【花生mode on】嘴炮王摩連奴點睇歐聯決賽呢...

利永遠不會毒行 於 12/05/2019 發表 收藏文章
前曼聯教頭摩連奴出咗名嘴炮王,吹水力強,而家無領隊做,就去咗客席講波。而近日被問到點睇歐聯冠軍,呢位曾經帶領波圖同國際米蘭贏得歐聯冠軍嘅摩佬,就話呢個獎盃嘅意義非常重大,所以希望高普同普捷天奴都可以帶領球隊,踢一場精彩嘅歐聯決賽比世界各地嘅球迷睇。而摩連奴覺得喺決賽輸波總好過喺四強就出局,因為只有有實力嘅球隊先可以殺入決賽。每隊球隊都應該要有呢個心態,冇人每次都想同冠軍獎盃擦肩而過。
摩連奴接受電視台訪問嘅時候就話,足球界有個名字叫高普,呢個名完全同戰術、足球哲學冇關,因為高普呢個名,只係關乎足球場上嘅熱血同激情。
摩連奴喺熱刺對阿積士嘅比賽之後,炮轟阿積士嘅一班球員,認為冇可能喺領先兩球嘅情況之下,被對手反勝。佢地開賽早段就憑迪列治嘅頭鎚建功,之後施耶殊再入一球。點知下半場比盧卡斯姆拿連入3球,帶領熱刺歷史性殺入歐聯決賽!

加上利物浦同熱刺喺四強都打出咗一場驚天動地嘅次回合賽事。利物浦喺首回合落後備3比0嘅情況下,番到主場黎個絕地反擊,4比0淨勝巴塞。而熱刺就次回合上半場先輸2比0,下半場反勝3比2,靠作客入球優惠晉級。呢兩場比賽毫無疑問都會寫入歐聯史冊入面。
講到高普,最近喺英媒界都有信譽嘅記者Fabrizio Romano 透露,意甲球隊祖雲達斯就睇中高普呢位教過英超同德甲球隊嘅領隊,會盡佢哋所能去羅致高普去意大利。之不過咁,高普今季能夠帶利物浦隊打入歐聯決賽﹑以及仲有能力競爭英超冠軍,為表示支持,利物浦方便都打算喺完季後同高普續約五年!

呢個星期,喺歐聯嘅比賽入面,小妹真心感受到足球真係圓架,未到最後一分鐘,未踢足180分鐘(2回合)都唔會分到勝負!熱情對於足球黎講真係好重要~


SOURCE:LEGIT.ng, The wistle

留言


請按此登錄後留言。未成為會員? 立即註冊
    快捷鍵:←
    快捷鍵:→