尋晚利物浦作客贏咗賀芬咸2：1，相信最囑目一定係#66阿歷山大阿諾-入波係佢、失波都關佢事。因為佳尼背傷，呢位18歲嘅利物浦青訓球員係歐聯附加賽正選上陣，仲要第一場歐聯上陣就有波入。
35分鐘，利物浦獲得一個自由球機會並由阿諾操刀，快而準。
74分鐘，後備上陣嘅占士米拿一個出波（定射波），造就左對方洛特維迪嘅烏龍波，將利物浦優勢擴闊到2：0。可惜係87分鐘，阿諾一個舉手防守，掛住舉手唔追烏治波，令到利物浦被 追返一球。（講笑咁講，阿諾可能打開籃球，籃球defense 要舉手架嘛！事實就係路夫蘭包左個越位佢唔知姐…18歲仔係少啲經驗。）
利物浦作客入到兩球波，算交到功課啦。而今場亦要讚下米奴列，係11分鐘路夫蘭係禁區落腳，令到賀芬咸獲得一個12碼嘅機會。唔知係人地踢得差定米仔勁呢？米奴列捉到路，成功救出由卡拉馬歷主射嘅12碼，「12碼專家」呢個名真係唔係浪得虛名呀！賽後，高普就提到阿歷山大阿諾仍然係學習階段，佢對於能力內做到嘅野都好有興趣。
「我必須要咁講，以一名18歲仔黎講，佢係一個出色嘅年輕球員，係我叫佢射自由球嘅，我亦都同佢講你係隊中唯一一個可以做到嘅球員。佢射自由球嘅腳法比起我…仲要射得更好。」
「我睇過佢多次係U23嘅表現，佢射自由球及罰球嘅技巧同樣出色。」
而阿諾係訪問中承認自己好開心，
「為自己球會係歐洲賽上陣，真係夢想成真呀！特別係我入咗一球波，件事變得更特別！而更重要嘅係，球隊贏左波。」
「老實講，我都算係被慫恿去踢呢球波嘅。最初我真係無諗過射特架，但我有信心，最後亦入到波。」
雖然之後因為阿諾失誤而輸返球波，但高普仍然係開心嘅 。
「就算最後賽果係8－7，我哋都係贏，所以我對賽果滿意。賀芬咸入波我係唔高興架，但係佢哋呢90分鐘嘅表現係值得入波。」
講得阿諾，小妹緊係會有私心講多啲佢啦！其實早係上年對列斯聯果場，小妹已經深深愛上咗佢，亦有出文介紹佢。不過可能當年只係後備上陣，大家都唔會點為意呢位後生仔。而且，果陣入波嘅係活特本，所以焦點都係佢身上。不過唔緊要，小妹就再講一次唷～
話說，八年前利物浦對列斯聯，阿歷山大阿諾都在場架，不過，佢唔係看台上既觀眾，亦唔係球場上既球員，不過，佢唔係看台上既觀眾，亦唔係球場上既球員，而係裝扮成吉祥物企係當時加歷查既身邊。
好可愛呀😕～
呢個利物浦既青訓出品既球員，六歲就入左利物浦足球學校，做過利物浦青年軍U16同U18既隊長， 係上場英超，球迷都大讚阿諾出波角球開得好，但其實早係上年2016年對列斯聯果場，阿諾就出左球靚波俾奧歷治，奧歷治輕鬆一poke入波！外媒更加形容呢球出波可以媲美咸爺既招牌－Beckham-esque cross。
係球場上，佢最好嘅朋友一定係活特本，佢哋係利物浦青訓度認識，一齊成長，睇返利物浦去香港果陣，佢兩個都糖痴豆咁樣，有活特本嘅地方就一定有阿諾，有阿諾就一定有活特本。所以傳媒係球場外影到嘅相多數都係佢兩個一齊。而佢兩個都踢唔同嘅位，唔存在爭位之嫌，不過之前阿諾都打過中場嘅，佢兩個一齊上一隊，大家互相鼓勵，呢啲係咪叫「巴打」囉。
係足球場外，阿諾亦有係一個好男朋友，同靚女女朋友Emma Vian間唔中都會喺ig post下相曬下sweet～
呢位18歲嘅野心都唔細，佢曾係訪問中揚言自己除非佢做到利物浦隊長帶領紅軍，否則佢唔會滿足於現狀。佢好開心入到波，但佢更加想跟隨自己偶像謝拉特嘅腳步，戴上隊長臂章。佢亦深明要留係場上嘅唯一辦法就係不斷進步，睇住呢位後生仔由青訓、後備席一步步咁向上爬，努力去捉緊每個機會，真係好感動。小妹希望佢係高普嘅教導下，唔好因為入波被吹奏而驕傲，唔好只係掛住上前出波入波，要記得返後防守，做一個稱職嘅右閘。其實佢仲細，經驗唔夠之餘技術都要繼續提升，小妹就係因為太鐘意佢，先想佢踢得更好。❤
＊阿歷山大阿諾係今季開始，波衫上個名會由“ALEXANDER"改為"ALEXANDER-ARNOLD"。
35分鐘，利物浦獲得一個自由球機會並由阿諾操刀，快而準。
74分鐘，後備上陣嘅占士米拿一個出波（定射波），造就左對方洛特維迪嘅烏龍波，將利物浦優勢擴闊到2：0。可惜係87分鐘，阿諾一個舉手防守，掛住舉手唔追烏治波，令到利物浦被 追返一球。（講笑咁講，阿諾可能打開籃球，籃球defense 要舉手架嘛！事實就係路夫蘭包左個越位佢唔知姐…18歲仔係少啲經驗。）
利物浦作客入到兩球波，算交到功課啦。而今場亦要讚下米奴列，係11分鐘路夫蘭係禁區落腳，令到賀芬咸獲得一個12碼嘅機會。唔知係人地踢得差定米仔勁呢？米奴列捉到路，成功救出由卡拉馬歷主射嘅12碼，「12碼專家」呢個名真係唔係浪得虛名呀！賽後，高普就提到阿歷山大阿諾仍然係學習階段，佢對於能力內做到嘅野都好有興趣。
「我必須要咁講，以一名18歲仔黎講，佢係一個出色嘅年輕球員，係我叫佢射自由球嘅，我亦都同佢講你係隊中唯一一個可以做到嘅球員。佢射自由球嘅腳法比起我…仲要射得更好。」
「我睇過佢多次係U23嘅表現，佢射自由球及罰球嘅技巧同樣出色。」
而阿諾係訪問中承認自己好開心，
「為自己球會係歐洲賽上陣，真係夢想成真呀！特別係我入咗一球波，件事變得更特別！而更重要嘅係，球隊贏左波。」
「老實講，我都算係被慫恿去踢呢球波嘅。最初我真係無諗過射特架，但我有信心，最後亦入到波。」
雖然之後因為阿諾失誤而輸返球波，但高普仍然係開心嘅 。
「就算最後賽果係8－7，我哋都係贏，所以我對賽果滿意。賀芬咸入波我係唔高興架，但係佢哋呢90分鐘嘅表現係值得入波。」
講得阿諾，小妹緊係會有私心講多啲佢啦！其實早係上年對列斯聯果場，小妹已經深深愛上咗佢，亦有出文介紹佢。不過可能當年只係後備上陣，大家都唔會點為意呢位後生仔。而且，果陣入波嘅係活特本，所以焦點都係佢身上。不過唔緊要，小妹就再講一次唷～
話說，八年前利物浦對列斯聯，阿歷山大阿諾都在場架，不過，佢唔係看台上既觀眾，亦唔係球場上既球員，不過，佢唔係看台上既觀眾，亦唔係球場上既球員，而係裝扮成吉祥物企係當時加歷查既身邊。
好可愛呀😕～
呢個利物浦既青訓出品既球員，六歲就入左利物浦足球學校，做過利物浦青年軍U16同U18既隊長， 係上場英超，球迷都大讚阿諾出波角球開得好，但其實早係上年2016年對列斯聯果場，阿諾就出左球靚波俾奧歷治，奧歷治輕鬆一poke入波！外媒更加形容呢球出波可以媲美咸爺既招牌－Beckham-esque cross。
係球場上，佢最好嘅朋友一定係活特本，佢哋係利物浦青訓度認識，一齊成長，睇返利物浦去香港果陣，佢兩個都糖痴豆咁樣，有活特本嘅地方就一定有阿諾，有阿諾就一定有活特本。所以傳媒係球場外影到嘅相多數都係佢兩個一齊。而佢兩個都踢唔同嘅位，唔存在爭位之嫌，不過之前阿諾都打過中場嘅，佢兩個一齊上一隊，大家互相鼓勵，呢啲係咪叫「巴打」囉。
係足球場外，阿諾亦有係一個好男朋友，同靚女女朋友Emma Vian間唔中都會喺ig post下相曬下sweet～
呢位18歲嘅野心都唔細，佢曾係訪問中揚言自己除非佢做到利物浦隊長帶領紅軍，否則佢唔會滿足於現狀。佢好開心入到波，但佢更加想跟隨自己偶像謝拉特嘅腳步，戴上隊長臂章。佢亦深明要留係場上嘅唯一辦法就係不斷進步，睇住呢位後生仔由青訓、後備席一步步咁向上爬，努力去捉緊每個機會，真係好感動。小妹希望佢係高普嘅教導下，唔好因為入波被吹奏而驕傲，唔好只係掛住上前出波入波，要記得返後防守，做一個稱職嘅右閘。其實佢仲細，經驗唔夠之餘技術都要繼續提升，小妹就係因為太鐘意佢，先想佢踢得更好。❤
＊阿歷山大阿諾係今季開始，波衫上個名會由“ALEXANDER"改為"ALEXANDER-ARNOLD"。
請按此登錄後留言。未成為會員? 立即註冊