2018/19: 第35週陣容預告 – Bench Boost登場! 精選

嚟到今季英超嘅最後一個Double Gameweek喇，咁都係時候用Bench Boost，盡量用盡晒15名球員。今個星期就唔會逐個逐個球員咁詳細咁講，因為都唔牽涉排陣，今週可以話係精銳盡出。全隊嘅陣容配置都係以有一週雙賽嘅球員為主，一共有13個；而2名冇一週雙賽嘅球員都係利物浦（Liverpool）嘅球員，一唔一週雙賽都好，佢哋都要搏盡拎英超冠軍，所以都唔太擔心利物浦嘅球員。

今週要講下嘅嘢就係個免費轉會（Free Transfer）同隊長人選。先講免費轉會，本來諗住儲埋2個等下一週先一齊用，可以更方便調動季尾嘅人腳。可惜迪利（Deeney）上場領紅迫住筆者一定要換人，結果新買入嘅前鋒都係嚟自屈福特（Watford）。佢就係安達格雷（Andre Gray）喇。揀安達格雷主要有兩個原因，第一個原因係屈福特嘅賽程非常好，佢哋今週嘅對手分別係哈特斯菲爾德（Huddersfield）同修咸頓（Southampton），而第二個原因就係迪利停賽，咁即係意味住安達格雷應該會係呢兩場屈福特嘅正選前鋒。咁我就唔洗擔心佢呢兩場會冇得出。咁跟住落嚟就要講下今週嘅隊長人選，喺筆者心目中，今週嘅隊長人選只得兩個，分別係熱刺（Spurs）嘅孫興民（Son）同曼城（Man City）嘅史達寧（Sterling）。揀佢哋嘅原因好簡單，呢兩位射手都分別喺週中嘅歐聯賽事各自攻入對方嘅大門兩次，入球能力無容置疑。但難揀嘅係，賽程同輪換問題，如果肯定兩位都踢足兩場，咁肯定係揀孫興民，因為熱刺嘅賽程比曼城易踢。熱刺硬撼完曼城之後，就係對白禮頓（Brighton）。相反，曼城惡鬥完熱刺之後，仲要對力爭前4嘅同市宿敵曼聯（Man Utd）。今週嘅賽程非常具決定性，可以睇到曼城究竟仲有冇力同利物浦爭英超冠軍，亦可以睇到尾隨嘅4支球隊點爭剩返2個位嘅前4席位。孫興民喺歐聯對曼城嘅兩回合，合共入咗3球，狀態除咗可以用火熱嚟形容外，仲可以話佢係曼城嘅剋星。不過，就要擔心佢究竟喺對白禮頓嘅賽事會唔會被收起。另一方面，由於曼城歐聯出局，所以依家應該會將全副心機放晒落聯賽度，咁就唔洗過於擔心史達寧會被輪換。不過，問題嚟喇，曼城係咪又真係可以兩場大戰都全身而退呢？所以今週嘅熱門隊長人選都係非孫興民同史達寧莫屬，又睇下大家揀唔揀得中喇。不過，大家唔想煩嘅話都可以揀利物浦嘅沙拿（Salah）或者文尼（Mane），事關佢哋今場嘅對手只係卡迪夫城（Cardiff），但就輸蝕在於冇一週雙賽。筆者今週隊長嘅選擇就比較冒險，決定選擇孫興民。孫興民

由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：Bench Boost
本週陣容

球隊價值（Squad value）： 102.4M剩餘資金（In the bank）： 0.5M

如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/