今週除咗利物浦（Liverpool）同曼城（Man City）外，一眾列強都有失分。英超冠軍就以曼城處於較有利嘅位置，除咗因為係曼城以1分領先住利物浦，仲有就係曼城歐聯已經出局，而利物浦仲要分心歐聯，因為佢哋已經晉級到歐聯4強。另外，前4嘅爭奪又變得更加激烈，因為第3名至第6名只係相距6分，每名相差只係1至3分。上週重注嘅白禮頓（Brighton）同屈福特（Watford）喺今週終於帶嚟一個唔錯嘅回報，拉返勻兩個星期嚟計都算係咁。今次嘅Bench Boost都算成功，至少做到最基本15名球員都有落場拎分先。不過，喺揀隊長方面就仲可以做得更好。咁依家就睇睇今週筆者嘅陣容踢成點。第35週陣容
守門員
科士打（Foster）—5分
今週嘅第一場比賽，屈福特作客以1比2小勝哈特斯菲爾德（Huddersfield）。屈福特嘅控球率就稍高於哈特斯菲爾德，達到54.3%。屈福特全場錄得11射6中；而哈特斯菲爾德全場就錄得13射3中。今場本來屈福特都踢得幾好，係去到臨完場先鬆懈，俾對手喺補時階段攻入1球。因為屈福特失咗1球，同埋科士打只係作出咗2個撲救，所以呢場只係拎到2分。喺今週第二場對修咸頓（Southampton）嘅比賽，屈福特失咗英超史上最快嘅1球。屈福特主場以1比1賽和修咸頓。屈福特全場嘅控球率達到62.2%，全場錄得15射4中。修咸頓全場錄得8射4中，兼且憑住朗（Long）用咗開波7.64秒嘅入波就領先對手，仲破埋英超紀錄。科士打喺呢場作出咗3個撲救，拎到1分撲救分。佢呢場拎到3分，咁兩場加埋就總共拎到5分。賴恩（Ryan）—12分
今週嘅第一場比賽，白禮頓（Brighton）作客以0比0同狼隊（Wolves）握手言和。呢場控球率同射門次數都好一面倒，白禮頓嘅控球率僅得31.7%，而射門就只得5射0中。相反，狼隊嘅控球率接近七成，而射門次數更加係高達22次，但中目標嘅射門就只係得5次。呢場賴恩作出咗5個撲救，力保不失。佢除咗拎到1分撲救分，仲拎到3分bonus，所以呢場拎到9分。喺今週第二場對熱刺（Spurs）嘅比賽，白禮頓作客以0比1飲恨，輸咗俾熱刺。白禮頓全場嘅控球率僅得21.5%，大打防守足球。佢哋全場僅得6射1中，同熱刺比真係差天共地，熱刺全場錄得29射5中。賴恩其實都算表現唔錯，都係去到臨完場之前先被攻破大門，佢全場作出咗4個撲救，拎到1分撲救分。佢呢場拎到3分，兩場加埋拎到12分咁多。
後衛
查比亞（Trippier）—9分
查比亞喺今週熱刺（Spurs）第一場對曼城（Man City）嘅比賽並冇上陣，所以拎唔到分。喺今週第二場對白禮頓嘅比賽，查比亞終於有得上陣喇。佢全場錄得4次關鍵傳送，兼助球隊保持清白之身，所以佢除咗拎到4分不失球分，仲拎到3分bonus，總共拎到9分。杜菲（Duffy）—8分
喺今週第一場對狼隊嘅比賽，杜菲成功助球隊保持清白之身，拎到4分不失球分，喺呢場拎到6分。喺今週第二場對熱刺嘅比賽，杜菲全場交出白禮頓唯一一次中目標嘅射門，但因為白禮頓失咗波，所以只係拎到2分。佢兩場加埋就拎到8分。
羅拔臣（Robertson）—6分
今週嘅第一場比賽，利物浦（Liverpool）作客以2比0輕取卡迪夫城（Cardiff）。呢場利物浦不論係控球同射門都佔優，控球率超過76%。利物浦全場錄得17射6中；而卡迪夫城全場只係錄得7射2中。羅拔臣呢場幫助球隊保持清白之身，所以拎到4分不失球分，呢場獲得6分。
高拿仙歷（Kolasinac）—2分
今週嘅第一場比賽，阿仙奴（Arsenal）主場以2比3不敵水晶宮（Crystal Palace），今場阿仙奴嘅控球就佔盡優勢喇，控球率高達72.6%。阿仙奴全場錄得12射5中；而控球較少嘅水晶宮全場更加錄得16射7中。值得一提嘅係，今場阿仙奴失嘅3球都係源自死球。因為阿仙奴失咗3球，所以高拿仙歷被扣1分，呢場只係拎到1分。喺今週第二場對狼隊（Wolves）嘅比賽，阿仙奴作客以3比1慘敗俾狼隊，雖然阿仙奴全場錄得70.6%嘅控球率，但係射門奇差，全場錄得11射1中。相反，狼隊全場錄得11射3中，就入3球。高拿仙歷呢場都係去到58分鐘先至後備上陣，所以呢場只係拎到1分，兩場加埋都係得2分。華利尼（Valery）—1分
華利尼喺今週今場修咸頓第一場對紐卡素（Newcastle）嘅比賽並冇上陣，所以拎唔到分。喺今週第二場對屈福特嘅比賽，華利尼都係去到77分鐘先後備上陣，所以今週只係拎得1分。
中場
沙拿（Salah）—6分
喺今週第一場對卡迪夫城嘅比賽，沙拿嘅表現唔錯，全場錄得4射3中。佢因為搏到1球十二碼，然後由米拿（Milner）射入，所以算係交出1個助攻，呢場拎到3分。
杜哥利（Doucoure）—6分
喺今週第一場對哈特斯菲爾德嘅比賽，杜哥利嘅表現都唔錯，全場錄得2射1中並交出1個關鍵傳送。杜哥利呢場獲得嘅助攻係源於佢嘅射門被撲出，個波落咗去迪路菲奧（Deulofeu）嘅腳下，由佢補中入網。杜哥利呢場因為拎咗1張黃牌，所以被扣1分。不過，因為佢又拎到1分bonus，所以又抵銷返。所以呢場佢拎到5分。喺今週第二場對修咸頓嘅比賽，杜哥利嘅表現一般，全場只係錄得1射1中同交出1個關鍵傳送。不過，佢因為拎咗1張黃牌而被扣1分，所以呢場只係拎到1分。佢兩場加埋就拎到6分。史達寧（Sterling）—8分
今週嘅第一場比賽，曼城主場以1比0小勝熱刺。曼城一如以往，都係控球率較高嘅一方。曼城嘅控球率超過60%，而射門就錄得15射4中。而專心反擊嘅熱刺全場就錄得10射4中。史達寧呢場只係錄得1射1中，表現麻麻，佢仲因為拎咗1張黃牌而被扣1分。所以呢場佢只係拎到2分。喺今週第二場對曼聯（Man Utd）嘅比賽，曼城作客以0比2擊敗曼聯。曼城嘅控球率達到63.2%，而射門就錄得8射5中。雖然曼聯嘅射門次數比曼城仲多，有12次，但都只係得1球中龍。史達寧憑住策動右路嘅一個快攻， 斜傳俾左邊嘅辛尼（Sane），成功助攻辛尼攻入曼城嘅第二球。史達寧呢場拎到6分，而兩場加埋就拎到8分。孫興民（Son）—10分（Captain）
喺今週第一場對曼城嘅比賽，孫興民全場錄得3射2中，並交出1次關鍵傳送，所以呢場佢只係拎到2分。今場熱刺（Spurs）以4比0大炒哈特斯菲爾德（Huddersfield），可惜孫興民今場先任後備，去到86分鐘先獲得上陣機會。好彩嘅係咁短時間，佢都能夠交出助攻俾盧卡斯摩拉（Lucas Moura），造就盧卡斯摩拉個人大演帽子戲法。交出1個助攻嘅孫興民今週拎到4分。喺今週第二場對白禮頓嘅比賽，孫興民全場錄得4射0中，射門就麻麻，但就交出咗4次關鍵傳送，都叫唔錯，可惜都係帶唔到進攻上嘅貢獻嚟。
禾特包斯（Ward-Prowse）—3分
今週嘅第一場比賽，修咸頓作客以3比1輸咗俾紐卡素。修咸頓呢場錄得56.6%嘅控球率，稍高於紐卡素。雙方嘅射門次數一樣，各有15次，但係中目標射門就以紐卡素較多。紐卡素呢場有6次中目標射門；而修咸頓就只係得3次。禾特包斯呢場錄得3射1中，並交出3個關鍵傳送，表現其實唔差。不過，佢因為拎咗1張黃牌而被扣1分，所以呢場只係到1分。禾特包斯呢場嘅表現好差，踢咗90分鐘竟然冇射門同冇交出過關鍵傳送。喺今週第二場對屈福特嘅比賽，禾特包斯全場錄得1射1中，並交出1次關鍵傳送，表現一般。佢呢場拎到2分，兩場加埋就拎到3分。
前鋒
安達格雷（Andre Gray）—11分
喺今週第一場對哈特斯菲爾德嘅比賽，安達格雷嘅表現真係令人失望，全場僅錄得1次射門，仲要係唔中目標。所以佢呢場只係拎到2分。喺今週第二場對修咸頓嘅比賽，安達格雷全場錄得4射2中，並交出1次關鍵傳送。佢最終亦射入1球，助球隊扳成平手。表現出色嘅佢亦拎到3分bonus，呢場拎到9分。兩場加埋總共拎到11分。拿卡錫迪（Lacazette）—7分
喺今週第一場對水晶宮嘅比賽，拿卡錫迪全場錄得3次射門並交出2個關鍵傳送，最終亦收穫1個助攻，喺呢場拎到5分。喺今週第二場對狼隊嘅比賽，拿卡錫迪嘅表現麻麻，全場錄得2射0中，並交出2次關鍵傳送，所以呢場只係拎到2分。佢兩場加埋就拎到7分。
占美利斯（Jimenez）—4分
喺今週第一場對白禮頓嘅比賽，占美利斯全場錄得3射0中，並交出1次關鍵傳送，表現一般。呢場佢只係拎到2分。喺今週第二場對阿仙奴嘅比賽，占美利斯嘅表現好差，全場錄得4次射門，但冇球中龍，所以呢場只係拎到2分。咁佢兩場加埋都只係拎到4分。
今週成績
本週分數：98
本週平均分：67
總成績：2,134總排名：30,969
因為時間太緊迫，寫唔切第36週陣容預告，所以就咁貼個陣容出嚟。最主要要提到嘅就係用咗今季最後一個法寶喺沙拿身上，用Triple Captain落即將面對榜尾哈特斯菲爾德身上。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-4-3
第36週陣容預告
球隊價值（Squad value）： 102.8M剩餘資金（In the bank）： 0.5M
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
守門員
科士打（Foster）—5分
今週嘅第一場比賽，屈福特作客以1比2小勝哈特斯菲爾德（Huddersfield）。屈福特嘅控球率就稍高於哈特斯菲爾德，達到54.3%。屈福特全場錄得11射6中；而哈特斯菲爾德全場就錄得13射3中。今場本來屈福特都踢得幾好，係去到臨完場先鬆懈，俾對手喺補時階段攻入1球。因為屈福特失咗1球，同埋科士打只係作出咗2個撲救，所以呢場只係拎到2分。喺今週第二場對修咸頓（Southampton）嘅比賽，屈福特失咗英超史上最快嘅1球。屈福特主場以1比1賽和修咸頓。屈福特全場嘅控球率達到62.2%，全場錄得15射4中。修咸頓全場錄得8射4中，兼且憑住朗（Long）用咗開波7.64秒嘅入波就領先對手，仲破埋英超紀錄。科士打喺呢場作出咗3個撲救，拎到1分撲救分。佢呢場拎到3分，咁兩場加埋就總共拎到5分。賴恩（Ryan）—12分
今週嘅第一場比賽，白禮頓（Brighton）作客以0比0同狼隊（Wolves）握手言和。呢場控球率同射門次數都好一面倒，白禮頓嘅控球率僅得31.7%，而射門就只得5射0中。相反，狼隊嘅控球率接近七成，而射門次數更加係高達22次，但中目標嘅射門就只係得5次。呢場賴恩作出咗5個撲救，力保不失。佢除咗拎到1分撲救分，仲拎到3分bonus，所以呢場拎到9分。喺今週第二場對熱刺（Spurs）嘅比賽，白禮頓作客以0比1飲恨，輸咗俾熱刺。白禮頓全場嘅控球率僅得21.5%，大打防守足球。佢哋全場僅得6射1中，同熱刺比真係差天共地，熱刺全場錄得29射5中。賴恩其實都算表現唔錯，都係去到臨完場之前先被攻破大門，佢全場作出咗4個撲救，拎到1分撲救分。佢呢場拎到3分，兩場加埋拎到12分咁多。
後衛
查比亞（Trippier）—9分
查比亞喺今週熱刺（Spurs）第一場對曼城（Man City）嘅比賽並冇上陣，所以拎唔到分。喺今週第二場對白禮頓嘅比賽，查比亞終於有得上陣喇。佢全場錄得4次關鍵傳送，兼助球隊保持清白之身，所以佢除咗拎到4分不失球分，仲拎到3分bonus，總共拎到9分。杜菲（Duffy）—8分
喺今週第一場對狼隊嘅比賽，杜菲成功助球隊保持清白之身，拎到4分不失球分，喺呢場拎到6分。喺今週第二場對熱刺嘅比賽，杜菲全場交出白禮頓唯一一次中目標嘅射門，但因為白禮頓失咗波，所以只係拎到2分。佢兩場加埋就拎到8分。
羅拔臣（Robertson）—6分
今週嘅第一場比賽，利物浦（Liverpool）作客以2比0輕取卡迪夫城（Cardiff）。呢場利物浦不論係控球同射門都佔優，控球率超過76%。利物浦全場錄得17射6中；而卡迪夫城全場只係錄得7射2中。羅拔臣呢場幫助球隊保持清白之身，所以拎到4分不失球分，呢場獲得6分。
高拿仙歷（Kolasinac）—2分
今週嘅第一場比賽，阿仙奴（Arsenal）主場以2比3不敵水晶宮（Crystal Palace），今場阿仙奴嘅控球就佔盡優勢喇，控球率高達72.6%。阿仙奴全場錄得12射5中；而控球較少嘅水晶宮全場更加錄得16射7中。值得一提嘅係，今場阿仙奴失嘅3球都係源自死球。因為阿仙奴失咗3球，所以高拿仙歷被扣1分，呢場只係拎到1分。喺今週第二場對狼隊（Wolves）嘅比賽，阿仙奴作客以3比1慘敗俾狼隊，雖然阿仙奴全場錄得70.6%嘅控球率，但係射門奇差，全場錄得11射1中。相反，狼隊全場錄得11射3中，就入3球。高拿仙歷呢場都係去到58分鐘先至後備上陣，所以呢場只係拎到1分，兩場加埋都係得2分。華利尼（Valery）—1分
華利尼喺今週今場修咸頓第一場對紐卡素（Newcastle）嘅比賽並冇上陣，所以拎唔到分。喺今週第二場對屈福特嘅比賽，華利尼都係去到77分鐘先後備上陣，所以今週只係拎得1分。
中場
沙拿（Salah）—6分
喺今週第一場對卡迪夫城嘅比賽，沙拿嘅表現唔錯，全場錄得4射3中。佢因為搏到1球十二碼，然後由米拿（Milner）射入，所以算係交出1個助攻，呢場拎到3分。
杜哥利（Doucoure）—6分
喺今週第一場對哈特斯菲爾德嘅比賽，杜哥利嘅表現都唔錯，全場錄得2射1中並交出1個關鍵傳送。杜哥利呢場獲得嘅助攻係源於佢嘅射門被撲出，個波落咗去迪路菲奧（Deulofeu）嘅腳下，由佢補中入網。杜哥利呢場因為拎咗1張黃牌，所以被扣1分。不過，因為佢又拎到1分bonus，所以又抵銷返。所以呢場佢拎到5分。喺今週第二場對修咸頓嘅比賽，杜哥利嘅表現一般，全場只係錄得1射1中同交出1個關鍵傳送。不過，佢因為拎咗1張黃牌而被扣1分，所以呢場只係拎到1分。佢兩場加埋就拎到6分。史達寧（Sterling）—8分
今週嘅第一場比賽，曼城主場以1比0小勝熱刺。曼城一如以往，都係控球率較高嘅一方。曼城嘅控球率超過60%，而射門就錄得15射4中。而專心反擊嘅熱刺全場就錄得10射4中。史達寧呢場只係錄得1射1中，表現麻麻，佢仲因為拎咗1張黃牌而被扣1分。所以呢場佢只係拎到2分。喺今週第二場對曼聯（Man Utd）嘅比賽，曼城作客以0比2擊敗曼聯。曼城嘅控球率達到63.2%，而射門就錄得8射5中。雖然曼聯嘅射門次數比曼城仲多，有12次，但都只係得1球中龍。史達寧憑住策動右路嘅一個快攻， 斜傳俾左邊嘅辛尼（Sane），成功助攻辛尼攻入曼城嘅第二球。史達寧呢場拎到6分，而兩場加埋就拎到8分。孫興民（Son）—10分（Captain）
喺今週第一場對曼城嘅比賽，孫興民全場錄得3射2中，並交出1次關鍵傳送，所以呢場佢只係拎到2分。今場熱刺（Spurs）以4比0大炒哈特斯菲爾德（Huddersfield），可惜孫興民今場先任後備，去到86分鐘先獲得上陣機會。好彩嘅係咁短時間，佢都能夠交出助攻俾盧卡斯摩拉（Lucas Moura），造就盧卡斯摩拉個人大演帽子戲法。交出1個助攻嘅孫興民今週拎到4分。喺今週第二場對白禮頓嘅比賽，孫興民全場錄得4射0中，射門就麻麻，但就交出咗4次關鍵傳送，都叫唔錯，可惜都係帶唔到進攻上嘅貢獻嚟。
禾特包斯（Ward-Prowse）—3分
今週嘅第一場比賽，修咸頓作客以3比1輸咗俾紐卡素。修咸頓呢場錄得56.6%嘅控球率，稍高於紐卡素。雙方嘅射門次數一樣，各有15次，但係中目標射門就以紐卡素較多。紐卡素呢場有6次中目標射門；而修咸頓就只係得3次。禾特包斯呢場錄得3射1中，並交出3個關鍵傳送，表現其實唔差。不過，佢因為拎咗1張黃牌而被扣1分，所以呢場只係到1分。禾特包斯呢場嘅表現好差，踢咗90分鐘竟然冇射門同冇交出過關鍵傳送。喺今週第二場對屈福特嘅比賽，禾特包斯全場錄得1射1中，並交出1次關鍵傳送，表現一般。佢呢場拎到2分，兩場加埋就拎到3分。
前鋒
安達格雷（Andre Gray）—11分
喺今週第一場對哈特斯菲爾德嘅比賽，安達格雷嘅表現真係令人失望，全場僅錄得1次射門，仲要係唔中目標。所以佢呢場只係拎到2分。喺今週第二場對修咸頓嘅比賽，安達格雷全場錄得4射2中，並交出1次關鍵傳送。佢最終亦射入1球，助球隊扳成平手。表現出色嘅佢亦拎到3分bonus，呢場拎到9分。兩場加埋總共拎到11分。拿卡錫迪（Lacazette）—7分
喺今週第一場對水晶宮嘅比賽，拿卡錫迪全場錄得3次射門並交出2個關鍵傳送，最終亦收穫1個助攻，喺呢場拎到5分。喺今週第二場對狼隊嘅比賽，拿卡錫迪嘅表現麻麻，全場錄得2射0中，並交出2次關鍵傳送，所以呢場只係拎到2分。佢兩場加埋就拎到7分。
占美利斯（Jimenez）—4分
喺今週第一場對白禮頓嘅比賽，占美利斯全場錄得3射0中，並交出1次關鍵傳送，表現一般。呢場佢只係拎到2分。喺今週第二場對阿仙奴嘅比賽，占美利斯嘅表現好差，全場錄得4次射門，但冇球中龍，所以呢場只係拎到2分。咁佢兩場加埋都只係拎到4分。
今週成績
本週分數：98
本週平均分：67
總成績：2,134總排名：30,969
因為時間太緊迫，寫唔切第36週陣容預告，所以就咁貼個陣容出嚟。最主要要提到嘅就係用咗今季最後一個法寶喺沙拿身上，用Triple Captain落即將面對榜尾哈特斯菲爾德身上。
由於距離截止時間都仲有一段時間，陣容都有機會因球員受傷情況或有關出場嘅消息而改變。預計陣容：3-4-3
第36週陣容預告
球隊價值（Squad value）： 102.8M剩餘資金（In the bank）： 0.5M
如果你鐘意呢個專欄，請不忘訂閱呢個專欄同讚好我個專頁：https://www.facebook.com/fplguy1905/
請按此登錄後留言。未成為會員? 立即註冊