今場最大嘅成就，大概就係筆者喺上半場35分鐘嘅時候已經成功預測「普利錫、夏伐斯、基奧特三個都可能要換」。雖然喺睇到上半場嘅膠著之後，對車仔有一定認識嘅球迷都唔難估到會入替嘅係呢三個。
榜首之戰嘅強強對壘，握手言和係可以接受嘅結果。戰況上成功喺下半場掌握主動，比起上次聯賽盃下半場嘅毫無還手之力係大有進步。只係總覺得換人嘅戰術調動上可以更主動一啲。
1️⃣ 被剋制的上半場
友page Blu波pen 週中歐聯賽後曾指出，添姆雲拿由國際賽期之前開始一直全勤，對雷恩嘅比賽到後段已經睇得出體力見哂底。但係到92分鐘先至被換離場，因此預測此舉會成為今場對熱刺嘅隱憂。果不奇然，冇雲拿嘅快速啟動去製造傳控所需嘅空位，捷維爾帶到波接近三閘線之後就無以為繼。再加上施素高嘅協防令熱刺右路鞏固不少，施素高加奧利亞嘅組合喺身位上有絕對優勢，車仔左路進攻接近啞火。
中路方面，上半場初段熱刺未進入逼搶嘅節奏之前，稍為縮後嘅mid block唔影響車仔中場運轉。到中段熱刺前場開始逼搶，喺恩當比利嘅高水準發揮下，車仔中後場嘅組織受到好大影響。加上唔能夠放鬆對簡尼同孫興慜嘅跟防，中場球員絕大部分精力被拖到中場嘅爭奪同纏鬥，簡迪同莫特亦要輪番後撤到中堅線緩解熱刺逼搶嘅壓力。
右路算係稍有起色。但列斯占士同高華基治需要花費好多精力去箝制簡尼同博溫，冇辦法肆無忌憚地助攻。且左中路都分身不暇嘅時候，可用嘅進攻模式也只有落底傳中。仲要係喺禁區前沿欠缺縱向穿透力而打唔開缺口之下，逼於無奈先橫傳俾邊路傳中。當然喺中路無力突破嘅時候，熱刺早就有充足時間喺禁區佈防，好整以暇地等你出波，成效自然少得可憐。
丫，仲有喺車仔回過神來應對到熱刺嘅逼搶之前，熱刺有一段攻勢係四個人就同你打反擊。簡尼、孫興慜、恩當比利、博溫四人，一人一腳one-touch就突然間中門大開，嗰期真係嚇都嚇死。也難怪需要簡迪同莫特將防區回撤先hold得住。
2️⃣ 換人的邏輯
承上所言，今場最大嘅僵局在於無法突破禁區前沿嘅佈防。縱向穿透力不足之下，進攻模式過度倚賴傳中。按照呢個邏輯去推斷，可以用咩換人去嘗試破局，其實並唔難估。
普利錫嘅入替應該係最易估嗰個。雲拿冇力啞火，左路需要換人先可以維持正常運作。普利錫喺衝擊力上不及雲拿，但專職翼鋒出身嘅佢喺持球過人突破上比雲拿出色。只係受限於普利錫本人都啱啱傷癒，出佢正選太冒險，只能後備入替安排佢出場。
艾達韋特缺陣，熱刺以從史雲斯來投嘅小將路當出任正選。路當本人嘅能力不俗，但再天資聰敏，都會默契同比賽閱歷上力有不逮。兼之車仔中路打唔開缺口，擅長接應中路攻勢嘅艾巴咸難有太多發揮空間。派上制空力同身體對抗性都更強嘅基奧特，對位地去bully一下路當，係以當時戰局而言最合適嘅選擇。
本身以為會換走高華基治，唔係因為高華基治打得差，而係今場嘅戰況唔係太適合佢發揮。高華基治嘅才能係帶波突破final third，但今場嘅困境唔在於個波上唔到final third，而係去到final third之後就無以為繼。而要喺中場換人，夏伐斯喺中路進攻所能作出嘅貢獻，基本上係唯一選擇。不過睇嚟係因為高華基治喺中場嘅箝制工作完成得十分出色，對熱刺反擊忌憚之下唔可以換走。
3️⃣ 換人的時機
大概係全場比賽唯一值得詬病嘅地方了。可以理解喺戰略上想先求力保不失，而唔作更具攻擊性嘅換人，榜首大戰踢穩啲絕無壞處。但左翼同中鋒嘅換人真係可以嚟得更早一啲。尤其是下半場熱刺減輕咗前場逼搶，墮後回歸mid block之後，車仔喺場面上佔據主動。形勢主動但絕非掌控之下，就算唔求主動謀求打破僵局，都應該有足夠嘅土壤去提早換人，以確保球隊可以暢順地運作，而非三線啞火嘅尷尬局面。
當然，場外球迷有所謂「上帝視角」，又係喺知道比賽後續走勢之後先發言，同領隊要喺當下作出判斷始終有唔同。呢點大概係林伯高水準比賽經驗不足嘅硬傷，而閱讀球賽嘅能力（尤其是呢種硬仗）只能靠時間慢慢累積。起碼喺賽前防守部署上做到滴水不漏，最擔心嘅局面（俾簡尼嘅墮後同孫興慜嘅突破撚死）冇發生。
4️⃣ MOTM: Thiago Silva
面對熱刺逼搶之下，有效指揮調度防線之餘，自己被壓逼時亦做到從容不迫。廉頗雖老，但絕對未到「尚能飯否」嘅地步。
（咦琴晚隔離棚係咪都有個PSG自由身來投嘅老將爆seed）
請支持Facebook專頁「車迷Z」！
榜首之戰嘅強強對壘，握手言和係可以接受嘅結果。戰況上成功喺下半場掌握主動，比起上次聯賽盃下半場嘅毫無還手之力係大有進步。只係總覺得換人嘅戰術調動上可以更主動一啲。
1️⃣ 被剋制的上半場
友page Blu波pen 週中歐聯賽後曾指出，添姆雲拿由國際賽期之前開始一直全勤，對雷恩嘅比賽到後段已經睇得出體力見哂底。但係到92分鐘先至被換離場，因此預測此舉會成為今場對熱刺嘅隱憂。果不奇然，冇雲拿嘅快速啟動去製造傳控所需嘅空位，捷維爾帶到波接近三閘線之後就無以為繼。再加上施素高嘅協防令熱刺右路鞏固不少，施素高加奧利亞嘅組合喺身位上有絕對優勢，車仔左路進攻接近啞火。
中路方面，上半場初段熱刺未進入逼搶嘅節奏之前，稍為縮後嘅mid block唔影響車仔中場運轉。到中段熱刺前場開始逼搶，喺恩當比利嘅高水準發揮下，車仔中後場嘅組織受到好大影響。加上唔能夠放鬆對簡尼同孫興慜嘅跟防，中場球員絕大部分精力被拖到中場嘅爭奪同纏鬥，簡迪同莫特亦要輪番後撤到中堅線緩解熱刺逼搶嘅壓力。
右路算係稍有起色。但列斯占士同高華基治需要花費好多精力去箝制簡尼同博溫，冇辦法肆無忌憚地助攻。且左中路都分身不暇嘅時候，可用嘅進攻模式也只有落底傳中。仲要係喺禁區前沿欠缺縱向穿透力而打唔開缺口之下，逼於無奈先橫傳俾邊路傳中。當然喺中路無力突破嘅時候，熱刺早就有充足時間喺禁區佈防，好整以暇地等你出波，成效自然少得可憐。
丫，仲有喺車仔回過神來應對到熱刺嘅逼搶之前，熱刺有一段攻勢係四個人就同你打反擊。簡尼、孫興慜、恩當比利、博溫四人，一人一腳one-touch就突然間中門大開，嗰期真係嚇都嚇死。也難怪需要簡迪同莫特將防區回撤先hold得住。
2️⃣ 換人的邏輯
承上所言，今場最大嘅僵局在於無法突破禁區前沿嘅佈防。縱向穿透力不足之下，進攻模式過度倚賴傳中。按照呢個邏輯去推斷，可以用咩換人去嘗試破局，其實並唔難估。
普利錫嘅入替應該係最易估嗰個。雲拿冇力啞火，左路需要換人先可以維持正常運作。普利錫喺衝擊力上不及雲拿，但專職翼鋒出身嘅佢喺持球過人突破上比雲拿出色。只係受限於普利錫本人都啱啱傷癒，出佢正選太冒險，只能後備入替安排佢出場。
艾達韋特缺陣，熱刺以從史雲斯來投嘅小將路當出任正選。路當本人嘅能力不俗，但再天資聰敏，都會默契同比賽閱歷上力有不逮。兼之車仔中路打唔開缺口，擅長接應中路攻勢嘅艾巴咸難有太多發揮空間。派上制空力同身體對抗性都更強嘅基奧特，對位地去bully一下路當，係以當時戰局而言最合適嘅選擇。
本身以為會換走高華基治，唔係因為高華基治打得差，而係今場嘅戰況唔係太適合佢發揮。高華基治嘅才能係帶波突破final third，但今場嘅困境唔在於個波上唔到final third，而係去到final third之後就無以為繼。而要喺中場換人，夏伐斯喺中路進攻所能作出嘅貢獻，基本上係唯一選擇。不過睇嚟係因為高華基治喺中場嘅箝制工作完成得十分出色，對熱刺反擊忌憚之下唔可以換走。
3️⃣ 換人的時機
大概係全場比賽唯一值得詬病嘅地方了。可以理解喺戰略上想先求力保不失，而唔作更具攻擊性嘅換人，榜首大戰踢穩啲絕無壞處。但左翼同中鋒嘅換人真係可以嚟得更早一啲。尤其是下半場熱刺減輕咗前場逼搶，墮後回歸mid block之後，車仔喺場面上佔據主動。形勢主動但絕非掌控之下，就算唔求主動謀求打破僵局，都應該有足夠嘅土壤去提早換人，以確保球隊可以暢順地運作，而非三線啞火嘅尷尬局面。
當然，場外球迷有所謂「上帝視角」，又係喺知道比賽後續走勢之後先發言，同領隊要喺當下作出判斷始終有唔同。呢點大概係林伯高水準比賽經驗不足嘅硬傷，而閱讀球賽嘅能力（尤其是呢種硬仗）只能靠時間慢慢累積。起碼喺賽前防守部署上做到滴水不漏，最擔心嘅局面（俾簡尼嘅墮後同孫興慜嘅突破撚死）冇發生。
4️⃣ MOTM: Thiago Silva
面對熱刺逼搶之下，有效指揮調度防線之餘，自己被壓逼時亦做到從容不迫。廉頗雖老，但絕對未到「尚能飯否」嘅地步。
（咦琴晚隔離棚係咪都有個PSG自由身來投嘅老將爆seed）
請支持Facebook專頁「車迷Z」！
請按此登錄後留言。未成為會員? 立即註冊