基朗拿彈起,又關曼城事?

勁好波 於 14/03/2018 發表 收藏文章
位處加泰隆尼亞地區嘅西甲升班馬基朗拿,今季成績唔錯,唔只護級無礙,仲有機會衝擊歐洲賽。原來佢哋今季嘅異軍突起,都要多得曼城!再準啲咁講,係曼城所屬嘅城市足球集團(City Football Group,下稱CFG)。

基朗拿有44.3%擁有權屬於CFG,另外44.3%就同曼城主帥哥迪奧拿有關,因為擁有呢部份嘅集團,係由哥帥細佬Pere做老細。正因為咁嘅關係,曼城亦試過外借過球員畀基朗拿。

哥迪奧拿教曼城,連佢細佬都同曼城有間接關係,原因就係因為基朗拿。

不過比起邦索家族對於意甲烏甸尼斯及英超屈福特嘅管理,基朗拿同CFG嘅關係似乎更理性,最起碼基朗拿唔會利用呢個關係,大舉借入或收購同曼城有關嘅球員,而有關交易亦唔會出現離譜地低嘅成交數字,大家亦唔會見到一啲離奇傳會個案或借殼買人之後外借嘅情況。呢方面似乎基朗拿做得幾成功,因為唔講,唔少人未必知原來基朗拿同曼城有咁嘅關係。

另外一個未必好留意西甲嘅球迷,可能唔知基朗拿位處加泰隆尼亞,不過無論有冇留意,但佢哋以2:1戰勝銀河艦隊皇家馬德里,除咗令小城球迷一再回味外,更可以令傳媒大書特書,令大家喺加泰球隊入面,會為巴塞隆那及愛斯賓奴後加多一隊基朗拿。

贏過當時狀態不佳嘅皇馬係虛火同曇花一現?基朗拿及後擊敗實力球隊畢爾包及作客同馬德里體育會踢成平手,證明佢哋可以喺西甲值得有一席之地。

基朗拿的雙箭頭史杜安尼(下)及樸圖 (上)今季為球會貢獻不少入球而成功搶分。

當然仍會有人表示基朗拿有如今成績,同曼城借將都脫唔到關係,但其實有唔少球員外借到西班牙都唔係有太多貢獻。先講成功例子,有閘位球員柏保路馬菲奧,但佢已經外借予紅白軍三個賽季,然而除此以外,成功個案寥寥,包括馬路斯摩蘭奴敗走法林明高,全因其不合基朗拿教練馬捷風格,證明並非曼城借將就確保有出場機會,不會出現球隊變成曼城練兵場的情況。其中在奧地利表現出色的卡約迪到埗後,仍需讓位於今季屢下戰功的烏拉圭前鋒史杜安尼。其他借將尚有杜格拉斯路易斯阪阿歷士加西亞都不能輕易擠身主力陣容,正因馬捷用人不受球會與曼城關係所限,勇於使用青訓產品龐斯,與及其他實力球員格尼爾、保查加西亞,及今季與史杜安尼為球隊衝鋒陷陣的前鋒樸圖,而球員本身早已建立的默契,亦令一時而來的借將,更難憑關係就可上場比賽。而除了實力外,不少球員本身早已與球會征戰次一級的聯賽,到升至西甲後,他們更有鬥心於西甲賽場奮力表現,以證明自己及球會實力,這種心態亦非來投一季半季的借將所能媲美,正如上述提到的格尼爾,及至29歲方才第一次在西甲比賽獻技,至於樸圖更是球會當日升班頭號功臣。

至於說到功臣,當然不能不提教練馬捷。他於2014年3月走馬上任,主打陣式都以5後衛為主,多為5-3-2或5-4-1,陣式與打法上的穩定可能會令對手易於看穿,但到目前為止,基朗拿對此打法早已了然於胸,對手要破都並非容易。

正當基朗拿為歐洲賽資格衝刺時,其擁有權分佈卻又無可避免地成為焦點。歐聯規則第5條列明,歐聯中不可出現兩支或以上,由同一法人擁有的球會,以避免兩支球會相遇時惹起爭議。雖然要說基朗拿進軍歐聯為時尚早,而曼城來年跌落歐霸亦不太可能,但基朗拿進軍歐聯,雖遠而非謠不可及。球會能否真的一圓歐洲夢,或長遠取代另一支加泰隆尼亞球隊愛斯賓奴成為巴塞隆拿的打吡死敵,甚或成為巴塞的「吵鬧的鄰居」,來年,甚至未來很多也許才是真正考驗,同時亦是CFG的一大工程。
先別談歐聯,基朗拿最現實的目標,當然是可以與同區的巴塞隆拿一起逐鹿西甲。

如果喜歡我們的文章,請即分享到︰

標籤: 西甲  基朗拿  加泰隆尼亞  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→