張伯倫係利物浦歐聯四強首回合賽事，主場對羅馬時受傷，開波15分鐘後因為同高拉洛夫一個碰撞倒地後受傷，佢倒地之後面露痛苦嘅表情，最後仲要由擔架抬走。真心，小妹睇到佢落地個樣果下都嚇到眼淚水都標埋出黎，每逢有鏡頭影住後備席都好想見到張伯倫可以出返黎睇波，好可惜最後都見唔到。
高普喺賽後都話，張伯倫雖然未做掃描檢查，但都心知情況不妙。而利物浦喺日前就張伯倫受傷一事發出官方聲明，內容就講到軍醫證實張伯倫膝頭韌帶受傷，將會缺陣餘季嘅賽事，以及無緣2018世界盃，而利物浦方面亦未有提到預計張伯倫要抖幾耐。相信今次嘅傷對張伯倫心理同身理上嘅打擊都好大，雖然話就話佢仲後生，4年後都係28歲，但今次佢傷嘅係韌帶，對於一個速度型球員黎講，真係唔講得笑，分分鐘廢武功咁滯。不過，軍醫都為張伯倫度身定做咗一系列康復計劃，希望佢可以喺下季英超開波前好返復出。
呢名24歲嘅英格蘭中場其實係4年前，2014年巴西世界盃都入選過23人大軍名單內，但好可惜係熱身時受膝傷困擾，所以當年佢就算喺大軍名單內，都未能為英軍上陣。四年後，佢喺利物浦越踢越好，雖然仲係有啲甩漏，但對比係之前真係有明顯嘅進步。當大家都認為佢會成為修夫基嘅俄羅斯世界盃大計中嘅重要一員時、或者佢自己都覺得終於有機會為國家隊正選上陣時，佢，又再受傷，仲要係大傷。
而利物浦方面，中場都傷兵累累，充滿隱憂。係高普4-3-3嘅陣式下，中場三個基本上無得換－除咗張伯倫，拉蘭拿同埋安尼簡都受傷，正選嘅話即係得返韋拿度姆、軒達臣同占士米拿。雖然歐聯首回合贏緊5：2，但留意返，後防自爆問題重現利物浦，輸2球作客入球呀，係2球呀！同埋睇返八強果陣羅馬點淘汰巴塞，歷史教識我哋唔好咁老定，利物浦喺次回合表現成點，都係入唔入到決賽嘅關鍵。
張伯倫喺自己ig就話，呢個重要時刻先黎傷真係好難受，不過雖然佢受咗傷，但係都會繼續支持隊友打好每一場比賽。佢都好多謝各界嘅關心，應承大家佢會盡快復出。佢亦提到對比起自己受嘅傷，佢認為當日對羅馬時利物浦球迷被襲呢件事係更糟糕！
張伯倫喺歐聯表現十分好，仲入過2球波，而英超方面，佢都為球隊帶黎3球進帳。雖然佢未必可以喺剩低嘅賽事上陣，但希望利物浦其他球員都要努力踢好每一場波，唔好辜負張生之前嘅付出（感性小小，暫時忘記佢派膠先）相信張伯倫見到隊友咁努力，心理上以及意志力上都會堅強啲，咁咪有機會快啲重返球場囉！
source：bbc sports，liverpoolfc
高普喺賽後都話，張伯倫雖然未做掃描檢查，但都心知情況不妙。而利物浦喺日前就張伯倫受傷一事發出官方聲明，內容就講到軍醫證實張伯倫膝頭韌帶受傷，將會缺陣餘季嘅賽事，以及無緣2018世界盃，而利物浦方面亦未有提到預計張伯倫要抖幾耐。相信今次嘅傷對張伯倫心理同身理上嘅打擊都好大，雖然話就話佢仲後生，4年後都係28歲，但今次佢傷嘅係韌帶，對於一個速度型球員黎講，真係唔講得笑，分分鐘廢武功咁滯。不過，軍醫都為張伯倫度身定做咗一系列康復計劃，希望佢可以喺下季英超開波前好返復出。
呢名24歲嘅英格蘭中場其實係4年前，2014年巴西世界盃都入選過23人大軍名單內，但好可惜係熱身時受膝傷困擾，所以當年佢就算喺大軍名單內，都未能為英軍上陣。四年後，佢喺利物浦越踢越好，雖然仲係有啲甩漏，但對比係之前真係有明顯嘅進步。當大家都認為佢會成為修夫基嘅俄羅斯世界盃大計中嘅重要一員時、或者佢自己都覺得終於有機會為國家隊正選上陣時，佢，又再受傷，仲要係大傷。
而利物浦方面，中場都傷兵累累，充滿隱憂。係高普4-3-3嘅陣式下，中場三個基本上無得換－除咗張伯倫，拉蘭拿同埋安尼簡都受傷，正選嘅話即係得返韋拿度姆、軒達臣同占士米拿。雖然歐聯首回合贏緊5：2，但留意返，後防自爆問題重現利物浦，輸2球作客入球呀，係2球呀！同埋睇返八強果陣羅馬點淘汰巴塞，歷史教識我哋唔好咁老定，利物浦喺次回合表現成點，都係入唔入到決賽嘅關鍵。
張伯倫喺自己ig就話，呢個重要時刻先黎傷真係好難受，不過雖然佢受咗傷，但係都會繼續支持隊友打好每一場比賽。佢都好多謝各界嘅關心，應承大家佢會盡快復出。佢亦提到對比起自己受嘅傷，佢認為當日對羅馬時利物浦球迷被襲呢件事係更糟糕！
張伯倫喺歐聯表現十分好，仲入過2球波，而英超方面，佢都為球隊帶黎3球進帳。雖然佢未必可以喺剩低嘅賽事上陣，但希望利物浦其他球員都要努力踢好每一場波，唔好辜負張生之前嘅付出（感性小小，暫時忘記佢派膠先）相信張伯倫見到隊友咁努力，心理上以及意志力上都會堅強啲，咁咪有機會快啲重返球場囉！
source：bbc sports，liverpoolfc
請按此登錄後留言。未成為會員? 立即註冊