高普領軍嘅利物浦喺歐聯八強，兩回合夾埋贏6－1擊敗波圖，晉身四強。歐聯四強賽事利物浦大戰巴塞隆拿，大家最關心嘅應該唔係美斯乜乜乜，而係有巴塞B隊之稱嘅利物浦，將會面對2名球員倒戈－古天奴同蘇亞雷斯。
當然，焦點當然會放係古天奴身上啦。古天奴2013年加盟利物浦，曾經同高普共事2年，2018年1月以£142m轉會巴塞，之後都未有機會喺球場上重遇利物浦；而蘇亞雷斯就同高普擦身而過，因為佢喺高普黎利物浦前，即仲係羅渣士領軍果陣轉投巴塞。不過有啲唔同嘅係，喺2016年，蘇亞雷斯就曾經以巴塞球員身份，喺溫布萊嘅季前熱身賽上對戰過利物浦。
巴塞隆拿八強兩回合，合計以4－0贏得出線權，淘汰另一支英超球隊曼聯。古天奴喺第二回合對住曼聯果陣，仲射入咗球世界波。而佢閉上雙眼，用手指塞住耳仔嘅慶祝入波方法就惹起外界嘅意見。
古天奴就咁樣回應：
「我一直以黎都尊重所有人。」
「而我呢個慶祝入球方法，背後嘅原因係想俾大家知道我唔想被外界影響；我需要隔絕大家嘅聲音去專注比賽。」
「就好似一種解放(liberation)。」
古天奴早前受傷患困擾，狀態唔好，被奧士文尼迪比利就頂替佢個位，但之後因為迪比利受傷，古天奴就多返上陣時間；而佢最近都企返穩陣腳，有正選踢。呢名前利物浦，現任巴塞球員古天奴就話，下場歐聯賽事面對前球會利物浦，佢感到「心亂如麻，既緊張又激動」。佢亦承認好期待呢場賽事，因為自2018年1月佢離隊後，第一次喺比賽日上，以敵對身份再遇利物浦。
「呢場波非常特別。」
「我有啲緊張但又急不及待，因為我知呢個（倒戈）時刻即將要來到。」
同時，利物浦領隊高普喺出出線四強後嘅記者會上，講笑咁警告古天奴，以及另一位前利物浦球員蘇亞雷斯，話重返晏菲路嘅路並唔容易架～（但第一場係作客先喎） 「對於呢兩名球員黎講，呢個一個非常特別嘅時刻，因為佢哋都係利物浦傳奇球員。」
「但我唔認為呢場會係一場友善嘅比賽，因為兩隊都要爭取勝利。」
「利物浦對巴塞隆拿，將會係一場精彩嘅歐聯四強賽事。而家我哋要做嘅野就係盡力踢好場波，之後再睇下事情發展如何！」
賽前口水戰，大家都好有風度；但最緊要都係落場踢嘅表現點樣。大家準備好捱夜未？以下係呢四強時間表～
巴塞隆拿對利物浦
2 May 0300
利物浦對巴塞隆拿
8 May 0300
source：metro，teamtalk
當然，焦點當然會放係古天奴身上啦。古天奴2013年加盟利物浦，曾經同高普共事2年，2018年1月以£142m轉會巴塞，之後都未有機會喺球場上重遇利物浦；而蘇亞雷斯就同高普擦身而過，因為佢喺高普黎利物浦前，即仲係羅渣士領軍果陣轉投巴塞。不過有啲唔同嘅係，喺2016年，蘇亞雷斯就曾經以巴塞球員身份，喺溫布萊嘅季前熱身賽上對戰過利物浦。
巴塞隆拿八強兩回合，合計以4－0贏得出線權，淘汰另一支英超球隊曼聯。古天奴喺第二回合對住曼聯果陣，仲射入咗球世界波。而佢閉上雙眼，用手指塞住耳仔嘅慶祝入波方法就惹起外界嘅意見。
古天奴就咁樣回應：
「我一直以黎都尊重所有人。」
「而我呢個慶祝入球方法，背後嘅原因係想俾大家知道我唔想被外界影響；我需要隔絕大家嘅聲音去專注比賽。」
「就好似一種解放(liberation)。」
古天奴早前受傷患困擾，狀態唔好，被奧士文尼迪比利就頂替佢個位，但之後因為迪比利受傷，古天奴就多返上陣時間；而佢最近都企返穩陣腳，有正選踢。呢名前利物浦，現任巴塞球員古天奴就話，下場歐聯賽事面對前球會利物浦，佢感到「心亂如麻，既緊張又激動」。佢亦承認好期待呢場賽事，因為自2018年1月佢離隊後，第一次喺比賽日上，以敵對身份再遇利物浦。
「呢場波非常特別。」
「我有啲緊張但又急不及待，因為我知呢個（倒戈）時刻即將要來到。」
同時，利物浦領隊高普喺出出線四強後嘅記者會上，講笑咁警告古天奴，以及另一位前利物浦球員蘇亞雷斯，話重返晏菲路嘅路並唔容易架～（但第一場係作客先喎） 「對於呢兩名球員黎講，呢個一個非常特別嘅時刻，因為佢哋都係利物浦傳奇球員。」
「但我唔認為呢場會係一場友善嘅比賽，因為兩隊都要爭取勝利。」
「利物浦對巴塞隆拿，將會係一場精彩嘅歐聯四強賽事。而家我哋要做嘅野就係盡力踢好場波，之後再睇下事情發展如何！」
賽前口水戰，大家都好有風度；但最緊要都係落場踢嘅表現點樣。大家準備好捱夜未？以下係呢四強時間表～
巴塞隆拿對利物浦
2 May 0300
利物浦對巴塞隆拿
8 May 0300
source：metro，teamtalk
請按此登錄後留言。未成為會員? 立即註冊