文：蘭斯貝利、中堅賓
世界盃開鑼，筆者有朋友選擇相約三五知己到酒吧齊齊暢飲觀賞球賽；有朋友選擇安裝收費電現台在家邀請友好共同觀賞；更有朋友選擇看似瘋狂但浪漫非常的做法：親身去俄羅斯睇世界盃！足字室有幸找到一名特派記者，將會撰文描述去俄國的經歷，以另一角度去看世界盃。
蘭斯貝利：
首先不如先比個時間你介紹一下自己啦！
中堅賓：首先多謝室主蘭斯貝利，俾機會我寫低世界杯露西亞之旅嘅點滴，希望可以將露西亞第一手嘅情況同各位室友分享。咁我中堅賓波底差就人所共知，大家都唔好期望我會有咩技術分析，我會集中同大家分享啲球賽周邊事物，仲會帶啲紀念品番黎送俾各位室友。
未介紹，小弟中堅賓，早蘭斯貝利幾年嘅阿記青訓，本身係荷蘭叻啲朋友，但今屆世界盃無荷蘭份可以話係感到非常無癮，咁點解又要飛去睇呢？
其實諗諗下，世界盃可以話係我足球嘅啟蒙，廿年前，柏金一挑一射，就帶左我進入足球嘅世界。二十個年頭對足球嘅投入，加上露西亞(註1)叫做比較近香港 (起碼比巴西近先啦)，就係咁，我將會同兩位朋友巴迪高以及夏薩特向露西亞進發喇！
蘭斯貝利：
知你唔止睇一場，你會睇邊幾場？你又會咁勁買到飛？
中堅賓：
我地會去睇三場：英格蘭對巴拿馬、葡萄牙對伊朗、以及德國對韓國。揀呢幾場純粹係我地僅僅可以買到嘅大卡士戲碼(笑)，無話咩特別偏好，所以我地入場係抱住食花生等爆冷嘅心態。
講起買飛，其實係分四個階段，
首先，頭兩個階段就係比入圍的三十二個國家的球迷去抽籤，之後就買飛。
後兩個階段就公開俾全世界嘅人抽籤，本身我就係抽呢幾日嘅強強對碰，但好可惜衰左，於是就响最後關頭上網鬥快㩒，皇天不負有心人，由下午五點足足等到凌晨十二點，終於終於入到兼買到。買到飛之後就等佢寄飛，寄到黎一刻真係好感動！
蘭斯貝利：
可以買到比黃子華更難買嘅飛，仲可以睇自1966年以來最強的英格蘭、今季勢頭強勁的牙朗(C朗拿度)，隨時係生死戰嘅德國，真係有今生無來世呀！不過睇番你果三場，全部都唔係在莫斯科、聖彼得堡等大城市？
英格蘭對巴拿馬將會在下諾夫哥羅德球場，即南韓對瑞典的比賽場地。
伊朗對葡萄牙則在莫爾多維亞體育場，今晚哥倫比亞對日本就會在此上演。
中堅賓：
無錯，因為我就想順便去埋魯賓卡山個主場睇睇(南韓對德國的比賽場地)，所以特別揀D平時未必去的城市。不過今屆俄羅斯主辦單位幾好，只要用Fan ID 就唔怕遠啦。
蘭斯貝利：
Fan ID？係咪我睇波見個個入場球迷頸上面都戴住果樣野？Fan ID究竟有咩咁緊要？
中堅賓：
Fan ID 非常重要，有左佢你可以免簽證入境露西亞，有效直到賽事完結後十日，多過香港護照十四日免簽嫁。之後呢Fan ID 又可以用黎免費預訂來回球場嘅火車飛，露西亞地大物博，有啲主辦城市都好遠下，好似我今次去三個城市之間距離都唔近，免費火車呢個位真係諗得好周到，當然市內嘅交通好似地鐵同巴士都係免費嫁，爽死。
蘭斯貝利：
睇番你會先睇6月24號星期日果場，你幾時出發？準備成點？
中堅賓：
咁我就執緊行李，6月22日星期五出發，出發前再同大家分享埋住宿安排同埋最重要嘅準備功夫，
就係球迷必備嘅：波衫！！
中堅賓解話：
1*露西亞：係日本舊時對俄羅斯的稱呼，其實我覺得廣東話嘅露西亞對應俄文Россия 係似過俄羅斯，所以我之後都一律用露西亞。
蘭斯貝利後記：
人到中年，筆者在關於運動有數個夢想等待去實踐實現：
跑全程馬拉松、現場睇奧運、現場睇世盃。
第一件事努力練習實踐中，而第二、第三，就要睇下兩年後及四年後發生什麼事了。
感謝中堅賓將會全程與我一起撰文去講述親身去俄羅斯的點滴！
筆者與中堅賓識於大學時代，當時一齊在宿舍睇阿記畢生難忘(2007-2008)
預祝你同戰鬥民族交流有個美好回憶！
在影片當道的時代，仍有球迷用文字寫下所聞實在難得，
假如您欣賞我們的文章，除了訂閱我們的專欄，
仲可以在Facebook Like我們的專頁 - 足字室
你們的每一個Like，也是對我們一個莫大的支持及鼓勵！
世界盃開鑼，筆者有朋友選擇相約三五知己到酒吧齊齊暢飲觀賞球賽；有朋友選擇安裝收費電現台在家邀請友好共同觀賞；更有朋友選擇看似瘋狂但浪漫非常的做法：親身去俄羅斯睇世界盃！足字室有幸找到一名特派記者，將會撰文描述去俄國的經歷，以另一角度去看世界盃。
蘭斯貝利：
首先不如先比個時間你介紹一下自己啦！
中堅賓：首先多謝室主蘭斯貝利，俾機會我寫低世界杯露西亞之旅嘅點滴，希望可以將露西亞第一手嘅情況同各位室友分享。咁我中堅賓波底差就人所共知，大家都唔好期望我會有咩技術分析，我會集中同大家分享啲球賽周邊事物，仲會帶啲紀念品番黎送俾各位室友。
未介紹，小弟中堅賓，早蘭斯貝利幾年嘅阿記青訓，本身係荷蘭叻啲朋友，但今屆世界盃無荷蘭份可以話係感到非常無癮，咁點解又要飛去睇呢？
其實諗諗下，世界盃可以話係我足球嘅啟蒙，廿年前，柏金一挑一射，就帶左我進入足球嘅世界。二十個年頭對足球嘅投入，加上露西亞(註1)叫做比較近香港 (起碼比巴西近先啦)，就係咁，我將會同兩位朋友巴迪高以及夏薩特向露西亞進發喇！
蘭斯貝利：
知你唔止睇一場，你會睇邊幾場？你又會咁勁買到飛？
中堅賓：
我地會去睇三場：英格蘭對巴拿馬、葡萄牙對伊朗、以及德國對韓國。揀呢幾場純粹係我地僅僅可以買到嘅大卡士戲碼(笑)，無話咩特別偏好，所以我地入場係抱住食花生等爆冷嘅心態。
講起買飛，其實係分四個階段，
首先，頭兩個階段就係比入圍的三十二個國家的球迷去抽籤，之後就買飛。
後兩個階段就公開俾全世界嘅人抽籤，本身我就係抽呢幾日嘅強強對碰，但好可惜衰左，於是就响最後關頭上網鬥快㩒，皇天不負有心人，由下午五點足足等到凌晨十二點，終於終於入到兼買到。買到飛之後就等佢寄飛，寄到黎一刻真係好感動！
蘭斯貝利：
可以買到比黃子華更難買嘅飛，仲可以睇自1966年以來最強的英格蘭、今季勢頭強勁的牙朗(C朗拿度)，隨時係生死戰嘅德國，真係有今生無來世呀！不過睇番你果三場，全部都唔係在莫斯科、聖彼得堡等大城市？
英格蘭對巴拿馬將會在下諾夫哥羅德球場，即南韓對瑞典的比賽場地。
伊朗對葡萄牙則在莫爾多維亞體育場，今晚哥倫比亞對日本就會在此上演。
中堅賓：
無錯，因為我就想順便去埋魯賓卡山個主場睇睇(南韓對德國的比賽場地)，所以特別揀D平時未必去的城市。不過今屆俄羅斯主辦單位幾好，只要用Fan ID 就唔怕遠啦。
蘭斯貝利：
Fan ID？係咪我睇波見個個入場球迷頸上面都戴住果樣野？Fan ID究竟有咩咁緊要？
中堅賓：
Fan ID 非常重要，有左佢你可以免簽證入境露西亞，有效直到賽事完結後十日，多過香港護照十四日免簽嫁。之後呢Fan ID 又可以用黎免費預訂來回球場嘅火車飛，露西亞地大物博，有啲主辦城市都好遠下，好似我今次去三個城市之間距離都唔近，免費火車呢個位真係諗得好周到，當然市內嘅交通好似地鐵同巴士都係免費嫁，爽死。
蘭斯貝利：
睇番你會先睇6月24號星期日果場，你幾時出發？準備成點？
中堅賓：
咁我就執緊行李，6月22日星期五出發，出發前再同大家分享埋住宿安排同埋最重要嘅準備功夫，
就係球迷必備嘅：波衫！！
中堅賓解話：
1*露西亞：係日本舊時對俄羅斯的稱呼，其實我覺得廣東話嘅露西亞對應俄文Россия 係似過俄羅斯，所以我之後都一律用露西亞。
蘭斯貝利後記：
人到中年，筆者在關於運動有數個夢想等待去實踐實現：
跑全程馬拉松、現場睇奧運、現場睇世盃。
第一件事努力練習實踐中，而第二、第三，就要睇下兩年後及四年後發生什麼事了。
感謝中堅賓將會全程與我一起撰文去講述親身去俄羅斯的點滴！
筆者與中堅賓識於大學時代，當時一齊在宿舍睇阿記畢生難忘(2007-2008)
預祝你同戰鬥民族交流有個美好回憶！
在影片當道的時代，仍有球迷用文字寫下所聞實在難得，
假如您欣賞我們的文章，除了訂閱我們的專欄，
仲可以在Facebook Like我們的專頁 - 足字室
你們的每一個Like，也是對我們一個莫大的支持及鼓勵！
請按此登錄後留言。未成為會員? 立即註冊