高普同羅渣士，一個利物浦現任教練﹑一個前度教練，前度同現任正常黎講就唔應該有關係，但呢兩個男人嘅關係就非常密切喎，點解呢？
話說高普就受到占士米拿邀請，為占士米拿明星隊擔任教練，而對手將會係由羅渣士領軍嘅柏杜夫明星隊，比賽於星期六些路迪主場Parkhead stadium舉行。呢場將會係一場慈善賽，而所有捐款將會分配俾Celtic FC Foundation，Stiliyan Petrov Foundation以及James Milner Foundation，協助一啲患有癌症嘅病人。
咁高普就拍咗條片，仲喺條片講到好期待同羅渣士見面，因為佢哋本身都有偈傾，話題都係圍繞住啲喉管問題﹑水電呀﹑游泳池等等。你以為佢兩個對電工好有興趣？錯啦，原來羅渣士係高普包租公，係2015年10月起，高普就租住係Formby嘅物業，而高普希望可以借今次機會，好好同阿房東先生溝通下喎，希望有幾件事可以得出結論喎。
https://www.youtube.com/watch?v=Kmt6MEWuNtM
講返場波先，占士米拿隊有咩人呢？
泰利（車路士）﹑馬高斯桑拿﹑卡迪維拿（前西班牙國腳）﹑夏格維斯（前雙曼中場）以及數位前利物浦球員
再睇下柏杜夫明星隊？
史岱哲哥夫（前保加利亞國腳）﹑文迪達（前西班牙國腳）以及軒歷拿臣（前些路迪前鋒）等等
不過對於呢場波個排陣呀﹑有咩預期呀，高普就咁答啦，
「其實對於領隊黎講呢，就真係好難做啲咩特別嘅準備，特別係球員嘅選擇上我又話唔到事。」
「不過呢場比賽一定會好精采嘅，而今次亦係我第一次去到Parkhead Stadium呢個球場，所以希望會係一場好玩嘅賽事。」
「今次呢隊波，係排陣上我應該無咩可以做到架啦，因為占士米拿係度嘛而佢係一個好有要求嘅人，所以佢都話我知佢想點踢架啦，好似係，嘻嘻。」
其賽羅渣士教利物浦果陣都同當時教緊多蒙特嘅高普交過手，不過都都好啦，呢場波係友誼之波，邊個贏邊個輸都唔係重點，重點係可以為有需要嘅人士籌錢嘛。呀，仲有，或者希望高普可以成功爭取減租？
source：independent.co.uk
話說高普就受到占士米拿邀請，為占士米拿明星隊擔任教練，而對手將會係由羅渣士領軍嘅柏杜夫明星隊，比賽於星期六些路迪主場Parkhead stadium舉行。呢場將會係一場慈善賽，而所有捐款將會分配俾Celtic FC Foundation，Stiliyan Petrov Foundation以及James Milner Foundation，協助一啲患有癌症嘅病人。
咁高普就拍咗條片，仲喺條片講到好期待同羅渣士見面，因為佢哋本身都有偈傾，話題都係圍繞住啲喉管問題﹑水電呀﹑游泳池等等。你以為佢兩個對電工好有興趣？錯啦，原來羅渣士係高普包租公，係2015年10月起，高普就租住係Formby嘅物業，而高普希望可以借今次機會，好好同阿房東先生溝通下喎，希望有幾件事可以得出結論喎。
https://www.youtube.com/watch?v=Kmt6MEWuNtM
講返場波先，占士米拿隊有咩人呢？
泰利（車路士）﹑馬高斯桑拿﹑卡迪維拿（前西班牙國腳）﹑夏格維斯（前雙曼中場）以及數位前利物浦球員
再睇下柏杜夫明星隊？
史岱哲哥夫（前保加利亞國腳）﹑文迪達（前西班牙國腳）以及軒歷拿臣（前些路迪前鋒）等等
不過對於呢場波個排陣呀﹑有咩預期呀，高普就咁答啦，
「其實對於領隊黎講呢，就真係好難做啲咩特別嘅準備，特別係球員嘅選擇上我又話唔到事。」
「不過呢場比賽一定會好精采嘅，而今次亦係我第一次去到Parkhead Stadium呢個球場，所以希望會係一場好玩嘅賽事。」
「今次呢隊波，係排陣上我應該無咩可以做到架啦，因為占士米拿係度嘛而佢係一個好有要求嘅人，所以佢都話我知佢想點踢架啦，好似係，嘻嘻。」
其賽羅渣士教利物浦果陣都同當時教緊多蒙特嘅高普交過手，不過都都好啦，呢場波係友誼之波，邊個贏邊個輸都唔係重點，重點係可以為有需要嘅人士籌錢嘛。呀，仲有，或者希望高普可以成功爭取減租？
source：independent.co.uk
請按此登錄後留言。未成為會員? 立即註冊