由9月初國際賽周完結返嚟喺英超對曼城果場比賽開始計起，利物浦喺9月份各項賽事只係取得1勝3和2負，6場比賽總共攻入7球，失咗13球，唔少人都將球隊成績唔好嘅責任，歸咎於防線兩舊雲 (卡拉雲、路夫蘭) 輪流「自爆」身上，令到球隊同球迷，一係就輸到暈，一係就睇到暈；亦有球迷選擇怨恨米奴列同卡里奧斯兩位門將未夠班，屢犯低級失誤；又或者將防線多漏洞嘅問題，指向球隊無一位純防守中場作為第一道屏障身上。以上嘅講法，小編基本上全部都認同，畢竟輸波永遠都唔會只係一個人嘅問題 (睇嚟小編應該轉行做PR)，既然係咁，點解大部份嘅講法，都係指摘球隊中後場嘅球員，唔通攻擊球員就真係一啲責任都無？英格蘭第一位黑人隊長、亦都係少數曾經分別效力過曼聯同利物浦兩間宿敵球會嘅恩斯 (Paul Ince) 就話：「所有人都將矛頭指向利物浦嘅防守，但大家似乎忘記咗球隊喺好多嘅比賽入面，其實都創造到大量明顯嘅入球機會，但佢哋始終都把握唔到。」
“Everyone is banging on about Liverpool’s defence ... but what people seem to forget is that is that in most games they have loads of chances – and good, clearcut chances – which they aren’t putting away.”
「佢哋運個波上前，組織進攻方面做得好出色，但依家嘅情況係，如果班前鋒把握唔到呢啲機會，等同親身將壓力放喺防線上面嘅5、6位球員身上。」
“They’re brilliant going forward and, the thing is, if his forwards don’t take those chances they put pressure on the back five or six.”
恩斯亦都有舉出例證：「假如佢哋今季可以把握到更多入波機會，包括歐聯同莫斯科斯巴達打成1比1果場比賽，其實係好可能贏3比0或者4比0，假如佢哋嘅門前把握力好啲，無人會再抱怨佢哋嘅防守問題。」
“If they’d have taken a few more of those chances this season – including against Spartak in the Champions League where they drew 1-1 – the game would’ve finished three or 4-0. And if they’d been better in front of goal, no one would be moaning about their defence.”
其實唔只莫斯科斯巴達果場比賽，對西維爾果場亦都係一樣，球隊喺形勢佔優之下早早就「反cup」領先2比1，上半場完場前仲要獲得一個十二碼機會，可惜「廢明奴」好射唔射，走去射柱，學恩斯話齋，把握力好啲，早早拋開3比1，結局可能就會好唔一樣。其實費明奴喺今季季初球隊缺少古天奴同拉蘭拿兩位創造型中場嘅時候，可以話喺前場孭晒飛，而且狀態同表現都唔錯，好多時都能夠交出致命傳送，8月份佢踢咗5場比賽，總共交出3個入波同3次助攻，但嚟到9月份，古仔一復出，費明奴喺9月份有份落場嘅5場比賽入面，只係對西維爾嘅時候入咗一球，零助攻，最近幾場，簡直就好似隱咗形一樣，唔係見到佢錯失啲黃金入球機會，都唔記得原來佢有份踢緊，上季以嚟，大家一直講古仔同費明奴呢對巴西孖寶點有默契點合拍法 (其實都只係某位「大哥」級評述員場場都講，搞到個個都以為係姐)，呢個講法睇嚟今季真係要戒喇！上場歐聯對莫斯科斯巴達，「古埃及文明」進攻組合，首次齊齊正選上陣，賽果雖然唔多理想，但其實球隊喺進攻方面尚算流暢，除咗把握力問題，真係無咩可以投訴，最終1比1，都只係因為輸咗個罰球，呢球波卡仔其實真係可以做得好啲嘅，但一個門將成日做後備，你仲想要求佢做啲咩者？
講番「古埃及文明」，費明奴近期隱形頭先講咗，沙拿受到各界吹捧，仲做埋球隊選出嘅8月份最佳球員，但好老實講，佢啲把握力我就真係不敢恭維嘞，小編依然認為沙拿嘅踢法並唔適合英超嘅比賽，特別係面對對手龜縮鐵桶踢法嘅時候，始終沙拿係屬於爆破型球員，而唔係盤扭技術出色之輩，無空位的話，基本上係完全無發揮空間，相反，歐戰就會相當適合沙拿發揮所長，但假如入一球波，需要5至6次機會先把握得到的話，長遠嚟講依然係難當大任。
至於古仔同埋文尼，評心而論 (小編承認對沙拿嘅要求係比較高，恨鐵不成鋼呀！)，古天奴嘅狀態係一場好過一場，夏天嘅轉會風波，可以話係暫告一段落，以後嘅事以後再算喇，大家有眼見到古天奴落到場，依然全心全意，依舊專注，唔開心嘅嘢就忘記佢喇！同樣地，文尼嘅表現亦都係無咩可以挑剔，睇佢踢波，每場都係咁熱血，拼命三郎嘅程度絕不下於占士米拿。嚟緊拉蘭拿亦都接近傷癒復出，中前場可以有多一個選舉，唔知高普到時又會唔會選擇將古天奴、拉蘭拿、文尼、沙拿、費明奴5個一齊放落場呢？呢個組合，大家又點睇？
“Everyone is banging on about Liverpool’s defence ... but what people seem to forget is that is that in most games they have loads of chances – and good, clearcut chances – which they aren’t putting away.”
「佢哋運個波上前，組織進攻方面做得好出色，但依家嘅情況係，如果班前鋒把握唔到呢啲機會，等同親身將壓力放喺防線上面嘅5、6位球員身上。」
“They’re brilliant going forward and, the thing is, if his forwards don’t take those chances they put pressure on the back five or six.”
恩斯亦都有舉出例證：「假如佢哋今季可以把握到更多入波機會，包括歐聯同莫斯科斯巴達打成1比1果場比賽，其實係好可能贏3比0或者4比0，假如佢哋嘅門前把握力好啲，無人會再抱怨佢哋嘅防守問題。」
“If they’d have taken a few more of those chances this season – including against Spartak in the Champions League where they drew 1-1 – the game would’ve finished three or 4-0. And if they’d been better in front of goal, no one would be moaning about their defence.”
其實唔只莫斯科斯巴達果場比賽，對西維爾果場亦都係一樣，球隊喺形勢佔優之下早早就「反cup」領先2比1，上半場完場前仲要獲得一個十二碼機會，可惜「廢明奴」好射唔射，走去射柱，學恩斯話齋，把握力好啲，早早拋開3比1，結局可能就會好唔一樣。其實費明奴喺今季季初球隊缺少古天奴同拉蘭拿兩位創造型中場嘅時候，可以話喺前場孭晒飛，而且狀態同表現都唔錯，好多時都能夠交出致命傳送，8月份佢踢咗5場比賽，總共交出3個入波同3次助攻，但嚟到9月份，古仔一復出，費明奴喺9月份有份落場嘅5場比賽入面，只係對西維爾嘅時候入咗一球，零助攻，最近幾場，簡直就好似隱咗形一樣，唔係見到佢錯失啲黃金入球機會，都唔記得原來佢有份踢緊，上季以嚟，大家一直講古仔同費明奴呢對巴西孖寶點有默契點合拍法 (其實都只係某位「大哥」級評述員場場都講，搞到個個都以為係姐)，呢個講法睇嚟今季真係要戒喇！上場歐聯對莫斯科斯巴達，「古埃及文明」進攻組合，首次齊齊正選上陣，賽果雖然唔多理想，但其實球隊喺進攻方面尚算流暢，除咗把握力問題，真係無咩可以投訴，最終1比1，都只係因為輸咗個罰球，呢球波卡仔其實真係可以做得好啲嘅，但一個門將成日做後備，你仲想要求佢做啲咩者？
講番「古埃及文明」，費明奴近期隱形頭先講咗，沙拿受到各界吹捧，仲做埋球隊選出嘅8月份最佳球員，但好老實講，佢啲把握力我就真係不敢恭維嘞，小編依然認為沙拿嘅踢法並唔適合英超嘅比賽，特別係面對對手龜縮鐵桶踢法嘅時候，始終沙拿係屬於爆破型球員，而唔係盤扭技術出色之輩，無空位的話，基本上係完全無發揮空間，相反，歐戰就會相當適合沙拿發揮所長，但假如入一球波，需要5至6次機會先把握得到的話，長遠嚟講依然係難當大任。
至於古仔同埋文尼，評心而論 (小編承認對沙拿嘅要求係比較高，恨鐵不成鋼呀！)，古天奴嘅狀態係一場好過一場，夏天嘅轉會風波，可以話係暫告一段落，以後嘅事以後再算喇，大家有眼見到古天奴落到場，依然全心全意，依舊專注，唔開心嘅嘢就忘記佢喇！同樣地，文尼嘅表現亦都係無咩可以挑剔，睇佢踢波，每場都係咁熱血，拼命三郎嘅程度絕不下於占士米拿。嚟緊拉蘭拿亦都接近傷癒復出，中前場可以有多一個選舉，唔知高普到時又會唔會選擇將古天奴、拉蘭拿、文尼、沙拿、費明奴5個一齊放落場呢？呢個組合，大家又點睇？
請按此登錄後留言。未成為會員? 立即註冊