有指, 本身利物浦都打算係一月份將青年軍活特本借去新特蘭半季, 但因為古天奴轉會巴塞隆拿一事而延後。
活特本係今季只係一隊上陣一次, 而果次仲要係聯賽盃係下半場後備上陣。 呢名18歲威爾斯國腳據說係因前國家隊領隊高爾文串針引線, 希望佢可以外借新特蘭, 增加係一隊嘅比賽經驗。而現任新特蘭領隊高爾文亦非常歡迎呢位後生仔, 仲話如果佢準備好, 就過黎啦! 呢位高爾文亦係上年九月, 決定俾活特本係一隊上陣, 最後活特本更係首場為國家隊後備上陣即刻入波, 帶領威爾斯1-0贏咗奧地利。英媒每日郵報指出, 古天奴離隊成為事實以及沙拿有傷在身都係令到活特本, 另外利物浦到而家都未買到人頂替古天奴 , 所以高普而家未必願意係一月放走活特本。高普將會暫時停止賣人計劃, 以及新特蘭正等候利物浦開綠燈放人。
所以呢, 活特本就被迫(都唔可以話迫嘅…)留係利物浦, 而足總盃對愛華頓果場波, 佢亦係一隊後備名單上面。雖然係一隊上陣機會寥寥無幾, 但係估計佢會隨隊星期六去杜拜集訓。因為係季前熱身賽及利物浦U19表現良好, 係國家隊更加有入球添! 外界一度稱活特本為新古天奴, 之不過過咗咁多事之後, 小妹估計大家都唔想用呢個名叫佢啦…
活特本係一個好有天份嘅小朋友, 但有天份還有天份, 後天嘅努力都好重要。由於球技未夠成熟, 一隊比賽經驗不足, 活特本仍需要不斷努力呢! 利物浦要爭英超前四以及歐聯, 每場波嘅勝負都係非常關鍵, 所以要高普俾活特本做正選, 的確係有一個風險係度。但如果佢去到新特蘭又唔同講法啦, 始終球隊水平同利物浦唔同, 加上以高爾文對活特本嘅了解, 今次呢個外借絕對會係一個呢名中場更上一層樓嘅機會。
但都講咗啦, 利物浦又要踢歐聯又要踢英超仲有足總盃同聯賽盃…體力消耗非常大, 加上高普輪換制度, 可用球員越多就一定越好, 而活特本本身又可以踢古天奴本身個位。所以高普咁樣決定都唔係無理嘅, 話唔定係高普底下, 加上人腳短缺問題, 佢都有機會發光發亮呢。
SOURCE: THISISANFIELD, dailymail
活特本係今季只係一隊上陣一次, 而果次仲要係聯賽盃係下半場後備上陣。 呢名18歲威爾斯國腳據說係因前國家隊領隊高爾文串針引線, 希望佢可以外借新特蘭, 增加係一隊嘅比賽經驗。而現任新特蘭領隊高爾文亦非常歡迎呢位後生仔, 仲話如果佢準備好, 就過黎啦! 呢位高爾文亦係上年九月, 決定俾活特本係一隊上陣, 最後活特本更係首場為國家隊後備上陣即刻入波, 帶領威爾斯1-0贏咗奧地利。英媒每日郵報指出, 古天奴離隊成為事實以及沙拿有傷在身都係令到活特本, 另外利物浦到而家都未買到人頂替古天奴 , 所以高普而家未必願意係一月放走活特本。高普將會暫時停止賣人計劃, 以及新特蘭正等候利物浦開綠燈放人。
所以呢, 活特本就被迫(都唔可以話迫嘅…)留係利物浦, 而足總盃對愛華頓果場波, 佢亦係一隊後備名單上面。雖然係一隊上陣機會寥寥無幾, 但係估計佢會隨隊星期六去杜拜集訓。因為係季前熱身賽及利物浦U19表現良好, 係國家隊更加有入球添! 外界一度稱活特本為新古天奴, 之不過過咗咁多事之後, 小妹估計大家都唔想用呢個名叫佢啦…
活特本係一個好有天份嘅小朋友, 但有天份還有天份, 後天嘅努力都好重要。由於球技未夠成熟, 一隊比賽經驗不足, 活特本仍需要不斷努力呢! 利物浦要爭英超前四以及歐聯, 每場波嘅勝負都係非常關鍵, 所以要高普俾活特本做正選, 的確係有一個風險係度。但如果佢去到新特蘭又唔同講法啦, 始終球隊水平同利物浦唔同, 加上以高爾文對活特本嘅了解, 今次呢個外借絕對會係一個呢名中場更上一層樓嘅機會。
但都講咗啦, 利物浦又要踢歐聯又要踢英超仲有足總盃同聯賽盃…體力消耗非常大, 加上高普輪換制度, 可用球員越多就一定越好, 而活特本本身又可以踢古天奴本身個位。所以高普咁樣決定都唔係無理嘅, 話唔定係高普底下, 加上人腳短缺問題, 佢都有機會發光發亮呢。
SOURCE: THISISANFIELD, dailymail
請按此登錄後留言。未成為會員? 立即註冊