事情發生前，根本無諗過會有呢一日。
9年前加盟16強皇馬，一齊飽受巔峰巴塞嘅凌虐，跑足九十分鐘都無波掂嘅比賽，你經歷晤少。
然後你好似餓狼一樣射門、入球、射門、入球、射門、入球，不知不覺由4-1變成5-5，由翼鋒變成中鋒，由十六強變成第十次冠軍，臨尾都要入番球十二碼除衫興祝攞下彩。
到後來，愈發覺得有你真好，因為你永遠渴望，永不放棄。起初因爲你，為呢隊球隊帶來希望。跟住你用入球，令球迷可以抬起頭做人。然後你用經驗和成熟，帶比球隊冠軍嘅質素。由始至終，你都以身作則，推動著球隊。
中學時睇波，記得你喺曼聯踢到曉飛，踢走個波、比人撞跌，都判罰球比你，風頭之盛一時無兩。
黎到皇馬，一黎就對維拉利爾一扭五，如入無人之境，半場推到禁區再入埋波。果一刻我笑撚左，乜原來咁就入波架啦？bug黎架喎！
點知對巴塞時，又係比夢二搓小朋友嘅恥辱，一次又一次又一次再一次，你都好似哥利亞戰巨人一樣，眼𥚃滿是決心、信心和榮譽之心。
你將自己嘅巔峰，留比本來晤係咁強嘅皇馬。而因為你嘅存在，皇馬愈來愈成為強壯嘅球隊。喺你入球如麻嘅時候，不知不覺間，就組成一隊超級球隊，每個位置都彷佛有最好嘅球員，而當中最好嘅，始終係你。而不知不覺間，你亦不再年輕。只係，每當需要被拯救時，你永遠，永遠，會帶著入球岀現。
以前，會覺得你點解係咁鳩射，射足成場樂此不疲，仿佛要射到入波為止。殊不知，到近年見到你氣喘了、跑慢了，先發覺你嘅體能、力量、強度、技術、心理、決心、鬥志、紀律，係每個射門背後嘅原因，亦因爲咁，你始終係優秀中嘅最優秀。
我從來無諗過，你加盟皇馬之後會離開。我以為你會喺度退休。我以為呢個世界只有皇馬先係同你匹配嘅球隊。我一直都無買你波衫，因為我一直都無認真諗過，原來你真係會離開。我再無法著著你嘅皇馬波衫去支持球隊了 。
9年。9年間，你從未停止渴求。你帶來無數獎盃、入球，無數經典嘅入球。驕傲，係我對你嘅感受。比起入球和數據，更代表你嘅，係永不言敗，你帶比球隊嘅精神。
多謝你帶比皇馬嘅所有，as a Madridista, I love you Ronaldo, Thank you.
9年前加盟16強皇馬，一齊飽受巔峰巴塞嘅凌虐，跑足九十分鐘都無波掂嘅比賽，你經歷晤少。
然後你好似餓狼一樣射門、入球、射門、入球、射門、入球，不知不覺由4-1變成5-5，由翼鋒變成中鋒，由十六強變成第十次冠軍，臨尾都要入番球十二碼除衫興祝攞下彩。
到後來，愈發覺得有你真好，因為你永遠渴望，永不放棄。起初因爲你，為呢隊球隊帶來希望。跟住你用入球，令球迷可以抬起頭做人。然後你用經驗和成熟，帶比球隊冠軍嘅質素。由始至終，你都以身作則，推動著球隊。
中學時睇波，記得你喺曼聯踢到曉飛，踢走個波、比人撞跌，都判罰球比你，風頭之盛一時無兩。
黎到皇馬，一黎就對維拉利爾一扭五，如入無人之境，半場推到禁區再入埋波。果一刻我笑撚左，乜原來咁就入波架啦？bug黎架喎！
點知對巴塞時，又係比夢二搓小朋友嘅恥辱，一次又一次又一次再一次，你都好似哥利亞戰巨人一樣，眼𥚃滿是決心、信心和榮譽之心。
你將自己嘅巔峰，留比本來晤係咁強嘅皇馬。而因為你嘅存在，皇馬愈來愈成為強壯嘅球隊。喺你入球如麻嘅時候，不知不覺間，就組成一隊超級球隊，每個位置都彷佛有最好嘅球員，而當中最好嘅，始終係你。而不知不覺間，你亦不再年輕。只係，每當需要被拯救時，你永遠，永遠，會帶著入球岀現。
以前，會覺得你點解係咁鳩射，射足成場樂此不疲，仿佛要射到入波為止。殊不知，到近年見到你氣喘了、跑慢了，先發覺你嘅體能、力量、強度、技術、心理、決心、鬥志、紀律，係每個射門背後嘅原因，亦因爲咁，你始終係優秀中嘅最優秀。
我從來無諗過，你加盟皇馬之後會離開。我以為你會喺度退休。我以為呢個世界只有皇馬先係同你匹配嘅球隊。我一直都無買你波衫，因為我一直都無認真諗過，原來你真係會離開。我再無法著著你嘅皇馬波衫去支持球隊了 。
9年。9年間，你從未停止渴求。你帶來無數獎盃、入球，無數經典嘅入球。驕傲，係我對你嘅感受。比起入球和數據，更代表你嘅，係永不言敗，你帶比球隊嘅精神。
多謝你帶比皇馬嘅所有，as a Madridista, I love you Ronaldo, Thank you.
請按此登錄後留言。未成為會員? 立即註冊