與元朗隊邂逅的開始

元朗人撐元朗波 於 26/07/2018 發表 收藏文章
回到當初
2015年9月,朋友從直播觀看港超,在旁的我只看了兩眼,那場比賽是傑志vs元朗,記得元朗俾傑志怒炒4球,當時既我並未真正留意到元朗隊。之後間唔中透過直播睇港超,因為直播通常有傑志,所以睇傑志場數較多。雖然傑志多數贏波,但踢法相當沉悶。過後有場南華vs傑志大戰,便相約朋友入場睇本地波,造就第1次入場睇波。2016年初,透過1場直播觀看了南華vs元朗,最終元朗1:2惜敗南華,但過程並不1面倒,元朗有多次攻勢想追平比數,連我不知道為何也為元朗吶喊,利申 : 仍未對元朗產生感情。雖想再入場睇波,但多數地點有返咁上下距離,見1星期後南華會作客元朗,咁近無籍口唔睇啦,果次係慕南華既名入元朗場睇波,過程相當緊湊,元朗先落後2球,及後追平比數,最後有個絕殺機會,當然並沒絕殺,但已第1次見識為元朗搏盡。又1次不知道為何為元朗吶喊,元朗入波會1同慶祝,相反南華入波並沒反應。呢場後元朗隊既種子在心中開始發芽。
圖片來源:體路

咩原因喜歡上元朗隊
元朗隊強嗎?不。有錢嗎?不。弱嗎?確實實力較差。但支持既球隊已決定是元朗隊,不因什麼,只因元朗有種永不認輸特質,搏盡既精神。另1方面非常簡單,因我是元朗人。1場元朗vs飛馬比賽,元朗打少個,以為會輸波,但佢硬要追平,最終成功做到。每1次追平同反cup只會令我對元朗隊既感情有增無減。

1個冠軍機會
港超辛苦為護級而戰,而足總盃有幸殺入決賽,對陣飛馬。雖然實力不差太遠,但飛馬仍在元朗之上,多麼希望元朗爆冷ko飛馬,上演少有童話式夢幻之旅,主角能夠爆發小宇宙,將大佬打低。可惜事實上並不能容易估計。元朗是首開紀錄1方,但不久便被飛馬追平,1:1比數維持至加時,元朗d球員已經抽晒筋,只用意志力頂至互射12碼,飛馬是先射失12碼1方,以為元朗走上冠軍之巔,但元朗兩球12碼被撲反勝為負,望住冠軍就咁擦肩而過,記得我唔甘心,失望,無晒心情,影響幾天後考試的狀態。我諗明明元朗多麼努力,撐到最後,走到最後1步先黎功虧一簣,我唔甘心。當然我希望快d黎多次入決賽機會,理性同我講元朗咁既班費真係唔知幾時先再入決賽,事實上真心冇諗過咁快又黎......
圖片來源: sportsoho

如果喜歡我們的文章,請即分享到︰

標籤: 元朗  

留言

會員
我要評論
請按此登錄後留言。未成為會員? 立即註冊
    快捷鍵:←
    快捷鍵:→