高普喺最近嘅記照就透露咗中堅祖高美斯嘅腳傷有機會做手術。
呢名英格蘭球員喺上年12月對般尼嘅賽事受傷，當時嘅消息就只佢只需要抖6星期，但世事邊有咁順利呀，都差唔多過咗2個月啦，祖高美斯都未有復出嘅時間表。而高普喺對韋斯咸嘅賽前記者會表示祖高美斯康復進展不似預期，估計未必可以趕合喺對拜仁嘅歐聯16強上陣。被問到祖高美斯傷勢，高普就咁答：
「我唔知呀，即管睇下點啦，有機會﹑有可能（要做手術）。」
「仲未話到俾大家聽祖高美斯幾時可以復出。」
雖然紐卡素都出咗力幫手令曼城失分，但利物浦都未能靠自己（雖然果場都黑黑地哨）拉開同曼城嘅差距，1比1打和李斯特城；利物浦而家暫列榜首，5分領先曼城。
利物浦喺最近2場－對李斯特城同埋水晶宮－總共失咗4球波。比起之前嘅成績，真係唔多好睇，而真係健健康康又有態嘅後防真係得雲迪克同羅拔臣（唔計雲迪克感冒啦okay？）面對後防傷兵問題，高普被迫使用法賓奴打中堅，占士米拿同埋軒達臣part time右閘。小妹就認為右閘問題比較嚴重...上兩場都右路放題咁。
而另一中堅路夫蘭自一月足總盃對狼隊受傷後，終於復操啦。雖然佢對韋斯咸佢都未必可以上陣，但都算係一件好事呀；而米拿都已經停完賽，因為阿諾膝傷仲未好返，估計會繼續part time右閘。
利物浦喺轉會市場就無買人，但就賣咗馬高域去富咸﹑借咗佳尼去般尼茅夫。唔買人又有人要part time的話，就應該會用青年軍啦，好似之前都提及過嘅Camacho 同埋Hoever啦，而小妹亦見到Adam Lewis 呢名青訓都有份跟一隊練波喎！
SOURCE：express.co.uk, Liverpoolfc
呢名英格蘭球員喺上年12月對般尼嘅賽事受傷，當時嘅消息就只佢只需要抖6星期，但世事邊有咁順利呀，都差唔多過咗2個月啦，祖高美斯都未有復出嘅時間表。而高普喺對韋斯咸嘅賽前記者會表示祖高美斯康復進展不似預期，估計未必可以趕合喺對拜仁嘅歐聯16強上陣。被問到祖高美斯傷勢，高普就咁答：
「我唔知呀，即管睇下點啦，有機會﹑有可能（要做手術）。」
「仲未話到俾大家聽祖高美斯幾時可以復出。」
雖然紐卡素都出咗力幫手令曼城失分，但利物浦都未能靠自己（雖然果場都黑黑地哨）拉開同曼城嘅差距，1比1打和李斯特城；利物浦而家暫列榜首，5分領先曼城。
利物浦喺最近2場－對李斯特城同埋水晶宮－總共失咗4球波。比起之前嘅成績，真係唔多好睇，而真係健健康康又有態嘅後防真係得雲迪克同羅拔臣（唔計雲迪克感冒啦okay？）面對後防傷兵問題，高普被迫使用法賓奴打中堅，占士米拿同埋軒達臣part time右閘。小妹就認為右閘問題比較嚴重...上兩場都右路放題咁。
而另一中堅路夫蘭自一月足總盃對狼隊受傷後，終於復操啦。雖然佢對韋斯咸佢都未必可以上陣，但都算係一件好事呀；而米拿都已經停完賽，因為阿諾膝傷仲未好返，估計會繼續part time右閘。
利物浦喺轉會市場就無買人，但就賣咗馬高域去富咸﹑借咗佳尼去般尼茅夫。唔買人又有人要part time的話，就應該會用青年軍啦，好似之前都提及過嘅Camacho 同埋Hoever啦，而小妹亦見到Adam Lewis 呢名青訓都有份跟一隊練波喎！
SOURCE：express.co.uk, Liverpoolfc
請按此登錄後留言。未成為會員? 立即註冊