【幾時先奪冠?】埃及領隊建議沙拿離開利物浦

利永遠不會毒行 於 23/11/2018 發表 收藏文章
沙拿喺利物浦都算係重心人物,而上季嘅表現更令到球隊殺入歐聯決賽(雖然輸咗)。而沙拿由羅馬加盟利物浦之後都未有拎過任何大賽冠軍(唔計英超亞洲挑戰賽),有見及此,埃及領隊Javier Aguirre就向傳媒透露,如果利物浦喺呢季無贏得任何錦標,佢建議沙拿離開喺未來一﹑兩季離開利物浦。
呢名現年26歲嘅球員喺上季佢為利物浦上陣52場,射入44球;今季上陣17場已經有8球進賑,無疑係利物浦嘅核心球員。而喺國家隊方面,岩岩過去嘅俄羅斯世界盃,佢帶領埃及28年後再次打入世界盃決賽周,更為球隊射入2球波。埃及人真係當佢係國家英雄咁制!

埃及領隊Javier Aguirre就相信,除非高普可以扭轉利物浦拎唔到聯賽錦標嘅形勢,如果唔係沙拿好大機會會因為想拎冠軍而轉去其他球會。而佢亦對當地傳媒ONSport提到高普對呢樣野心知肚明,所以佢好努力咁去爭標奪冠。
其實就個人黎講,沙拿呢2年都拎過唔少獎嘅,好似2017-18 FWA 以及PFA Player of the Year 以及贏咗C朗,拎2018 FIFA Puskas Award;但係足球係團體活動,講到球隊嘅錦標,沙拿就好似無咩緣份咁啦,自2012-13喺瑞超巴素爾拎過聯賽錦標後,之後就無捧過盃;雖然車路士喺14-15年嬴得英超冠軍,但其實沙拿上陣嘅機會少之又少,而果一季嘅二月,即係冬季轉會市場完之前沙拿就被借到費倫天拿,開始佢意甲嘅生涯。
對於一個有頂級球員黎講,有好勝心想贏錦標都係正常,所以如果利物浦想留人,真係要諗諗計,唔係錢嘅問題,而係爭標嘅決心有幾大。而今季黎講,利物浦係Carabao Cup已經出局;就歐聯小組賽睇,輸俾紅星之後出線機會亦都比較被動(更改:唔係被動,主導權仲係自己度),一定要贏先。
不過岩岩國際賽週完結,聽日一定會更好架你話係咪呀哈姆太朗?希望利物浦星期六對屈福特嘅作客賽事會「返黎啦」~



source:goal.com, FOX Sports

留言


請按此登錄後留言。未成為會員? 立即註冊
    快捷鍵:←
    快捷鍵:→