小妹今日想講嘅係香港足球香港球迷。
平時大家睇波一係去酒吧，一係去朋友屋企，一係毒_自己一個睇。夏日熱辣辣，緊係要涼住冷氣，飲住啤酒／汽水去睇啦！話說今日34度酷熱天氣警告，小妹行落街買個麥記都溶妝啦！ 但偏偏尋晚就有班香港人，離開有冷氣嘅地方，去個又熱又焗既地方，你聞住我我又聞住你嘅臭汗足足90分鐘喎，呀唔好意思，仲有飲水break同加時，多過90分鐘呀！
老老竇竇，小妹都係係2015年香港對中國之後先開始留意香港波，年資唔算深。但就因為果一場波，對於港隊，都有一番體會。當年，小妹因為香港兩個字，知道主隊香港係紅色，所以著左件利物浦波衫入場。場外係有香港打氣衫賣呀，但係好快就賣晒（定無size呢？），不過唔緊要，入到去，大家都著住唔同球隊，但都係紅色衫去撐港隊－阿仙奴、利物浦、曼聯…咩都有。我諗就只有呢個時間，英超宿敵球隊會齊心咁著住自己愛隊嘅球衣去為另一隊波打氣。好記得好記得
未開場前，大家都會有口號－「we are hong kong」，播住周國賢首「黃金入球」，仲有官方打氣歌Supper Moment嘅「come on Hong Kong」，係幾熱血。開波後，大家都「香港」又或者球員名，成為球隊第十三人。果種感覺好難形容，即係成大班人有同一個目標去做一件事，就算係幾無聊都好，你都會覺得好開心。
尋日係旺角場睇波時，聽到後面果個用英文大嗌：「麥基，come back！」「麥基，pressure！」「麥基，fight for Hong Kong！」即係咁，係香港睇波，唔少得嘅緊係廣東話粗口，最後當然唔少得「dllm 麥基識唔識踢波架…」嘩果種親切感真係，小妹相信場上嘅佢係聽到架！ 最具本港特色嘅緊係見到球證錯判、對方球員侵犯港隊球員時，大家係現場一齊「d...」！果下震撼感呢…
（唔好意思手震左）
小妹亦發現入場人士多左好多年輕人，除左固有球迷會等等，好多人都會約埋一班friend去撐場，你以為佢地去hea時間？佢識晒港隊班球員！仲會google translate埋約旦文係有需要時候使用！可能你會話，年輕就係有衝勁。但唔係架，係尋日對約旦嘅友賽，有好多白領人士， 你睇白領一放工衫都唔換，見住佢地裇衫濕到底衫，唔知底褲有無濕埋呢？再講，佢地gel個頭都塌晒呀（睇怕佢都無用hair jam，一係學下丙朗，一場波用成支hair spray囉！）港隊炸糊果球，真係嗌得大聲過自己team跑數第一果陣時呀！我明，我真係明，係愛呀哈利！
咁又唔單只一場波有啲咁嘅情況出現，係之前假日嘅比賽，令小妹覺得感動嘅係，一班已為父親嘅男人帶住自己嘅仔女，著住波衫一齊睇波！小朋友緊係唔多明足球，個老豆就耐心地解釋，之後成班男人因為有小朋友在場唔講（或者講少左）粗口，個頂字出到口都即刻㩒住自己，果種承傳感覺真係好溫馨。小妹知...呢啲野係外國比賽見慣不怪，但呢度係香港呀，屬於自己嘅香港，香港足球發展而家咩情況大家都知，南華都自願降班...（link）但係唔通真係睇住佢死咩？唔好成日話香港屎波啦，屎波又點？有人支持就會踢得好。唔好剩係講港隊，港超聯都一樣，如果入場睇波可以成為一個屋企嘅家庭活動，又或者一大班朋友傾計：「喂！做咩好呀今個星期？」有人會答：「不如去睇港超聯囉！」最緊要係咩？要知道同相信香港運動員唔係垃圾！仲有唔好再話香港球迷無創意！一句「We are Hong Kong」、「香港勁揪」、「撐自己人」其實已經意義重大，包含住香港人對球隊嘅支持同愛戴。香港球隊或者足總真係做左好多野，又有主題曲又有做左好多宣傳，球迷更自己出錢去整旗等打氣用品去為球隊打氣！就係多謝香港仲有呢班人，一班唔想香港足球死嘅人，繼續成為港隊嘅後盾。港隊未必係最強嘅球隊，但佢地一定會奮鬥到最後一刻。
所以小妹希望未入過場睇香港波嘅你，試下入場，同大家一齊撐下港隊。機會黎啦飛雲，下星期三會有香港對北韓嘅比賽！希望到時小妹會見到大家啦！
平時大家睇波一係去酒吧，一係去朋友屋企，一係毒_自己一個睇。夏日熱辣辣，緊係要涼住冷氣，飲住啤酒／汽水去睇啦！話說今日34度酷熱天氣警告，小妹行落街買個麥記都溶妝啦！ 但偏偏尋晚就有班香港人，離開有冷氣嘅地方，去個又熱又焗既地方，你聞住我我又聞住你嘅臭汗足足90分鐘喎，呀唔好意思，仲有飲水break同加時，多過90分鐘呀！
老老竇竇，小妹都係係2015年香港對中國之後先開始留意香港波，年資唔算深。但就因為果一場波，對於港隊，都有一番體會。當年，小妹因為香港兩個字，知道主隊香港係紅色，所以著左件利物浦波衫入場。場外係有香港打氣衫賣呀，但係好快就賣晒（定無size呢？），不過唔緊要，入到去，大家都著住唔同球隊，但都係紅色衫去撐港隊－阿仙奴、利物浦、曼聯…咩都有。我諗就只有呢個時間，英超宿敵球隊會齊心咁著住自己愛隊嘅球衣去為另一隊波打氣。好記得好記得
未開場前，大家都會有口號－「we are hong kong」，播住周國賢首「黃金入球」，仲有官方打氣歌Supper Moment嘅「come on Hong Kong」，係幾熱血。開波後，大家都「香港」又或者球員名，成為球隊第十三人。果種感覺好難形容，即係成大班人有同一個目標去做一件事，就算係幾無聊都好，你都會覺得好開心。
尋日係旺角場睇波時，聽到後面果個用英文大嗌：「麥基，come back！」「麥基，pressure！」「麥基，fight for Hong Kong！」即係咁，係香港睇波，唔少得嘅緊係廣東話粗口，最後當然唔少得「dllm 麥基識唔識踢波架…」嘩果種親切感真係，小妹相信場上嘅佢係聽到架！ 最具本港特色嘅緊係見到球證錯判、對方球員侵犯港隊球員時，大家係現場一齊「d...」！果下震撼感呢…
（唔好意思手震左）
小妹亦發現入場人士多左好多年輕人，除左固有球迷會等等，好多人都會約埋一班friend去撐場，你以為佢地去hea時間？佢識晒港隊班球員！仲會google translate埋約旦文係有需要時候使用！可能你會話，年輕就係有衝勁。但唔係架，係尋日對約旦嘅友賽，有好多白領人士， 你睇白領一放工衫都唔換，見住佢地裇衫濕到底衫，唔知底褲有無濕埋呢？再講，佢地gel個頭都塌晒呀（睇怕佢都無用hair jam，一係學下丙朗，一場波用成支hair spray囉！）港隊炸糊果球，真係嗌得大聲過自己team跑數第一果陣時呀！我明，我真係明，係愛呀哈利！
咁又唔單只一場波有啲咁嘅情況出現，係之前假日嘅比賽，令小妹覺得感動嘅係，一班已為父親嘅男人帶住自己嘅仔女，著住波衫一齊睇波！小朋友緊係唔多明足球，個老豆就耐心地解釋，之後成班男人因為有小朋友在場唔講（或者講少左）粗口，個頂字出到口都即刻㩒住自己，果種承傳感覺真係好溫馨。小妹知...呢啲野係外國比賽見慣不怪，但呢度係香港呀，屬於自己嘅香港，香港足球發展而家咩情況大家都知，南華都自願降班...（link）但係唔通真係睇住佢死咩？唔好成日話香港屎波啦，屎波又點？有人支持就會踢得好。唔好剩係講港隊，港超聯都一樣，如果入場睇波可以成為一個屋企嘅家庭活動，又或者一大班朋友傾計：「喂！做咩好呀今個星期？」有人會答：「不如去睇港超聯囉！」最緊要係咩？要知道同相信香港運動員唔係垃圾！仲有唔好再話香港球迷無創意！一句「We are Hong Kong」、「香港勁揪」、「撐自己人」其實已經意義重大，包含住香港人對球隊嘅支持同愛戴。香港球隊或者足總真係做左好多野，又有主題曲又有做左好多宣傳，球迷更自己出錢去整旗等打氣用品去為球隊打氣！就係多謝香港仲有呢班人，一班唔想香港足球死嘅人，繼續成為港隊嘅後盾。港隊未必係最強嘅球隊，但佢地一定會奮鬥到最後一刻。
所以小妹希望未入過場睇香港波嘅你，試下入場，同大家一齊撐下港隊。機會黎啦飛雲，下星期三會有香港對北韓嘅比賽！希望到時小妹會見到大家啦！
請按此登錄後留言。未成為會員? 立即註冊