啊，復賽真好。
唔係話人生冇足球會死，亦唔係話國際賽期間冇嘢可以滿足足球道癮，但係冇英超睇總係覺得生活爭咁啲嘢。
又或者我純粹係覺得weekend不眠不休地玩FM唔係幾好，有波睇感覺上生活好似健康啲……anyways，入正題。
1️⃣ 賽前最大隱憂：破防
唔係話靠運氣贏，但今場車仔真係有運。喺幾個關鍵因素上運氣都企喺車仔呢邊，靠OG先開記錄絕對首當其衝。
布魯士麾下嘅紐卡素繼承賓尼迪斯留落嚟嘅防守班底，上季至今一直主打low block，陣型一般介乎5-4-1同4-5-1之間，擺明車馬同你穩守突擊。上季身為降班最大熱門之下可以以13名中游衝線，證明戰術有效，且布魯士帶隊功不可沒。
面對肯投放兵源嘅low block，抬頭一望隨時見到禁區人頭湧湧之時，「久攻不下」係最大嘅危機。越攻越心浮氣躁，然後俾人一球反擊收死就係咁先。就算隊波才華橫溢如鼎盛時期嘅地上最強，面對密集防守都難言穩勝（車仔12年個歐聯都係靠咁樣符碌番嚟）。
2️⃣ 運氣之一：困局不攻自破
所以當開波10分鐘，車仔靠死球逼使費蘭迪斯老烏領先嗰下，今場最大危機不再存在，間接令到車仔此後80分鐘喺戰術上少好多限制。
落後在先，穩守變得毫無意義，紐卡素唔攻都要攻。10分鐘就落後，賽前部署失效，但場上球員冇辦法即時好有系統地由守轉攻，for the most part只能按照原本偏防守嘅指示去踢。上半場剩餘35分鐘車仔完全地掌控大局，同紐卡素球員冇辦法由被動有效地轉為主動不無關係。亦代表紐卡素焗住浪費呢35分鐘原本可以用嚟扳平嘅寶貴時間，到中場休息作出調整後表現先有起色。
不攻自破嘅第二個好處，就係不得不採取主動嘅紐卡素，無疑陷入「以己之短攻敵之長」嘅困境。唔係睇少喜鵲嘅球員，亦唔係睇少布魯士嘅執教功力，只係進攻實在唔係呢隊紐卡素嘅長處。0-0時可以專心防守嘅紐卡素，絕對比0-1時焗攻嘅紐卡素難應付得多，係擅長同唔擅長嘅分別。
比賽變得易踢咗，形勢對己方有利，車仔上下心態上自然游刃有餘。換個諗法，如果唔係已經有一球揸手，淨係雲拿上下半場兩次失機，都足以令全隊心態失衡。
3️⃣ 運氣之二：傷患、犯錯
包辦喜鵲今季60%入球嘅威爾遜缺陣，後防核心嘅隊長拿修斯下半場開波前最後一刻傷出，都成為今場對車仔利好嘅場外因素。
犯錯方面，紐卡素球員今場狀態感覺上都偏差。死球擺明係紐卡素進攻主要利器，但上半場嘅罰球處理都選擇橫傳地波，而非利用已經喺禁區埋位嘅高大隊友長傳吊攻；第二球雲拿一扭三固然賞心悅目，但三個後衛冇人諗過要犯規做低雲拿而俾人一爆就過，係頗低級嘅防守失誤；至於不只一次中場無壓力下犯錯交失波就唔細數了。
同上季俾人成功死守94分鐘然後希登絕殺相比，今日嘅紐記真係算係讓半臂。
4️⃣ 點評進攻表現
車仔主攻嘅其實只有上半場，到下半場就坐定笠六地玩防守反擊，呢個之後再提。
承上所言，紐卡素常規戰術以low block為主，而破解low block最正路嘅打法係喺兩翼造文章，呢點同車仔近幾場主打中路嘅戰術略有不同。所以見到車仔頭25分鐘左右喺中路都打唔開啲咩空位，好多時喺中路形成「圍城」之局，但望洋興嘆之下只能橫傳再回傳。
到25-30分鐘之後，進攻調整後開始以兩翼為重心。右路靠薛耶治靈光一閃嘅直線兜過多人包圍，再靠列斯占士身位同速度兼備地直接硬爆；左路就靠捷維爾、雲拿、莫特三人形成三角互傳，再由莫特出色嘅護球能力喺禁區畸角位帶波穿透突入禁區。
上述嘅係將個波向前傳嘅方式，主要進攻routine同之前冇太大分別，都係靠將個波長期地留喺危險地帶，然後不斷堆砌half chances，直到成功入波為止。面對5-4-1 low block預咗禁區空間有限，製造clear cut chances嘅效率點都會低過平時，從結果上嚟講進攻表現算係令人滿意。
當然雲拿嘅大晒就意料之外……不過人哋啱啱輸完6-0，原諒佢。
順帶一提，入波嘅罰球睇得出係事先排練過嘅routine，個巧思值得稱讚。罰球或然率本身就高，入得到係有運，但冇話有運就唔抵讚嘅。照讚！
5️⃣ 點評防守表現
今場冇將觀察重點放喺車仔整體防守配置，唯有討論下幾個球員喺防守上嘅貢獻。
文迪——有個識主動出迎嘅門將真係要感謝主。今場有一下辛麥士文後腳傳俾左翼衛嘅路爾斯，就係靠文迪出迎出到去大禁區封截右路留低嘅空位。換著係個冇咁主動嘅門將，早就俾路爾斯形成射門機會。
簡迪——傷前嘅簡迪係世上最好嘅B2B，傷後嘅簡迪跑動能力有所下滑，但目前轉型防中嘅進度非常理想。紐卡素冇人專職俾壓力簡迪係事實，但佢今場喺防守上真係零失誤。
莫特——失去球權後前場啟動反搶嘅第一人，年紀輕輕可以保持全場90分鐘嘅體力同機動性令人讚歎。近日英國傳媒有批評莫特唔夠班嘅輿論，但林伯好快出嚟闢謠，話莫特係領隊夢想中嘅球員，今場莫特亦不負所望地自證身價。加之之前提過嘅空間狹窄之下護波同帶波嘅能力，莫特未必最適合作為球隊嘅進攻泉源，但絕對值得喺正選有一席之地。
請支持Facebook專頁「車迷Z」！
唔係話人生冇足球會死，亦唔係話國際賽期間冇嘢可以滿足足球道癮，但係冇英超睇總係覺得生活爭咁啲嘢。
又或者我純粹係覺得weekend不眠不休地玩FM唔係幾好，有波睇感覺上生活好似健康啲……anyways，入正題。
1️⃣ 賽前最大隱憂：破防
唔係話靠運氣贏，但今場車仔真係有運。喺幾個關鍵因素上運氣都企喺車仔呢邊，靠OG先開記錄絕對首當其衝。
布魯士麾下嘅紐卡素繼承賓尼迪斯留落嚟嘅防守班底，上季至今一直主打low block，陣型一般介乎5-4-1同4-5-1之間，擺明車馬同你穩守突擊。上季身為降班最大熱門之下可以以13名中游衝線，證明戰術有效，且布魯士帶隊功不可沒。
面對肯投放兵源嘅low block，抬頭一望隨時見到禁區人頭湧湧之時，「久攻不下」係最大嘅危機。越攻越心浮氣躁，然後俾人一球反擊收死就係咁先。就算隊波才華橫溢如鼎盛時期嘅地上最強，面對密集防守都難言穩勝（車仔12年個歐聯都係靠咁樣符碌番嚟）。
2️⃣ 運氣之一：困局不攻自破
所以當開波10分鐘，車仔靠死球逼使費蘭迪斯老烏領先嗰下，今場最大危機不再存在，間接令到車仔此後80分鐘喺戰術上少好多限制。
落後在先，穩守變得毫無意義，紐卡素唔攻都要攻。10分鐘就落後，賽前部署失效，但場上球員冇辦法即時好有系統地由守轉攻，for the most part只能按照原本偏防守嘅指示去踢。上半場剩餘35分鐘車仔完全地掌控大局，同紐卡素球員冇辦法由被動有效地轉為主動不無關係。亦代表紐卡素焗住浪費呢35分鐘原本可以用嚟扳平嘅寶貴時間，到中場休息作出調整後表現先有起色。
不攻自破嘅第二個好處，就係不得不採取主動嘅紐卡素，無疑陷入「以己之短攻敵之長」嘅困境。唔係睇少喜鵲嘅球員，亦唔係睇少布魯士嘅執教功力，只係進攻實在唔係呢隊紐卡素嘅長處。0-0時可以專心防守嘅紐卡素，絕對比0-1時焗攻嘅紐卡素難應付得多，係擅長同唔擅長嘅分別。
比賽變得易踢咗，形勢對己方有利，車仔上下心態上自然游刃有餘。換個諗法，如果唔係已經有一球揸手，淨係雲拿上下半場兩次失機，都足以令全隊心態失衡。
3️⃣ 運氣之二：傷患、犯錯
包辦喜鵲今季60%入球嘅威爾遜缺陣，後防核心嘅隊長拿修斯下半場開波前最後一刻傷出，都成為今場對車仔利好嘅場外因素。
犯錯方面，紐卡素球員今場狀態感覺上都偏差。死球擺明係紐卡素進攻主要利器，但上半場嘅罰球處理都選擇橫傳地波，而非利用已經喺禁區埋位嘅高大隊友長傳吊攻；第二球雲拿一扭三固然賞心悅目，但三個後衛冇人諗過要犯規做低雲拿而俾人一爆就過，係頗低級嘅防守失誤；至於不只一次中場無壓力下犯錯交失波就唔細數了。
同上季俾人成功死守94分鐘然後希登絕殺相比，今日嘅紐記真係算係讓半臂。
4️⃣ 點評進攻表現
車仔主攻嘅其實只有上半場，到下半場就坐定笠六地玩防守反擊，呢個之後再提。
承上所言，紐卡素常規戰術以low block為主，而破解low block最正路嘅打法係喺兩翼造文章，呢點同車仔近幾場主打中路嘅戰術略有不同。所以見到車仔頭25分鐘左右喺中路都打唔開啲咩空位，好多時喺中路形成「圍城」之局，但望洋興嘆之下只能橫傳再回傳。
到25-30分鐘之後，進攻調整後開始以兩翼為重心。右路靠薛耶治靈光一閃嘅直線兜過多人包圍，再靠列斯占士身位同速度兼備地直接硬爆；左路就靠捷維爾、雲拿、莫特三人形成三角互傳，再由莫特出色嘅護球能力喺禁區畸角位帶波穿透突入禁區。
上述嘅係將個波向前傳嘅方式，主要進攻routine同之前冇太大分別，都係靠將個波長期地留喺危險地帶，然後不斷堆砌half chances，直到成功入波為止。面對5-4-1 low block預咗禁區空間有限，製造clear cut chances嘅效率點都會低過平時，從結果上嚟講進攻表現算係令人滿意。
當然雲拿嘅大晒就意料之外……不過人哋啱啱輸完6-0，原諒佢。
順帶一提，入波嘅罰球睇得出係事先排練過嘅routine，個巧思值得稱讚。罰球或然率本身就高，入得到係有運，但冇話有運就唔抵讚嘅。照讚！
5️⃣ 點評防守表現
今場冇將觀察重點放喺車仔整體防守配置，唯有討論下幾個球員喺防守上嘅貢獻。
文迪——有個識主動出迎嘅門將真係要感謝主。今場有一下辛麥士文後腳傳俾左翼衛嘅路爾斯，就係靠文迪出迎出到去大禁區封截右路留低嘅空位。換著係個冇咁主動嘅門將，早就俾路爾斯形成射門機會。
簡迪——傷前嘅簡迪係世上最好嘅B2B，傷後嘅簡迪跑動能力有所下滑，但目前轉型防中嘅進度非常理想。紐卡素冇人專職俾壓力簡迪係事實，但佢今場喺防守上真係零失誤。
莫特——失去球權後前場啟動反搶嘅第一人，年紀輕輕可以保持全場90分鐘嘅體力同機動性令人讚歎。近日英國傳媒有批評莫特唔夠班嘅輿論，但林伯好快出嚟闢謠，話莫特係領隊夢想中嘅球員，今場莫特亦不負所望地自證身價。加之之前提過嘅空間狹窄之下護波同帶波嘅能力，莫特未必最適合作為球隊嘅進攻泉源，但絕對值得喺正選有一席之地。
請支持Facebook專頁「車迷Z」！
請按此登錄後留言。未成為會員? 立即註冊