利物浦憑住古天奴，路夫蘭，沙拿以及費明奴嘅入波，作客4-0贏咗般尼茅夫。而今場嘅最佳球員就係張伯倫，張伯倫終於有出頭嘅一日啦！
不過張伯倫除咗係場上有好表現外（其實小妹略嫌張生反應仲係有啲慢），今場嘅重點其實係賽後嘅訪問。事關賽後張伯倫同古天奴接受Sky Sports訪問，當古天奴被問到有幾想留係利物浦，英文本身唔好嘅古天奴就一面無奈地用官方答覆回答記者：
「無論你點問我我都係咁答架啦，我好享受係利物浦嘅時間，我好鐘踢波所以係球場上我都會盡全力比賽…」
睇到呢幕，企係古天奴身旁嘅張伯倫睇唔過眼，即刻搭住古天奴個膊頭，幫佢解圍：
https://www.youtube.com/watch?v=3_R-Ox-9h_I&app=desktop「古天奴而家係一位利物浦球員，而佢表現得非常好。」
「佢係我見過當中，其中一位最專業嘅球員，佢由季初到而家都為球隊出盡全力，係一名頂級球員。」
「佢為利物浦付出咁多而你問佢呢種問題。所以你問古天奴想唔想留係利物浦，對佢黎講係唔公平。」
張生為古仔解圍後，古仔終於笑了。
其實，經過夏季轉會市場一役之後，雖然古天奴到最後都走唔到去巴塞，但係大家都知道，拉丁球員對巴塞隆拿果種仰慕，一定會令到走唔到嘅古天奴有啲遺憾。適逢一月轉會市場又開始，記者朋友又要炒返起啲新聞去做啦，學高普話，某啲記者朋友理得你感受呀？最緊要有讀者睇。
講到呢度，又一定會有人提出質疑：
「喂如果你真係唔想走，咪出聲囉。」
咁其實轉會事宜不嬲都應該由經理人去處理，古天奴經歷過上次一役之後，都知道亂講野會得罪球迷。用返佢角度諗，而家又唔係扭計要走踢得唔好，佢真係場場都俾足100% 去踢，相信球迷們都會認為古天奴表現非常有說服力。
只不過，人各有志，古天奴如果心繫巴塞，都唔會想巴塞放棄對佢嘅收購。係夏季轉會市場時，大家(甚至巴塞，前利物浦球員蘇亞雷斯) 都認為佢應該踢多利物浦一季先再作出決定，而家佢係利物浦發揮唔錯，係英超入咗五球波加五個助攻，唔差呀。小妹估計，古天奴只係想Keep住巴塞(或其他球隊) 對佢嘅興趣，打工仔心態或者港女收兵心態，你明嘅。
之不過，西班牙傳媒Diario Gol 就話巴塞隆拿將會放棄對古天奴嘅收購計劃。咁主要就有兩個原因:1)利物浦開價太貴同埋2)歐聯已開波。
有傳利物浦係夏季轉會市場時將古天奴曾開天價£166m，擺到明就係見到巴塞賣尼馬後賺咗一筆，打算從中獲利。而係一月轉會市場中，利物浦有意將開價下調至約£123m，但去到一月，正如以上所講，古天奴已經為利物浦係歐聯上陣，就算佢轉會巴塞後，都唔可以踢歐聯賽事。加上西甲都只剩返半季，巴塞方面認為呢價錢唔值呀。
唔好咁開心住，佢亦有講到巴塞如果肯用沙治羅拔圖再加錢，高普有機會肯放古天奴走。高普亦對古天奴嘅去向表示要過多幾個星期或者月先會知。講到咁... 唔通?本身小妹想上下skybet睇下而家個古天奴轉會走勢如何, 但無奈公司唔鼓勵大家賭博, 所以網頁被block... 不過唔緊要，好快就到一月，好快就知結果。
source: the guardian, express.co.uk, laliga transfer news, empireofthekop
不過張伯倫除咗係場上有好表現外（其實小妹略嫌張生反應仲係有啲慢），今場嘅重點其實係賽後嘅訪問。事關賽後張伯倫同古天奴接受Sky Sports訪問，當古天奴被問到有幾想留係利物浦，英文本身唔好嘅古天奴就一面無奈地用官方答覆回答記者：
「無論你點問我我都係咁答架啦，我好享受係利物浦嘅時間，我好鐘踢波所以係球場上我都會盡全力比賽…」
睇到呢幕，企係古天奴身旁嘅張伯倫睇唔過眼，即刻搭住古天奴個膊頭，幫佢解圍：
https://www.youtube.com/watch?v=3_R-Ox-9h_I&app=desktop「古天奴而家係一位利物浦球員，而佢表現得非常好。」
「佢係我見過當中，其中一位最專業嘅球員，佢由季初到而家都為球隊出盡全力，係一名頂級球員。」
「佢為利物浦付出咁多而你問佢呢種問題。所以你問古天奴想唔想留係利物浦，對佢黎講係唔公平。」
張生為古仔解圍後，古仔終於笑了。
其實，經過夏季轉會市場一役之後，雖然古天奴到最後都走唔到去巴塞，但係大家都知道，拉丁球員對巴塞隆拿果種仰慕，一定會令到走唔到嘅古天奴有啲遺憾。適逢一月轉會市場又開始，記者朋友又要炒返起啲新聞去做啦，學高普話，某啲記者朋友理得你感受呀？最緊要有讀者睇。
講到呢度，又一定會有人提出質疑：
「喂如果你真係唔想走，咪出聲囉。」
咁其實轉會事宜不嬲都應該由經理人去處理，古天奴經歷過上次一役之後，都知道亂講野會得罪球迷。用返佢角度諗，而家又唔係扭計要走踢得唔好，佢真係場場都俾足100% 去踢，相信球迷們都會認為古天奴表現非常有說服力。
只不過，人各有志，古天奴如果心繫巴塞，都唔會想巴塞放棄對佢嘅收購。係夏季轉會市場時，大家(甚至巴塞，前利物浦球員蘇亞雷斯) 都認為佢應該踢多利物浦一季先再作出決定，而家佢係利物浦發揮唔錯，係英超入咗五球波加五個助攻，唔差呀。小妹估計，古天奴只係想Keep住巴塞(或其他球隊) 對佢嘅興趣，打工仔心態或者港女收兵心態，你明嘅。
之不過，西班牙傳媒Diario Gol 就話巴塞隆拿將會放棄對古天奴嘅收購計劃。咁主要就有兩個原因:1)利物浦開價太貴同埋2)歐聯已開波。
有傳利物浦係夏季轉會市場時將古天奴曾開天價£166m，擺到明就係見到巴塞賣尼馬後賺咗一筆，打算從中獲利。而係一月轉會市場中，利物浦有意將開價下調至約£123m，但去到一月，正如以上所講，古天奴已經為利物浦係歐聯上陣，就算佢轉會巴塞後，都唔可以踢歐聯賽事。加上西甲都只剩返半季，巴塞方面認為呢價錢唔值呀。
唔好咁開心住，佢亦有講到巴塞如果肯用沙治羅拔圖再加錢，高普有機會肯放古天奴走。高普亦對古天奴嘅去向表示要過多幾個星期或者月先會知。講到咁... 唔通?本身小妹想上下skybet睇下而家個古天奴轉會走勢如何, 但無奈公司唔鼓勵大家賭博, 所以網頁被block... 不過唔緊要，好快就到一月，好快就知結果。
source: the guardian, express.co.uk, laliga transfer news, empireofthekop
請按此登錄後留言。未成為會員? 立即註冊