【球奇譯】曼聯的訣擇－摩連奴 vs 傑斯 vs 雲戈爾 精選

香港地中意睇人X街就係人都知，但原來英國都中意。話說曼聯最近成績同比賽場面都畀人恥笑，領隊雲戈爾都漸聞魷魚香，咁岩車路士前領隊摩連奴又搵緊工做，所以曼徹斯特晚報就整咗次摩連奴對傑斯對雲戈爾，幫曼聯睇下邊個好。咦？無哥迪奧拿嘅？
不過就等世界波譯畀大家睇！入面會加少少世界波自家內容，敬請留意。

（現實主義）
摩連奴
好：
份履歷表無得彈。連雲戈爾都話唔知點解車仔會炒佢。當一支球隊三年無冠，搵摩佬實無走雞。曼聯而家瀕臨呢個情況，點忍到？.壞：
話晒叫狂人，唔係個個頂到！車仔今年成績大倒退，畀人話就係因為摩帥欣去對更衣室控制！
同埋雲戈爾畀人話悶，摩帥啲波都唔見得娛樂得去邊！摩帥出晒名功利足球喎！就算有明星球員都可以踢得好悶！

（浪漫主義）
傑斯
好：
曼聯超級老臣子，了解球會歷史，識做之餘球迷都相當敬重佢，肯定會畀好多耐性佢。如果曼聯炒雲戈爾唔用佢，睇怕佢都會出去自己闖一片天。
壞：
毫無經驗。對上一次曼聯任用無執故經驗嘅領隊，已經喺1970年請同樣係曼聯球員出身嘅麥堅尼斯，而結果並非太好…

（都係現實主義）
雲戈爾
好：
佢成功做到清洗同換班嘅工作，球迷都算叫做滿意。雖然洗咗2.5億英磅買人，但總算令曼聯脫離莫耶斯時期嘅混亂。而家既然叫啱啱換班叫初步完成，突然推倒重來並不適合。
壞：
睇而家情況，唔能夠話雲戈爾失去對更衣室控制，因為可能只係因為球員失去咗信心，亦有可能係球員玩政治想迫走佢…不過就算係邊一種情況都好，對曼聯嚟講，都唔可以繼續落去…

文章及圖片來源：http://goo.gl/yw45fK

────────────────────────────────────────────────────────────────────
歡迎大家上黎世界波一齊講下波，風花雪月一番
你嘅LIKE係我地嘅原動力
https://www.facebook.com/hereisworldball/