著得件衫就係球迷?

今日小編喺facebook專頁問過大家識唔識呢位著曼城衫嘅陳姓疑犯，嗱嗱嗱 … 雖然有媒體已爆出陳先生已招認殺人，不過好似一日未上庭判罪，一日都仲係疑犯身份，但佢係咪城迷就有待求證，小編身處嘅幾個城迷whatsapp群都話唔識。
http://hk.on.cc/hk/bkn/cnt/news/20180314/bkn-20180314221856735-0314_00822_001.html

其實香港人著波衫相對無外國人咁講究，相信呢個無乜人否認，因為你都幾容易見到有人會著住件車路士衫下身襯皇馬褲，或者巴塞褸入面係曼聯衫 .. (Fashion 嘅嘢識條...) 的確小編對Fashion 無研究，著波衫對香港人嘅意義或者就係：時髦嘅象徵，容易襯衫，一齊慶祝，同埋鋪頭大減價時總會見到一堆師奶以掃貨為名，買俾個囝，老公，但呢d人佢地本身未必係支持該隊波，當你喺街仲見到有人著起 16/17 李城。


不時有人問著得起個件波衫係咪自己人先?? (任達華拍PTU就係嘅) 但至少除咗曼城，小編都有羅馬，韋斯咸，拖連奴等等球會波衫，戴定頭盔先我係印返曼城舊將同借將架，(唔好再話我係咩假城迷，) 不過香港呢個畸形情況喺其他地方相對罕見，因為唔少外國球迷只會買返自己國家隊同支持球會嘅波衫，甚至拒絕著上其他球會服飾。

不過我都奉勸大家一句：如果身為城迷嘅大家：一旦著住曼城波衫言行舉止都要小心謹慎。因為你代表住嘅係一個球會同其他曼城球迷，我諗大家都唔希望自己他日俾人以 “鏝狗” / “鏝L” 稱呼卦。