【賽事分析】20191221 港超聯 ~ 元朗 0：0 愉園 - 唔知踢咗乜

What I saw
成場波，筆者真心唔知踢咗乜，睇唔到咩戰術，射門更加欠佳，獨食出現好多。元朗犯規次數都幾多，俾對方多次死球機會。
今場祖連奴同米基爾有多次浪射，無腳中龍門，打斷一次又一次黃金機會。如果佢哋稍為肯傳波，會令到個進攻更加立體。另外祖連奴真係唔啱踢最前，佢較適合伏埋於另一前鋒後。

其次，換葉子俊入場，筆者都睇唔到有咩作用可言，導致成條右路靜曬，起唔到則擊作用。
另外，鄭璟昊一攞波就好容易俾人迫甩，身體對抗欠佳。至於曾至孝踢防中絕對比踢中堅更好，踢中堅真係被人重點攻擊，當同對方前鋒頂頭鎚時，曾至孝被判犯規機會率都頗高，但曾至孝負責死球是okay的，速度與落點是隊中較好。

換人記錄
辛坦拿>卡真奴 60'：卡真奴冇表現
葉子俊>張民樂 61'：筆者都唔知有咩用，用錯葉子俊
曾梓軒>羅振庭 83'：最後攻擊

今場一球都無失，可以話防守係加強咗少少，而對方雖然踢防反但速度及把握久奉。0比0，呢個比數係合理，但形勢十分好惡劣，元朗唯今之計可能真係要考慮再引援。

#為元朗搏盡
#元朗人撐元朗波