年輕不再是借口

阿辛斯奧,係繼魯爾之後,最令人興奮雀躍嘅青訓超新星。但年輕人,時間永遠唔等人,而且亦唔會一直企喺您果邊。

回到幾年前嘅歐洲超級盃,一下左腳天外飛仙遠射破西維爾奪冠,將呢為廿歲超新星帶來世足舞台。之後,接連喺西甲、歐聯處子上陣即有入球,強強對陣巴塞、巴黎、拜仁、祖記都有非常岀色嘅表現。

今年夏天,除左領隊和頭號球星離隊之外,最令球迷關注嘅係世界盃表現極岀色嘅夏世三會否如願加盟皇馬。而最後,相信管理層除左考量到巴利嘅存在、伊斯高大熟大勇,重有阿辛斯奧嘅上升軌道,因而擱置買入任何球星。2018-19年,本應就係皇馬帶比阿辛斯奧發光發熱嘅舞台。開季呢三個月嘅表現,著實令人失望。長此下去,超新星會變做又粒流星。

C朗,22歲係英格蘭足球先生、PFA最佳球員、最佳年青球員,23歲更成為金球獎得主。夏世三,19歲當選法甲最佳年青球員、入選法甲最佳陣容,22、23、24歲連續入選英超最佳陣容。魯爾,由20歲開始,連續5屆成為西班牙足球先生。拉莫斯,22歲入選歐聯和國際足總最佳陣容。

當年柏度理安9up,伊拿拉文迪話無機會,人們會當佢地笨7。機會,係自己爭取。有無經驗,喺皇馬從來無意義。有能力,無經驗一樣會成為主力。

見到阿辛斯奧嘅言論,好難唔心痛。因為天份過人,有潛力和能力成為皇馬嘅骨幹。22有3,係年輕,不過再以年青球員嘅標準去看待自己,未免太過浪費自己嘅天份。如果當年嘅魯爾用同樣嘅心態期待米積度域、布達堅奴,就唔會有金童嘅岀現。假如C朗只有呢種心態,可能佢終會如蘭尼一樣揮之則去。

有如此高嘅天份,用野心、責任、努力去發揮自己,先對得起自己嘅才能。如果發現唔到自己嘅特別,咁亦終將成為平庸。與其等待有經驗嘅球員,例如巴利、賓斯馬、伊斯高去抬起隊波,不如提高自己去成就球隊和自我。唔好再用平庸嘅標準看待自己,既然身在皇馬就應該體會到,無論年紀大小,能力就係令球員立足嘅標竿,每個球員都要成為最佳。

機會唔會等人,阿辛斯奧亦唔需要等,舞台已經準備好,每一場都係進步嘅機會。事實上,滿滿潛力嘅阿辛斯奧亦到左樽頸。死左腳、無突破、一味喺邊線one two落底、被緊迫就只能回後,呢啲缺點係可以改變,亦期許蘇拿利能夠如施丹一樣點石成金。比如睇準機會多啲中路前插入攝增加射門,又可以同馬些路、賓斯馬練多啲小範圍配合,喺摩迪和卻奧斯身上領略受緊迫時嘅轉身、控球踢法,不斷提高自己,不知不覺用自己才能成為班拿則嘅主人。

班拿貝嘅噓聲,永遠都是對的。阿辛斯奧,唔好令自己失望啊。

I don't think it's for me to carry the team. There are players who are much more experienced, have more years playing under their belts and more status than I have and they're the ones who have to lead the team

I'm still young, there are players that have to lead the team

I want to make a bigger contribution to the club, to feel more important and I also need to have that confidence and for the club to give me that responsibility

留言


請按此登錄後留言。未成為會員? 立即註冊
  • Jake5 於 17/11/2018 評論 NO. 1

    是唔不是晤

快捷鍵:←
快捷鍵:→