位置模糊 辛迪卡蘇拿 精選

在格列沙加的加盟後，辛迪卡蘇拿在阿仙奴的位置上變得模糊。在維拉利爾時期，主要踢進攻中場或左中場，偏向侵略性等進攻以及派牌。加盟阿仙奴後由於與奧斯爾撞位，雲加開始將佢放係左中場或防中方面，希望靠佢連繫到中後場。上季伙拍高基連踢的雙防中，佢偏向分波多過高基連，高基連主要掃蕩。分波與連接方面表現不錯，護波能力更是強，但放佢係防中，好多時都可以見到佢比較吃力，始終唔係佢既強項，身型方面等令到佢放係依個位置有點令人覺得總係差小小咁。
沙加的加盟很可能將卡蘇拿的位置搶走。在身型，單對單防守能力等比卡蘇拿優勝，護球能力亦不錯，將佢放係防中位置伙拍高基連或艾林利會更好。因為當藍斯正選時，雲加往往放佢係右中場，而佢比較喜歡參與中路入楔，後上射門等，很小會在右路突破落底線。因此，當佢出場既時候，在中場連動時，需要放卡蘇拿係防中的功效便會不見了。

在左翼上長期有山齊士在陣，卡蘇拿幾乎不可能搶嬴這位置，進攻中場有奧斯爾，除非是他受傷或留力，雲加先會放佢去攻中依個位置到。右中場上，有禾仔，張伯倫，藍斯等競爭。卡蘇拿現在就變得好像進攻中場與防中的第一替補。
依個情景令我想起阿迪達，上季的阿迪達，因為經過傷患加上年齡增加。與卡蘇拿現在的情況非常相似。因為高基連的爆發，艾林利季中加盟，卡蘇拿調後去防中位置等，上陣機會非常小。現在的卡蘇拿正正面對同一情況，沙加的加盟，在防中上表現與效率應該會比佢好的情況下，今季的上陣機會相信會隨著沙加慢慢適應後愈來愈小。

將會踏入32歲的他，我認為他可以慢慢轉型球員兼助教。一方面，繼續為球隊上陣，他這個替補絕對是強大的火力，一方面學習球隊上戰術安排，提供意見於雲加等。相信他自己知道防中上存在的問題。

希望卡蘇拿可以有個美好的球員生涯，你又點睇?
留意更多足球文章與消息請到fb page源源筆絕按Like 啦!https://www.facebook.com/源源筆絕-279827832352828/