爵爺同雲加有時都幾投緣，大家都咁中意年輕球員，而且有時仲睇中同一個！今次兩老一齊睇中邊個？就係今屆效力法甲朗斯嘅新仔華拉尼(Raphaël Varane)勒！雖然今年朗斯都係要降班，不過呢位小將已經打出名堂！18歲嘅華拉尼可以司職中場同中堅，制空力高、身材亦好煞食，有6尺3寸咁高，而朗斯的青年軍教練Eric Assadourian形容佢做「真正一流嘅球員」，有速度、強壯，抗禦力高，有一流防守球員的潛質咁話，仲叫價1千萬英鎊！
雖然佢係朗斯打開防守中場，但爵爺係想佢打中堅多啲，因為里奧上一年成日傷，布朗個約又未續，單靠史摩寧同伊雲斯好似唔係好穩陣，所以想搵多個後生仔培訓下。不過可以打埋防中又真係咁吸引，起碼多一個選擇！不過仲有選擇的，同樣都係可以打中堅同防中嘅洛維之前入魔傳聞都係甚囂塵上，唔知又係唔係爵爺計劃之一呢？
其實華拉尼唔一定去紅魔呀，因為朗斯一方面有諗法將佢外借去巴黎聖日耳門，同時華拉尼自己都怕無正選打，唔係好想過檔，不過爵爺就話去英國熟習下英超節奏先，對華拉尼來說無壞咁話！
筆者自己就覺得買呢個新仔都幾冒險，一方面曼聯的後防其實人都唔少，史摩寧固然討喜，而伊雲斯雖然偶然遊下魂，不過都係有一定潛質。依家要俾成1千萬英鎊買一個防守球員，點解唔留啲錢加固中場線呢？大家都知曼聯依家就係無一個中場大腦，你話要買楊格打左路我理解，要買摩迪加強創造力我都理解，但買一個防守球員呢？就好似唔係當務之急勒。作為曼迷你又點睇？
來源：衛報佢就係華拉尼勒！洛維呢？你又中唔中意佢呢？
雖然佢係朗斯打開防守中場，但爵爺係想佢打中堅多啲，因為里奧上一年成日傷，布朗個約又未續，單靠史摩寧同伊雲斯好似唔係好穩陣，所以想搵多個後生仔培訓下。不過可以打埋防中又真係咁吸引，起碼多一個選擇！不過仲有選擇的，同樣都係可以打中堅同防中嘅洛維之前入魔傳聞都係甚囂塵上，唔知又係唔係爵爺計劃之一呢？
其實華拉尼唔一定去紅魔呀，因為朗斯一方面有諗法將佢外借去巴黎聖日耳門，同時華拉尼自己都怕無正選打，唔係好想過檔，不過爵爺就話去英國熟習下英超節奏先，對華拉尼來說無壞咁話！
筆者自己就覺得買呢個新仔都幾冒險，一方面曼聯的後防其實人都唔少，史摩寧固然討喜，而伊雲斯雖然偶然遊下魂，不過都係有一定潛質。依家要俾成1千萬英鎊買一個防守球員，點解唔留啲錢加固中場線呢？大家都知曼聯依家就係無一個中場大腦，你話要買楊格打左路我理解，要買摩迪加強創造力我都理解，但買一個防守球員呢？就好似唔係當務之急勒。作為曼迷你又點睇？
來源：衛報佢就係華拉尼勒！洛維呢？你又中唔中意佢呢？
請按此登錄後留言。未成為會員? 立即註冊