果啲唔入藉先好咩。對我黎講有法圖斯係隔離仲好。我會提醒自己，你喺我隔離都踢到37呀！
世：即係都算良性競爭嘞喎~
豪：係，非常好，我以前競爭都好大，高尼路同卓卓兩個都當打。
世：但你2003，4就站穩正選，當時東亞盃，對利物浦，皇馬都有你份。豪：無錯，02，03果年。
世：頭先講到法圖斯37歲，佢地會唔會都有個學層過程，華人入藉會唔會互相學習到？
豪：三人行必有我師，身邊人一定有啲野可以學到，唔好拎人地缺點去比較。唔好覺得法圖斯矮。我係高過法圖斯，但都要證明自己夠好，好過佢。唔好拎人地唔好去比較。
人地好嘅野要學。法圖斯點解踢到37。態度好。數據無得呃人。就算你唔係日日陪佢，你叫佢除衫，成隊脂肪比例最低。參考數據啦，佢係成隊最fit、脂肪比例最少。池田先生下佢係最fit果個，但佢最老，無得呃人。
你想好過佢，練好啲先。我身邊好多，講話唔好，總會話我好過佢先啦，包括而家青年軍。你唔好嘅野咪去改，人我好嘅野你去學或者超越佢。呢樣野對自己有益處。你拎唔好嘅野同人地唔好嘅野比係無意思。自己放大自己無乜用 。
世：香港最近入選中堅都超過30歲，你覺得有咩後生仔喺港隊或南華會接到你班？
豪：Sean（謝家強）啦，又練得又踢得，我亦相信如果佢有護照唔會喺香港踢，可能返大陸踢，佢好值錢。
世：佢都好似講過呢樣野。
豪：因為佢岩岩生左bb，未返得大陸。不過做佢經理人發囉，好值錢。最起碼兩三萬美金一個月啦。
世：不過佢自己中意踢防中喎。
豪：佢係呀，佢呢個年紀跑得撞得又可以上去攻下係好好多。但落到場教練叫你踢咩咪踢咩。當然米路亦會首選佢防中，但叫佢踢中堅絕對無問題。就咁講本地，細佬梁諾恆都幾好嘅，而家佢仲後生，94年，21歲。見佢踢都幾好，穩陣。睇佢身形有下苦功，有練。
世：你頭先都好講態度，咁Kim Sir揀人又會唔會睇重呢樣野呢？
豪：當教練有壓力，一定係能力先好似高梵同麥基，個人技術麻麻，但有速度華人無，無限體能。對外隊呢啲野係優先。組織呀係無香港人咁好。所以話多啲入藉兵，艾力士，保連奴等係好事，佢地質素幾好，所以要加強香港隊實力先。
世：咁入藉兵態度又如何？
豪：麥基幾好。高梵差少少，佢大陸踢開波。黎到香港比訓練量唔係好多。麥基接觸多啲，好虛心好勤力。
世：咁高梵都幾單打獨鬥。
豪：佢係唔識組織，所以佢無得唔單打獨鬥。佢組織能力唔好。
世：小編個人睇法，科夫比唔上好多華人中堅。豪：科夫第一年黎，我同佢做隊友，識左佢好耐，佢態度係非常頂級好。全部踢得咁耐都係態度問題。科夫法圖斯三十幾仲有中超搵，證明keep得好，生活習慣好，態度好，無得呃。佢能力真係唔高，佢最好就係知自己能力唔高，拎到波就畀隔離。有球員聽到掌聲就show兩野，科夫無。一個好球員識藏拙，咁咪得囉。
世：你係香港隊嘅心態會唔會話係同一班後生嘅競爭？
豪：我嘅心態係同班外援或者入籍嘅競爭。因為我覺得無可否認，外援有種俾人優勝嘅感覺，大部份人都覺得出多隻「鬼」好似著數啲。
其實係良性競爭黎，唔係話針對同唔鍾意，我係覺得佢地有佢地長處，但我地香港人都有香港人嘅優勢。佢地有身體質，但香港人頭腦轉數比較好。我想證明俾個啲覺得出外援一定有著數嘅人睇。 外援同香港人出邊個好啲，好睇對手。好似對住中國咁，牌面上弱好多嘅，你要搵啲跑得、撞得、踢得，呢啲咁咪OK囉，出基藍馬、法圖斯、張志勇、曾志孝，我覺得都適合，你都係縮係禁區，佢斬入黎咪同佢鬥撞。但係對不丹、馬爾代夫，你出多啲本地嘅反而仲好，因為大家平時夾開，默契同溝通好好多個陣我覺得對進攻係有幫助。
就算我好返，對中國用返基藍馬、法圖斯，我覺得都無咩問題，一睇就知我無佢地咁撞得啦；好似對不丹阿KIM就會預我踢嘅，但係馬爾代夫就唔會係我喇，因為馬爾代夫個前鋒靈活同快，所以就特登搵志豪、同法圖斯，係針對性嘅。
所以球員實力本身無話有冇強弱優勢之分，係睇下戰術適唔適合。
世：越黎越多入籍兵同傑志有唔少華人主力出走，豪哥點睇啦！豪：一隊球會如果為左不斷求勝，簽入更多入籍既香港球員其實係無可厚非，畢竟有時職業比賽係著重勝負，有入籍球員既時候就寧可出晒而未必可以比機會 培訓本地球員。好似張峰為例，指佢響傑志屈居於丹尼之下，但黎到南華之後就一定係主力，出場機會多左，一定踢得開心d。本地球迷其實會想 睇多小小土生土長既香港球員，但係始終有部份球迷對勝利執著，所以為左勝利要犧牲本地球員既出場機會。
世：南華其實都有兩、三位入籍球員，又係點睇佢地呢？
豪：其實南華有一樣野令佢覺得自豪既，就係即使有好既外援、入籍兵都好，球隊響咁多個球季以黎始終係以本地香港球員主導。球隊其實一定需要外援，但外援既角色係以輔助為主。
退役要搞青訓生活篇：
世：其實你已經33歲，有冇話為退役後打算？
豪：最近有。傷嘅時候都有諗；想搞青年軍，但要睇下合作形式。
世：咁會唔會同啲足球學校合作，做客席教練，或者搞自己足球學校
豪：一定唔會搞自己個名啦，不過呢個時間兼顧唔到，同足球學校合作睇下個合作空間。
世：不過而家越黎越多坊間足球學校同班。
豪：要搞的話方針會唔同。足球學校開班教小朋友。我搞就透露少少，同啲球會呀，好似南華會合作，專出青訓產品。或者我地以前踢體院，精英制，呢樣野好緊要。一班好嘅人聚埋踢係好好多，進度快好多，所以最想做。
世：咁你心中精英制個pool幾大？
豪：好簡單，同好多間學校合作，講住咁多住~（好神秘喎！）
世：咁你又點睇最近學體會話會嚴格執行有球會就唔可以踢學界呢件事？
豪：我覺得好搞笑，即係好似港超聯咁如果淨係叫你用香港人，你嘅水準都唔高啦。佢係讀緊書，適齡，合資格咁有咩問題？你踢走左一班最出色嘅，咁競爭水平都低左，說服力都無咁大啦。
如果係學校角度，呢啲政策無可厚非。但係好老實，如果你話要搵好又無註冊嘅，我照搵咋嘛。
世：其實所謂「港超球員」係學校都係做同一樣野，唔會話走堂踢波架。
豪：唔通你游水跑步個啲代表港隊你又唔駛參加咩？唔會架嘛。
世：但係會唔會有呢個政策之後會公平左？球會又可能會去發掘啲未註冊嘅球員？
豪：其實而家學界來來去去都係個幾隊爭，但你話個幾隊入面有幾多人註冊左港超聯？得幾個。咁唔代表無註冊個班唔識踢波，本身班底都係有水準，個政策只係叫拉返近少少。但係我覺得你想班球員好，或者球賽競爭性好，你都一定要提高比賽水準，搵一班適齡球員去踢。
世：而家網上有好多渠道(例如網上論壇、Facebook等)去比球迷討論本地波，其實你又會唔會去留意有關自己既評語?
豪: 以前羅生做足主既時候會追睇佢個blog，要睇睇自己會唔會比羅生鬧，又或者睇下羅生會鬧邊個。反而現在就少留意左網上面既討 論，因為好多球迷其實有好多唔合理既批評。作為一位職業球員，我好樂意面對批評去改善自己，但係更多既球迷響網上係講一d人身攻擊，又或者 係貶低其他球隊去抬高自己愛隊既留言。希望大家留言既時候，盡量唔好去人身攻擊其他球員或者球會咁去理性討論嘞！
世：咁你休季點keep呀你自己。
豪：享受假期啦，一個月都冇。都係陪細路，游水多，健下身咁。
世：同羅生仲有冇聯絡呀?
豪：少喇，因為佢做好大生意，係外國，成日唔喺香港。同羅太有時就聯絡下。無聊野本身有個谷。贏馬都會恭喜下。
我個囝普通話都好過佢
李志豪篇：
世：不如你分享下唔同位置合作過最好球員啦。
豪：龍門就阿輝啦，最好夾，左面就大眼仔，右閘都係志豪。佢打右閘都好強，踢後衛黎講佢好勁。
世：坊間話打多個李志豪好似多個外援咁。
豪：係呀，都可以咁講。佢上過中超搵食，啲普通話都...佢而家唔夠膽講啦。我笑佢笑到而家
世：咁你好啲定佢好啲…（大笑中）
豪：我直頭唔講，我個仔好啲。
世：但志豪都畀球迷話過佢高章
豪：瀟灑。心水清嘅球迷有睇佢近二百場比賽，就會見只要佢有一個好美妙嘅攔截呢，個波就會失架啦。命中率高達70%。不過佢防守能力好強，大部份犯錯佢補到，自我收復。
世：咁你喺場內有咩反應呢？
豪：我會話好野，玩完都隨時追得番，好野
世：（大笑）會唔會拍完手掌都準備定失波。
豪：我無時無刻都準備架啦（豪哥都忍唔住笑０。緊係啦，你追到我未必追到呀大佬。佢好有安全感嘅，佢玩得起嘅。
世：話說小編有次見到李志豪，身形好fit成個外援咁
豪：嘩，佢後生果陣仲勁呀。睇佢身形唔似球員嘅。腳天生就強壯。短跑呀跳呀好勁。成隻田雞咁。
世：咁佢休季點下苦功呀。
豪：嘩，後生果啲跟佢？跟兩年唔洗踢波。唔練架佢，吹佢唔漲。唔加操架佢。天生。我就要成日keep。不過佢練波好認真，畀晒你，完左唔會加操，練跑，真係未見過佢加操。不過佢好野，無乜見佢傷，球圈不死腳。佢癲架，第一年踢二合，佢都冇咩點練波嘅。我地練三點跑馬地，佢放三點沙田。我地三點九完，佢最快黎到三點七，八。不過佢都有得打正選，防守能力強，唔要命。防守頂級，細個已經好勁。趙俊傑會加操。
世：不過有人覺得加操會增加負擔喎。
豪：錯晒啦，唔同教練都唔同做法。夠唔夠自己會知。好似今日練波運動量大，都係腳攰，唔係身攰。每個人身體結構唔同，醫生話我肌肉有彈性，所以我頭10-30米可以好靈活好快，但我跑一百米唔得，因為肌肉維持唔到咁耐。個人結構唔同，練嘅野都唔同。加操唔係話教練果啲唔夠，係自己覺得唔夠呀傑加操係因為佢重傷過，佢要練番保護果個位。呢一樣係可以理解。
揀Babies？要陳七幫下手…
球會篇：
世：輕鬆一下，而家好多球會都有搞球會babies，如果南華會都搞，又邀請你做揀選babies既評審，你又點睇呢？
豪: 贊成!應該加埋閱女無數的隊友陳肇麒先夠公信力。
世：唔驚比老婆扭耳仔咩?
豪：班babies著晒波衫，形象sporty，唔怕既!
世：會唔會真正向球會咁樣建議呢？
豪：唔會啦，一來自己唔係marketing果方面既人士，二來南華始終係比較傳統既球會未必接受到，寧願搵多個教練好過搵babies，marketing既野都係留返比marketing既人做啦！
世：另外有球迷評擊過球員如果有拍廣告，不如專心練波先係一個職業球員。
豪：唔認同，除非練完波去做地盤工作，否則既話始終拍廣告唔會消耗太多體力，分分鐘拍攝果個仲辛苦!
世：上年離開嘅球員你覺得邊個最可惜呢？
豪：郭健邦啦。我都唔記得有邊個走。佢果個位好緊要。上年果個位我地冇乜人，佢仲要有能力，踢得耐，好可惜，對球隊都有影響。
世：係囉，佢青訓係度打拼咁耐，唔應該受咁嘅待遇。
豪：人夾人，合作唔黎就係合作唔黎。大家宗旨唔岩。我要求你做嘅野你唔想做，咁咪無得合作。
世：不過又有意見話走得好
豪：Timing唔岩做岩嘅事都唔好。其次，pr做得唔好，第三，老細平時唔係對開出面講野，有時唔識包裝。
世：咁點睇今季爭標形勢呢？
豪：其實由於今季有好多有實力既球員加盟，令實力有所提升。好似卡路士同魯卡斯都係好有實力既外援，而張峰、梁子成同黎耀昌加盟，令南華響實力同深度都加強左好多。卡路士既技術真係好好，米路搵返黎既外援都有料添
世：咁寶馬呢？（訪問登出之時，寶馬己離開南華。）
豪：寶馬銷量大跌啦！
世：咁爭標嘅最大對手呢？
豪：傑志。因為佢地有4位入籍左既外援球員，加上新簽既費蘭度再配合原有既有實力外援，隨時響球場上只得盧均宜一位真正港人，實力自然強橫。
世：咁點睇亞協四強失利呢？
豪：其實可能因為經過作客1比1之後可能球員信心大左之後，反而有小小輕敵同埋唔集中，加上主力艾華傷出，所以就響發揮得唔係咁好既情況之下出左局。
世：咁寶馬既表現正常?
豪：正常~~~~~
世：點睇今季轉左將軍澳運動場做主場呢？
豪：由球員既角度出去，話除左因為比人拎左個大球場使用權有些小心理陰影之外，其實將軍澳個草地質素真係好好，所以其實踢將軍澳對球員黎講其實都有正面既影響添!
世：你對張志勇呢位新加盟嘅中堅有咩睇法？
豪：佢平時練波態度好好，亦都好虛心。但佢都唔係後生，只係遲出道，而佢呢幾年進步都幾明顯，佢仲踢緊大埔個陣可能會係比較亂，但係呢幾年防守方面尤其高波有好大進步。
而南華都需要佢呢類球員。好多人都覺得南華要全部都係最好嘅球員，但其實出得場嘅都係11個，無得踢個啲可能心態會唔係咁好，可能佢唔甘心，或者覺得自己唔應該打後備。阿勇就會接受到自己打後備，但你隨時搵佢佢都會有貨交。 而我同佢嘅分別就係我經驗比較多，比較鍾意做決定，會係球場到出多啲聲；阿勇因為經驗無咁多，佢好難出聲去做決定。
世：咁羅素呢？
豪：我幾欣賞佢。佢成日俾人話慢同技術唔好，係呀，咁打後衛啫，佢身型好，高波頂哂，最重要係佢練波態度非常好。佢練波好投入，講哂粗口架；又經常自己加操，佢知道自己慢，所以成日諗辦法去改，成日問保贊點樣快，佢兩個仲會成日一齊練。我覺得香港球員係需要學習呢啲。
世：你曾經有機會同畢特、基士文做過隊友，咁對佢地又有乜野評價呢？
豪：畢特係一個有級數的球星，雖然因為效力南華既時候已年紀大，但係勝在足球智慧夠高，舉手投足都有球星風範，而且每一個踢波的動作都係有級數。而且難得沒有球星架子，練習態度好好。相比之下基士文練習時就冇咁認真同投入，所以表現就唔係咁好。
返大陸搵食，其實唔難。
隊友及外流篇：
世：綜合咁多年咁多隊，最好拍擋又係邊個呢？
豪：志豪，保贊。我同佢配合過，好有質素，態度又好
世：佢都成日加操喎~豪：你拎上年啲相同今年啲相比，大左成個碼，選美咁呀佢，好鬼大隻。
世：會唔會叫佢帶你去操。
豪：無呀，佢啲重量我做唔到，好勁。
世：講起出外搵食，你都有兩三次機會，有冇話覺得職業生涯有啲遺憾？
豪：都有嘅，少少，不過我都有大把野未做過，呢樣係其中之一。
世：如果呢刻有機會呢﹖
豪：睇下咩地方啦。
世：如果中超?
豪：去得過喎而家！
世：咁中甲?豪：老實講睇條件，無理由話喺大陸體驗生活架，緊係睇錢。
其實話上大陸搵食唔難架。睇地區，有啲地方好難搞。我唔係怕悶呀。無屋企人真係驚死左無人知呀。
世：好似林學曦咁印超呢？
豪：後生就會。其實香港好多球員都有能力出外搵食，鄰近國家無問題。歐洲唔好話頂級，次級聯寶都有咁嘅能力。
世：關唔關香港經理人發展唔太理想事呢？
豪：我覺得係，外流需要有經理人做橋樑。香港球員對香港經理人無咩價值，所以係有大陸經理人搵我地。但去到外國你係外援嘛。你能力除非好高，人地搵得，緊係日韓先啦。除非你人工同人本地差唔多人地先會考慮，球會無乜錢先考慮。不過肯踏出第一步去歐洲體驗生活係幾好。如果以前歐洲搵就實去添。
世：咁點睇歐沖個發展。
豪：非常好，非常好。首先踏出呢步，畀其他香港球員睇到希望先，有目標做第二個踢歐洲波。呢個好重要，因為有希望先會去做。
首先最重要係屋企環境。唔洗話好有錢，但屋企唔洗等你開飯，因為以前好多隊友要搵錢先無踢波，好多好球員。其他當經歷，好似working holiday。去呢啲地方體驗生活，就算無乜錢都okay。包食包住有少少錢好正，所以可以試一試。
世：咁歐沖有經理人，香港方面就少將啲片扔畀外國球會。
豪：好老實，人地揀外援未必揀到香港。大陸咁多人踢波，點解要擦香港球員呢?有經理人同我講，上面好波，一早簽左會，仲要天價，亦唔會放。大陸好多好球員，但無乜比賽經驗，尤其國際賽。揀香港球員，因為香港球員打國際賽經驗一定比部份內地球員豐富。中國球員要代表國家隊先可以對外隊。國家隊球員已經貴，加上而家香港球員都當本地球員，內援，有比賽經驗，水準又唔係太差，所以會揀香港。而家問題係無中堅。我話”下，中堅缺人?全部用外援，但都會搭一個本地。我話隊隊都有一個外援(中堅)，搵個本地唔係咁難卦。佢地話難。好嘅超貴，其他得身型，無腦，其他就真係冇咁好。我都覺得奇怪，中國咁多隊波搵個中堅咁難?不過中國踢波都講人事，際遇。好似換教練咁，因為佢地通常球員跟教練。所以我好好奇，年年聽都冇中堅，年年都要搵，香港咪得幾個。
世：聽過有搵基藍馬？（訪問刊出時，基藍馬如無意外將轉投中甲天津松江。）
豪：科夫，高梵科夫上年都36，7啦。仲有隊中超搵佢（原來未踢中港戰前已經有！），都成兩萬美金(一個月)，無人無都咁。佢地外國人嘛，佢地話隊隊波都外國前鋒，你有外國人撞，身體質素係唔同啲嘅。
足球生涯無遺憾
足球生涯篇：
世：其實你響中堅呢個位置踢左咁耐，唔知有冇諗過踢其他位置呢？
豪：其實細個既時候其實崇尚進攻既，我技術型黎架！
世：咁空想下，話可以任踢咩位呢？
豪：會考慮下叫米路比佢打前鋒呀。不過出道既時候，其實反而係由招重文同黃志強等進攻球員既身上學識點做好一個中堅，因為佢地身為前鋒球員一定會遇過好多難對付既中堅，我可以將呢啲經驗化為己用。另外後生球員要盡量響訓練既時候加強自己既優點，唔好隨波逐流，將自己既長處show比教練睇，等教練有選擇、可以發揮到長處。
世：職業生涯最深刻的入球係邊個呢﹖
豪：亞運會嘅入球。
世：你曾經響亞協入自由球，然後做心形手勢送比老婆喎！
豪：其實平時練波都有練習射下自由球，只不過到比賽時有伊達、張峰等罰球好手時就通常交由佢地去處理。
世：另外，豪歌職業生涯征戰無數，會覺得邊隊球隊最難應付呢？
豪：皇家馬德里。
世：咁至於本地方面呢？
豪：以前效力晨曦嘅外援馬斯奧。一對一對住佢基本上一定比佢過硬，甚至乎出埋超技術都冇用，所以比賽既時候要一早同隊友夾定包抄佢。
世：足球生涯仲有冇遺憾？
豪：冇，可以做自己中意嘅野。而家踢多一年賺一年。最唔後悔既事就係之前曾經短暫由南華轉返去流浪再之後轉返去南華。當時就係因為報答一位球圈前輩既恩情所以就轉返去流浪將自己既經驗 帶返比年青球員，當效力半季之後，可以教既野都教晒，報左恩情再返南華幫手踢亞協。可以報答前輩既恩，係做得最好既事，所以即使唔係人人都認同佢 既做法，我都從來冇後悔過。
完成訪問之後，我哋仲同豪哥嚟咗個快問快答環節，都幾搞笑架！快啲Click入 http://goo.gl/2gZdPF 睇啦！
────────────────────────────────────────────────────────────────────歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball/
世界波會喺呢度分唔同篇將今次專訪獻畀大家！
後面係米路呀喂！
世：世界波
豪：陳偉豪
教英文搵積施利？唔好卦~家庭篇：
世：睇好多報導，你追女仔都好浪漫下，奧雲波衫、亞協杯入波又心型呀，會唔會過返兩招俾大家？
豪：我好簡單啫，唔好隨波逐流，隨心得架喇。因為每個女仔都唔同，你了解下佢鋌意咩就得架喇。
世：咁而家太太對足球熟唔熟悉？你有冇同佢解釋下咩係越位？
豪：佢無咩架，佢本身又睇開波嘅，睇奧雲呀英格蘭呀，係奧雲、麥馬拿文FANS，有自傳啲碟添呀。
世：一般女仔都唔知咩係越位，咁你太太係咪拍拖個陣已經有呢啲基本嘅足球知識？
豪：佢……我諗佢應該無。不過佢又無問，我諗佢大概知嘅，睇左咁多，但係你叫佢講返出黎就未必知囉。
世：囝囝有冇睇你踢波？
豪：有嘅，我鍾意帶佢睇現場多，因為我地屋企唔係點睇電視。
世：即係英超個啲都無？
豪：第一英超啲開波時間都夜啦，我個囝好早訓，都無咩時間。而家啲小朋友好慘，唔好話大人逼佢喇，我當佢唔學野，好似我個囝返下晝班，放學返到屋企都五點幾，快嘅話沖涼食埋飯都七點幾，八點幾做功課，佢想玩其實都已經無咩時間。
唔知點解佢地咁忙架喎。幼稚園都已經話有功課，而家啲學校唔叫「默書」，叫「記憶遊戲」，好聽啲叫無咁大壓力啦。好慘，而家啲細路仔無時間玩，即係話想大家「HEA」下都無，而家小朋友係唔會悶架，佢都無時間。
我覺得唔得囉，而家啲官校佢教統局SET哂啲野，無得悠閒架喇，所以我通常都係去見啲直資或者行IB嘅學校，佢地會比較FREE啲，佢地無考試嘅，就叫做「PROJECT」，我比較鍾意呢啲。 我見到有啲學校「四測四考」，無野呀大佬，個個月都測驗考試，個大人都辛苦啦。
世：咁有冇話俾佢參加啲興趣班？
豪：踢波，跳舞。佢好鍾意跳舞。
世：咁景堯都就黎報小學，你對佢成績會唔會有咩期望？
豪：坦白講，個個家長都希望自己小朋友唔差嘅，咁但係我又唔駛佢去到尖子咁。佢平時都會自己睇書，咁我諗佢都唔會話討厭讀書嘅。
反而你話搵學校，我地算係求其架喇，都係報左三間。如果佢地唔收嘅，咪去返屋企附近抽個啲囉，我地無咩所謂。
世：咁你覺得Interview黎講自己會唔會有啲優勢？
豪：呀……我諗可能有掛，我都唔知。好多老師都未必好接觸體育，我都係靠我個囝架喇。
世：平時會唔會教下囝囝功課？
豪：我老婆教架，我驚教錯佢。有陣時我個囝糾正我嘅，英文有陣時佢講埋個音俾我聽點拼，哇你識講你講啦。不過可能遲啲INTERVIEW就可能搵個人補下英文啦。
世：會唔會搵積施利幫下手？(笑)
豪：呢個野！？唔好喇。不過其實OK嘅，啲英國人英文係好聽好多架。如果係搵積‧施利其實又唔駛特登補習嘅，得閒搵佢傾下計得啦。
三人行必有我師
港隊篇：
世：港隊最近多咗好幾會入藉球員，好似保連奴咁，其實佢都32歲喇。
豪：保連奴32咩？仲踢得呀。
世：我地fans就話寧願畀後生本地球員，豪哥你又點睇，年齡係咪限制？
豪：法圖斯37啦，踢到大家拍爛手掌，睇球場態度啫，無得怨人，唔通等法圖斯果啲唔入藉先好咩。對我黎講有法圖斯係隔離仲好。我會提醒自己，你喺我隔離都踢到37呀！
世：即係都算良性競爭嘞喎~
豪：係，非常好，我以前競爭都好大，高尼路同卓卓兩個都當打。
世：但你2003，4就站穩正選，當時東亞盃，對利物浦，皇馬都有你份。豪：無錯，02，03果年。
世：頭先講到法圖斯37歲，佢地會唔會都有個學層過程，華人入藉會唔會互相學習到？
豪：三人行必有我師，身邊人一定有啲野可以學到，唔好拎人地缺點去比較。唔好覺得法圖斯矮。我係高過法圖斯，但都要證明自己夠好，好過佢。唔好拎人地唔好去比較。
人地好嘅野要學。法圖斯點解踢到37。態度好。數據無得呃人。就算你唔係日日陪佢，你叫佢除衫，成隊脂肪比例最低。參考數據啦，佢係成隊最fit、脂肪比例最少。池田先生下佢係最fit果個，但佢最老，無得呃人。
你想好過佢，練好啲先。我身邊好多，講話唔好，總會話我好過佢先啦，包括而家青年軍。你唔好嘅野咪去改，人我好嘅野你去學或者超越佢。呢樣野對自己有益處。你拎唔好嘅野同人地唔好嘅野比係無意思。自己放大自己無乜用 。
世：香港最近入選中堅都超過30歲，你覺得有咩後生仔喺港隊或南華會接到你班？
豪：Sean（謝家強）啦，又練得又踢得，我亦相信如果佢有護照唔會喺香港踢，可能返大陸踢，佢好值錢。
世：佢都好似講過呢樣野。
豪：因為佢岩岩生左bb，未返得大陸。不過做佢經理人發囉，好值錢。最起碼兩三萬美金一個月啦。
世：不過佢自己中意踢防中喎。
豪：佢係呀，佢呢個年紀跑得撞得又可以上去攻下係好好多。但落到場教練叫你踢咩咪踢咩。當然米路亦會首選佢防中，但叫佢踢中堅絕對無問題。就咁講本地，細佬梁諾恆都幾好嘅，而家佢仲後生，94年，21歲。見佢踢都幾好，穩陣。睇佢身形有下苦功，有練。
世：你頭先都好講態度，咁Kim Sir揀人又會唔會睇重呢樣野呢？
豪：當教練有壓力，一定係能力先好似高梵同麥基，個人技術麻麻，但有速度華人無，無限體能。對外隊呢啲野係優先。組織呀係無香港人咁好。所以話多啲入藉兵，艾力士，保連奴等係好事，佢地質素幾好，所以要加強香港隊實力先。
世：咁入藉兵態度又如何？
豪：麥基幾好。高梵差少少，佢大陸踢開波。黎到香港比訓練量唔係好多。麥基接觸多啲，好虛心好勤力。
世：咁高梵都幾單打獨鬥。
豪：佢係唔識組織，所以佢無得唔單打獨鬥。佢組織能力唔好。
世：小編個人睇法，科夫比唔上好多華人中堅。豪：科夫第一年黎，我同佢做隊友，識左佢好耐，佢態度係非常頂級好。全部踢得咁耐都係態度問題。科夫法圖斯三十幾仲有中超搵，證明keep得好，生活習慣好，態度好，無得呃。佢能力真係唔高，佢最好就係知自己能力唔高，拎到波就畀隔離。有球員聽到掌聲就show兩野，科夫無。一個好球員識藏拙，咁咪得囉。
世：你係香港隊嘅心態會唔會話係同一班後生嘅競爭？
豪：我嘅心態係同班外援或者入籍嘅競爭。因為我覺得無可否認，外援有種俾人優勝嘅感覺，大部份人都覺得出多隻「鬼」好似著數啲。
其實係良性競爭黎，唔係話針對同唔鍾意，我係覺得佢地有佢地長處，但我地香港人都有香港人嘅優勢。佢地有身體質，但香港人頭腦轉數比較好。我想證明俾個啲覺得出外援一定有著數嘅人睇。 外援同香港人出邊個好啲，好睇對手。好似對住中國咁，牌面上弱好多嘅，你要搵啲跑得、撞得、踢得，呢啲咁咪OK囉，出基藍馬、法圖斯、張志勇、曾志孝，我覺得都適合，你都係縮係禁區，佢斬入黎咪同佢鬥撞。但係對不丹、馬爾代夫，你出多啲本地嘅反而仲好，因為大家平時夾開，默契同溝通好好多個陣我覺得對進攻係有幫助。
就算我好返，對中國用返基藍馬、法圖斯，我覺得都無咩問題，一睇就知我無佢地咁撞得啦；好似對不丹阿KIM就會預我踢嘅，但係馬爾代夫就唔會係我喇，因為馬爾代夫個前鋒靈活同快，所以就特登搵志豪、同法圖斯，係針對性嘅。
所以球員實力本身無話有冇強弱優勢之分，係睇下戰術適唔適合。
世：越黎越多入籍兵同傑志有唔少華人主力出走，豪哥點睇啦！豪：一隊球會如果為左不斷求勝，簽入更多入籍既香港球員其實係無可厚非，畢竟有時職業比賽係著重勝負，有入籍球員既時候就寧可出晒而未必可以比機會 培訓本地球員。好似張峰為例，指佢響傑志屈居於丹尼之下，但黎到南華之後就一定係主力，出場機會多左，一定踢得開心d。本地球迷其實會想 睇多小小土生土長既香港球員，但係始終有部份球迷對勝利執著，所以為左勝利要犧牲本地球員既出場機會。
世：南華其實都有兩、三位入籍球員，又係點睇佢地呢？
豪：其實南華有一樣野令佢覺得自豪既，就係即使有好既外援、入籍兵都好，球隊響咁多個球季以黎始終係以本地香港球員主導。球隊其實一定需要外援，但外援既角色係以輔助為主。
退役要搞青訓生活篇：
世：其實你已經33歲，有冇話為退役後打算？
豪：最近有。傷嘅時候都有諗；想搞青年軍，但要睇下合作形式。
世：咁會唔會同啲足球學校合作，做客席教練，或者搞自己足球學校
豪：一定唔會搞自己個名啦，不過呢個時間兼顧唔到，同足球學校合作睇下個合作空間。
世：不過而家越黎越多坊間足球學校同班。
豪：要搞的話方針會唔同。足球學校開班教小朋友。我搞就透露少少，同啲球會呀，好似南華會合作，專出青訓產品。或者我地以前踢體院，精英制，呢樣野好緊要。一班好嘅人聚埋踢係好好多，進度快好多，所以最想做。
世：咁你心中精英制個pool幾大？
豪：好簡單，同好多間學校合作，講住咁多住~（好神秘喎！）
世：咁你又點睇最近學體會話會嚴格執行有球會就唔可以踢學界呢件事？
豪：我覺得好搞笑，即係好似港超聯咁如果淨係叫你用香港人，你嘅水準都唔高啦。佢係讀緊書，適齡，合資格咁有咩問題？你踢走左一班最出色嘅，咁競爭水平都低左，說服力都無咁大啦。
如果係學校角度，呢啲政策無可厚非。但係好老實，如果你話要搵好又無註冊嘅，我照搵咋嘛。
世：其實所謂「港超球員」係學校都係做同一樣野，唔會話走堂踢波架。
豪：唔通你游水跑步個啲代表港隊你又唔駛參加咩？唔會架嘛。
世：但係會唔會有呢個政策之後會公平左？球會又可能會去發掘啲未註冊嘅球員？
豪：其實而家學界來來去去都係個幾隊爭，但你話個幾隊入面有幾多人註冊左港超聯？得幾個。咁唔代表無註冊個班唔識踢波，本身班底都係有水準，個政策只係叫拉返近少少。但係我覺得你想班球員好，或者球賽競爭性好，你都一定要提高比賽水準，搵一班適齡球員去踢。
世：而家網上有好多渠道(例如網上論壇、Facebook等)去比球迷討論本地波，其實你又會唔會去留意有關自己既評語?
豪: 以前羅生做足主既時候會追睇佢個blog，要睇睇自己會唔會比羅生鬧，又或者睇下羅生會鬧邊個。反而現在就少留意左網上面既討 論，因為好多球迷其實有好多唔合理既批評。作為一位職業球員，我好樂意面對批評去改善自己，但係更多既球迷響網上係講一d人身攻擊，又或者 係貶低其他球隊去抬高自己愛隊既留言。希望大家留言既時候，盡量唔好去人身攻擊其他球員或者球會咁去理性討論嘞！
世：咁你休季點keep呀你自己。
豪：享受假期啦，一個月都冇。都係陪細路，游水多，健下身咁。
世：同羅生仲有冇聯絡呀?
豪：少喇，因為佢做好大生意，係外國，成日唔喺香港。同羅太有時就聯絡下。無聊野本身有個谷。贏馬都會恭喜下。
我個囝普通話都好過佢
李志豪篇：
世：不如你分享下唔同位置合作過最好球員啦。
豪：龍門就阿輝啦，最好夾，左面就大眼仔，右閘都係志豪。佢打右閘都好強，踢後衛黎講佢好勁。
世：坊間話打多個李志豪好似多個外援咁。
豪：係呀，都可以咁講。佢上過中超搵食，啲普通話都...佢而家唔夠膽講啦。我笑佢笑到而家
世：咁你好啲定佢好啲…（大笑中）
豪：我直頭唔講，我個仔好啲。
世：但志豪都畀球迷話過佢高章
豪：瀟灑。心水清嘅球迷有睇佢近二百場比賽，就會見只要佢有一個好美妙嘅攔截呢，個波就會失架啦。命中率高達70%。不過佢防守能力好強，大部份犯錯佢補到，自我收復。
世：咁你喺場內有咩反應呢？
豪：我會話好野，玩完都隨時追得番，好野
世：（大笑）會唔會拍完手掌都準備定失波。
豪：我無時無刻都準備架啦（豪哥都忍唔住笑０。緊係啦，你追到我未必追到呀大佬。佢好有安全感嘅，佢玩得起嘅。
世：話說小編有次見到李志豪，身形好fit成個外援咁
豪：嘩，佢後生果陣仲勁呀。睇佢身形唔似球員嘅。腳天生就強壯。短跑呀跳呀好勁。成隻田雞咁。
世：咁佢休季點下苦功呀。
豪：嘩，後生果啲跟佢？跟兩年唔洗踢波。唔練架佢，吹佢唔漲。唔加操架佢。天生。我就要成日keep。不過佢練波好認真，畀晒你，完左唔會加操，練跑，真係未見過佢加操。不過佢好野，無乜見佢傷，球圈不死腳。佢癲架，第一年踢二合，佢都冇咩點練波嘅。我地練三點跑馬地，佢放三點沙田。我地三點九完，佢最快黎到三點七，八。不過佢都有得打正選，防守能力強，唔要命。防守頂級，細個已經好勁。趙俊傑會加操。
世：不過有人覺得加操會增加負擔喎。
豪：錯晒啦，唔同教練都唔同做法。夠唔夠自己會知。好似今日練波運動量大，都係腳攰，唔係身攰。每個人身體結構唔同，醫生話我肌肉有彈性，所以我頭10-30米可以好靈活好快，但我跑一百米唔得，因為肌肉維持唔到咁耐。個人結構唔同，練嘅野都唔同。加操唔係話教練果啲唔夠，係自己覺得唔夠呀傑加操係因為佢重傷過，佢要練番保護果個位。呢一樣係可以理解。
揀Babies？要陳七幫下手…
球會篇：
世：輕鬆一下，而家好多球會都有搞球會babies，如果南華會都搞，又邀請你做揀選babies既評審，你又點睇呢？
豪: 贊成!應該加埋閱女無數的隊友陳肇麒先夠公信力。
世：唔驚比老婆扭耳仔咩?
豪：班babies著晒波衫，形象sporty，唔怕既!
世：會唔會真正向球會咁樣建議呢？
豪：唔會啦，一來自己唔係marketing果方面既人士，二來南華始終係比較傳統既球會未必接受到，寧願搵多個教練好過搵babies，marketing既野都係留返比marketing既人做啦！
世：另外有球迷評擊過球員如果有拍廣告，不如專心練波先係一個職業球員。
豪：唔認同，除非練完波去做地盤工作，否則既話始終拍廣告唔會消耗太多體力，分分鐘拍攝果個仲辛苦!
世：上年離開嘅球員你覺得邊個最可惜呢？
豪：郭健邦啦。我都唔記得有邊個走。佢果個位好緊要。上年果個位我地冇乜人，佢仲要有能力，踢得耐，好可惜，對球隊都有影響。
世：係囉，佢青訓係度打拼咁耐，唔應該受咁嘅待遇。
豪：人夾人，合作唔黎就係合作唔黎。大家宗旨唔岩。我要求你做嘅野你唔想做，咁咪無得合作。
世：不過又有意見話走得好
豪：Timing唔岩做岩嘅事都唔好。其次，pr做得唔好，第三，老細平時唔係對開出面講野，有時唔識包裝。
世：咁點睇今季爭標形勢呢？
豪：其實由於今季有好多有實力既球員加盟，令實力有所提升。好似卡路士同魯卡斯都係好有實力既外援，而張峰、梁子成同黎耀昌加盟，令南華響實力同深度都加強左好多。卡路士既技術真係好好，米路搵返黎既外援都有料添
世：咁寶馬呢？（訪問登出之時，寶馬己離開南華。）
豪：寶馬銷量大跌啦！
世：咁爭標嘅最大對手呢？
豪：傑志。因為佢地有4位入籍左既外援球員，加上新簽既費蘭度再配合原有既有實力外援，隨時響球場上只得盧均宜一位真正港人，實力自然強橫。
世：咁點睇亞協四強失利呢？
豪：其實可能因為經過作客1比1之後可能球員信心大左之後，反而有小小輕敵同埋唔集中，加上主力艾華傷出，所以就響發揮得唔係咁好既情況之下出左局。
世：咁寶馬既表現正常?
豪：正常~~~~~
世：點睇今季轉左將軍澳運動場做主場呢？
豪：由球員既角度出去，話除左因為比人拎左個大球場使用權有些小心理陰影之外，其實將軍澳個草地質素真係好好，所以其實踢將軍澳對球員黎講其實都有正面既影響添!
世：你對張志勇呢位新加盟嘅中堅有咩睇法？
豪：佢平時練波態度好好，亦都好虛心。但佢都唔係後生，只係遲出道，而佢呢幾年進步都幾明顯，佢仲踢緊大埔個陣可能會係比較亂，但係呢幾年防守方面尤其高波有好大進步。
而南華都需要佢呢類球員。好多人都覺得南華要全部都係最好嘅球員，但其實出得場嘅都係11個，無得踢個啲可能心態會唔係咁好，可能佢唔甘心，或者覺得自己唔應該打後備。阿勇就會接受到自己打後備，但你隨時搵佢佢都會有貨交。 而我同佢嘅分別就係我經驗比較多，比較鍾意做決定，會係球場到出多啲聲；阿勇因為經驗無咁多，佢好難出聲去做決定。
世：咁羅素呢？
豪：我幾欣賞佢。佢成日俾人話慢同技術唔好，係呀，咁打後衛啫，佢身型好，高波頂哂，最重要係佢練波態度非常好。佢練波好投入，講哂粗口架；又經常自己加操，佢知道自己慢，所以成日諗辦法去改，成日問保贊點樣快，佢兩個仲會成日一齊練。我覺得香港球員係需要學習呢啲。
世：你曾經有機會同畢特、基士文做過隊友，咁對佢地又有乜野評價呢？
豪：畢特係一個有級數的球星，雖然因為效力南華既時候已年紀大，但係勝在足球智慧夠高，舉手投足都有球星風範，而且每一個踢波的動作都係有級數。而且難得沒有球星架子，練習態度好好。相比之下基士文練習時就冇咁認真同投入，所以表現就唔係咁好。
返大陸搵食，其實唔難。
隊友及外流篇：
世：綜合咁多年咁多隊，最好拍擋又係邊個呢？
豪：志豪，保贊。我同佢配合過，好有質素，態度又好
世：佢都成日加操喎~豪：你拎上年啲相同今年啲相比，大左成個碼，選美咁呀佢，好鬼大隻。
世：會唔會叫佢帶你去操。
豪：無呀，佢啲重量我做唔到，好勁。
世：講起出外搵食，你都有兩三次機會，有冇話覺得職業生涯有啲遺憾？
豪：都有嘅，少少，不過我都有大把野未做過，呢樣係其中之一。
世：如果呢刻有機會呢﹖
豪：睇下咩地方啦。
世：如果中超?
豪：去得過喎而家！
世：咁中甲?豪：老實講睇條件，無理由話喺大陸體驗生活架，緊係睇錢。
其實話上大陸搵食唔難架。睇地區，有啲地方好難搞。我唔係怕悶呀。無屋企人真係驚死左無人知呀。
世：好似林學曦咁印超呢？
豪：後生就會。其實香港好多球員都有能力出外搵食，鄰近國家無問題。歐洲唔好話頂級，次級聯寶都有咁嘅能力。
世：關唔關香港經理人發展唔太理想事呢？
豪：我覺得係，外流需要有經理人做橋樑。香港球員對香港經理人無咩價值，所以係有大陸經理人搵我地。但去到外國你係外援嘛。你能力除非好高，人地搵得，緊係日韓先啦。除非你人工同人本地差唔多人地先會考慮，球會無乜錢先考慮。不過肯踏出第一步去歐洲體驗生活係幾好。如果以前歐洲搵就實去添。
世：咁點睇歐沖個發展。
豪：非常好，非常好。首先踏出呢步，畀其他香港球員睇到希望先，有目標做第二個踢歐洲波。呢個好重要，因為有希望先會去做。
首先最重要係屋企環境。唔洗話好有錢，但屋企唔洗等你開飯，因為以前好多隊友要搵錢先無踢波，好多好球員。其他當經歷，好似working holiday。去呢啲地方體驗生活，就算無乜錢都okay。包食包住有少少錢好正，所以可以試一試。
世：咁歐沖有經理人，香港方面就少將啲片扔畀外國球會。
豪：好老實，人地揀外援未必揀到香港。大陸咁多人踢波，點解要擦香港球員呢?有經理人同我講，上面好波，一早簽左會，仲要天價，亦唔會放。大陸好多好球員，但無乜比賽經驗，尤其國際賽。揀香港球員，因為香港球員打國際賽經驗一定比部份內地球員豐富。中國球員要代表國家隊先可以對外隊。國家隊球員已經貴，加上而家香港球員都當本地球員，內援，有比賽經驗，水準又唔係太差，所以會揀香港。而家問題係無中堅。我話”下，中堅缺人?全部用外援，但都會搭一個本地。我話隊隊都有一個外援(中堅)，搵個本地唔係咁難卦。佢地話難。好嘅超貴，其他得身型，無腦，其他就真係冇咁好。我都覺得奇怪，中國咁多隊波搵個中堅咁難?不過中國踢波都講人事，際遇。好似換教練咁，因為佢地通常球員跟教練。所以我好好奇，年年聽都冇中堅，年年都要搵，香港咪得幾個。
世：聽過有搵基藍馬？（訪問刊出時，基藍馬如無意外將轉投中甲天津松江。）
豪：科夫，高梵科夫上年都36，7啦。仲有隊中超搵佢（原來未踢中港戰前已經有！），都成兩萬美金(一個月)，無人無都咁。佢地外國人嘛，佢地話隊隊波都外國前鋒，你有外國人撞，身體質素係唔同啲嘅。
足球生涯無遺憾
足球生涯篇：
世：其實你響中堅呢個位置踢左咁耐，唔知有冇諗過踢其他位置呢？
豪：其實細個既時候其實崇尚進攻既，我技術型黎架！
世：咁空想下，話可以任踢咩位呢？
豪：會考慮下叫米路比佢打前鋒呀。不過出道既時候，其實反而係由招重文同黃志強等進攻球員既身上學識點做好一個中堅，因為佢地身為前鋒球員一定會遇過好多難對付既中堅，我可以將呢啲經驗化為己用。另外後生球員要盡量響訓練既時候加強自己既優點，唔好隨波逐流，將自己既長處show比教練睇，等教練有選擇、可以發揮到長處。
世：職業生涯最深刻的入球係邊個呢﹖
豪：亞運會嘅入球。
世：你曾經響亞協入自由球，然後做心形手勢送比老婆喎！
豪：其實平時練波都有練習射下自由球，只不過到比賽時有伊達、張峰等罰球好手時就通常交由佢地去處理。
世：另外，豪歌職業生涯征戰無數，會覺得邊隊球隊最難應付呢？
豪：皇家馬德里。
世：咁至於本地方面呢？
豪：以前效力晨曦嘅外援馬斯奧。一對一對住佢基本上一定比佢過硬，甚至乎出埋超技術都冇用，所以比賽既時候要一早同隊友夾定包抄佢。
世：足球生涯仲有冇遺憾？
豪：冇，可以做自己中意嘅野。而家踢多一年賺一年。最唔後悔既事就係之前曾經短暫由南華轉返去流浪再之後轉返去南華。當時就係因為報答一位球圈前輩既恩情所以就轉返去流浪將自己既經驗 帶返比年青球員，當效力半季之後，可以教既野都教晒，報左恩情再返南華幫手踢亞協。可以報答前輩既恩，係做得最好既事，所以即使唔係人人都認同佢 既做法，我都從來冇後悔過。
完成訪問之後，我哋仲同豪哥嚟咗個快問快答環節，都幾搞笑架！快啲Click入 http://goo.gl/2gZdPF 睇啦！
────────────────────────────────────────────────────────────────────歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball/
請按此登錄後留言。未成為會員? 立即註冊