19/20菁英盃 - 元朗隊何去何從呢？

今季2019-20年度菁英盃每支參賽隊伍於每場賽事的任何時間，必須派出不少於三名於1998年1月1日或以後出生的本地青年球員（即U22）出賽，雙循環作賽，兩組AB分組只有小組第一才能出線決賽，取消以往四強資格。元朗隊則擁有7名U-22青年球員，分別為龍門黃梓豪、後衛梁煒烽，張顥覺，陳曜燃、中場黃本銘，黃晉軒、前鋒鄧子均。根據元朗高層人士所述，今季目標仍是菁英盃，筆者推斷梁煒烽、黃晉軒、鄧子均會先獲得出場機會，因為三者都經過一段港超長時間操練洗禮及曾出場數次港超，所以佢地應該係7名中最適合菁英盃正選出場嘅人選。而另外4位黃梓豪、張顥覺、陳曜燃、黃本銘亦不需灰心，因為本屆雙循環作賽，取消四強資格，變相比上屆更難入決賽，一旦確認出線冇望，其餘4位相信就會得到正選機會。所以呢，3位U-22梁煒烽、黃晉軒、鄧子均想踢多啲，想攞多啲上場機會就要場場搏盡，延長菁英之旅，以拎小組第一為目標。