萬人迷可以重返奧脫福勒！銀河放人俾打加利仔告別賽！

根據英國獨立報報導，銀河放人勒！本來銀河要對侯斯頓戴拿模，萬人迷係隊中大腦，外間一直估唔會咁易俾碧咸請到假，不過事情又唔係咁發展！所以離開曼聯近十年的萬人迷，終於可以係24號再一次披上紅魔戰衣出陣！咁銀河都幾有人情味嘅，話哂碧咸都同加利佬合作咁耐，係國家隊又一齊作戰，依家老友退休俾佢放返幾日，都真係唔話得！

不過萬人迷今次都要辛苦下，因為一完咗加利仔告別賽佢就要直接去匯合銀河隊友，係29號對戰新英倫革命隊。不過佢都唔介意啦！獨立報仲估計，今次碧咸重新成魔半日，可以吸引40,000球迷入去奧脫福睇波，咁咪妹仔大過主人婆？到時無人睇加利佬咪好尷尬？？
來源：英國獨立報碧咸、傑斯、加利仔故劍重逢勒！加利佬：歡迎返來！呢班七小福，你又認得邊幾個呢？