干地以不變應萬變 - 足以成雙藍會贏家 文字

藍獅於 28/08/2017 發表 收藏文章
-請支持藍獅 Facebook專頁-
《原創文章 歡迎轉載 請列明出處 謝謝》

球迷們都似乎十分著眼於阿仙奴作客大敗比利物浦哩場波,忽略左哩場早場既雙藍會,車路士喺主場以2-0擊敗愛華頓。老實說,觀賞價值比起賽前預計低,未有紅紅對壘吸引亦不足為奇,以下係小弟對一眾車路士球員既評價。
.圖片來源 : Liverpool Echo

先講開賽前官方所公怖既正選名單,干地再次擺出343陣式,與外界估計既352唔同,好大機會係因為意大利人認為球隊在主場之利下無需在打法上過於消極。將大衛雷斯放回後場,伙拍今場擔任隊長既艾斯派古達同魯迪加為三後衛,兩翼衛人選繼續維持摩西斯同馬高斯阿朗素,中場方面收起上場提早復出既巴卡約高,由停賽復出既法比加斯組合簡迪,至於前場繼續選用莫拉達,身旁左右為韋利安及正式復任正選既柏度。
.圖片來源 : Football.London

先講後場,正選名單中比較詫異既係基斯甸臣未有為開賽十一人,理解得到干地以穩定人選為先,只係正任隊長卡希爾領了一張「自殺式」紅牌需要停賽三場下,機會難得可以獲取更多上場時間,下半場後段亦有後備上陣;大衛雷斯繼續擔當後場領袖角色,而愛華頓未有太大壓力比到車路士後防,引致球員好多空間可以喺後場「猜波」,反而就係因為咁,艾斯派古達既錯誤就非常顯眼,至少兩次喺面對面既情況下將皮球交到白衫球員腳下,更有一次比人打反擊,幸好有魯迪加在門前「包位」,否則古圖爾斯好大機會難保清白之身。
(如果係此錯係卡希爾所犯 相信一定有球迷們叫佢滾回後備席)
.圖片來源 : Liverpool Echo

魯迪加在開季至今全數擔任三場聯賽正選,表現亦一場比一場好,尤其係伙拍雷斯後有巴西人負責指揮,無論在心態及行動上都相對穩定,絕對有機會繼續成為正選;雖然艾斯派古達今場在防守上出現致命錯誤,但將功補過下利用一次長傳直接助攻莫拉達,開季至今已經係第二次出現哩類型既入球模式,好大機會成為今季既進攻板斧之一。
.圖片來源 : Chelsea FC

到中場方面,由於愛華頓中場球員未有過份施壓,引致法比加斯能夠有如入無人之境發揮,多次為隊友穿針引線,更在一次後上插入禁區射死角入網,未有受上場停賽而影響狀態;至於簡迪未需出盡全力,更可以配合隊友在左右二路爆破,名宿馬基列尼亦有公開表示哩位法國發電機要好好控制自己既體力消耗,至可以應付黎緊球隊既多條戰線,絕對需要學習收放自如。
.圖片來源 : The Telegraph

而後備上陣既巴卡約高,由於上場對陣熱刺受到法比加斯既停賽影響,本身預期9月頭復出需要臨危受命上場,所以今場先立後備亦屬意料之內,在下半場最後15分鐘上陣明顯只係小試牛刀,操練狀態與其他隊友配合,同時見到干地有意安排佢同簡迪輪流一攻一守,至少保持其中一名法國中場不會壓上,球迷對他日狀態十足既巴卡約高依然充滿期望。
.圖片來源 : Metro

去到前場,柏度復出明顯為車路士既前線增添活力,開波初段已經輕舒腳頭作一場倒掛高出,球員對於入球既渴望完完全全可以見得到,只可惜直到換出前都不能增添記錄。而韋利安今場既發揮,相信對於平時不少批評佢既球迷都可以用「出色」二字形容,可能受到柏度復出關係,兩者都能達到雙輔雙乘既效果;至於莫拉達亦交出一個入球,配合兩翼下亦開始見到默契,相信繼續為正選與巴舒亞伊輪換會合適之舉。
.圖片來源 : Hindustan Times

喺放眼下一場比賽前,先要睇埋轉會窗完結前球會有咩動作,下回再續...

文章最後更新時間 : 28/08/2017 14:30

《原創文章 歡迎轉載 請列明出處 謝謝》
藍獅 每週出文 用心寫每篇文章 給我們一個Like作支持 : https://www.facebook.com/bluexlion/
標籤: 干地  車路士  愛華頓  

留言

會員
我要評論
請按此登錄後留言。未成為會員? 立即註冊
  • Leung Wai Kit Leung
    Leung Wai Kit Leung 於 28/08/2017 評論 NO. 1

    佢求神拜佛仟其吾好有傷兵!
    九月開始多重戰線睇佢点排陣!

  • Fantsy Yeung
    Fantsy Yeung 於 28/08/2017 評論 NO. 2

    兩翼衛要買人

  • Kenny ChunMan
    Kenny ChunMan 於 28/08/2017 評論 NO. 3

    預期中的結果,愛華頓佢買嘅新兵又唔係頂級球員,而且磨合都要時間。車仔個陣已經打左成季,人腳又冇大變動。佢嘅不穩定因素只係板櫈深度,季初唔應該出現。而且主場出擊,贏波合情合理。

  • Jeff Kwong
    Jeff Kwong 於 28/08/2017 評論 NO. 4

    莫拉達唔夠氣力打英超,見佢打得好辛苦

  • Boris Keung
    Boris Keung 於 28/08/2017 評論 NO. 5

    我覺得今日嘅拖肥糖無哂莫耶c當年嘅硬淨爛打feel

  • @michael@
    @michael@ 於 28/08/2017 評論 NO. 6

    無晒波牛同死纏爛打,欠了爆炸頭的熱血爛打風格。

  • Marjill
    Marjill 於 29/08/2017 評論 NO. 7

    莫拉達喺皇馬打慣主攻,來到車仔打穩守突擊當然辛苦。

  • Marjill
    Marjill 於 29/08/2017 評論 NO. 8

    莫拉達喺皇馬打慣主攻,來到車仔打穩守突擊當然辛苦。

  • Kelvin Cheung
    Kelvin Cheung 於 29/08/2017 評論 NO. 9

    大家都係排343,除非手上班兵好頂級,或戰術配合好有默契,如果唔係,拖肥要贏車仔,談何容易呀。

快捷鍵:←
快捷鍵:→