【賽事分析】20181020 港超聯 ~ 佳聯元朗 5:1 夢想 - 正常發揮

元朗人撐元朗波 於 22/10/2018 發表 收藏文章
未打前,一心都係想元朗贏波3分落袋,因為既是主場又知道贏出機率較高,只是冇諗過夢想頹到咁,同凱景爭降級不是夢。經過呢場,筆者我發現呢隊新•元朗隊開始被注入唔同屬性,除左搏盡精神外,瘋狂迫搶,爛打風格已經開始出現。郭嘉諾曾提及上場中場佢同球員們講述曼聯反cup故事,唔通要為元朗隊注入魔性 ? 諗起都興奮。其實可能筆者我FF得太多了。
圖片來源:Fanny Tang Facebook
正選陣容
前鋒:13 陳廣豪 14 慕沙
中場:17 陳柏衡 10 基爾頓 6 基斯 11 葉子俊 15 陳曉鋒
後衛:7 嚴啟華 22 法比奧 3 杜馬思
龍門:1 陳嘉豪
陣式:352
戰術:高壓迫搶
圖片來源:Fanny Tang Facebook
分析
今場可見郭嘉諾有d心思,知道夢想同理文一樣,用波型風格,行軍速度非常緩慢,而上場就試到元朗球員有90分鐘迫搶體力,所以呢場一開波就迫搶夢想,搶開好局。夢想球員太怯元朗痴線搶迫,所以夢想好快就自己派膠,慕沙輕鬆執雞領先1球。基本上,整場都係元朗主導形勢,多攻勢,只係不能中場前領先2球。基於夢想後防太老,大哥級陳偉豪又唔係度,雷文迪又是炸彈,下半場元朗1出黎再迫,夢想傳波已經冇準,非常多交失出界,磨左一陣,葉子俊1cup左腳1curve就收死夢想龍門屠俊翹,領先2球。第3球,右路1個傳中,慕沙把握到唔知點頂個地波反入去網。及後杜馬思情急下剷波,好似隻手掂到波,被判12碼,就咁3-1。第4球唔洗講,睇片就知廣豪又射靚波,幫元朗定軍心鎖勝。相反夢想就愈踢愈頹,fatgor被換出時更加兩隻手樹係耳仔挑釁元朗球迷,後生細仔長此落去咁樣唔掂。第5球,基爾頓自己搏自己射成功開埋齋。
圖片來源:Fanny Tang Facebook
郭嘉諾
改善方面:

呢場贏得太淋漓盡致,1時唔太睇出有咩重大需改善之處。左翼衛問題,陳柏衡受傷,搵唔到左腳左翼衛後備,謝偉俊作為後備不是不合格,只係左腳真係要加緊練習,現場睇佢左腳傳波直頭冇力可言,
讚方面:
今場擺番基斯防中,利用身型取得極多優勢,食住夢想球員來踢。擺番法比奧落中堅,統領後防,節省體力,間唔中上黎幫手造攻勢,令成個元朗隊結構攻守更平衡。肯俾機會年青球員,梁煒烽作為千禧後首次落場感受港超。
3個換人
謝偉俊 > 陳柏衡 45' +2':受傷而換,希望謝偉俊加強練左腳
郭子堦 > 葉子俊 72':葉子俊體力頂半場是最好的,體力下降,換另一中場加強控制
梁煒烽 > 嚴啟華 86':位換位,Train真年青球員
圖片來源:Fanny Tang Facebook
總括,如賽前預測一樣,贏波3分。不過係冇諗過大勝收場,唔係元朗超水準,只係夢想冇夢想,冇火既,都唔似想贏。
#為元朗搏盡
Here ! Downstairs ! Downstairs ! 球迷TV第4集 !
標題圖片來源:HK01

如果喜歡我們的文章,請即分享到︰

標籤: 元朗  

留言

會員
我要評論
請按此登錄後留言。未成為會員? 立即註冊
快捷鍵:←
快捷鍵:→