【曼聯名宿】球迷聯署要求剝奪奧雲利物浦大使之名

利永遠不會毒行 於 26/05/2017 發表 收藏文章
相信對90後利迷黎講,奧雲仔真係當初愛上利物浦嘅其中一個原因。當年小妹真係癲到會儲poster,波衫,買寫真(當年仲要去九龍錶行買)。但時光總不留人,到佢變左奧雲佬,轉會去曼聯,加上最近係歐霸決賽前嘅訪問用「we(我們)」去稱曼聯,真係心都碎晒。

即係咁,做人,就唔好忘本。

此舉激嬲左唔少球迷,佢地都聯署要將奧雲剔除出去官方球會大使名單。
引用身為利物浦球會國際大使嘅米高奧雲做左一個不恰當/對利物浦有恥辱嘅舉動,所以佢應該立即剝奪佢呢個職位。當時任命奧雲做呢個位置嘅人應該重新審視自己當初呢個決定,佢公開支持公認對手(曼聯),此舉完全係唔尊重及無視利物浦-係星期三歐霸盃決賽,奧雲係BT Sport 直播期間用“we(我們)”去形容曼聯。一個利物浦大使絕對唔應該咁做,呢個職位應該留返俾一啲100%對球會忠實以及將“we(我們)”一詞留返俾利物浦嘅人。

呢名37歲嘅前利物浦前鋒,當年係利物浦青年軍出身及成名,為利物浦上陣297場,入過158個波。係2001年,更協助利物浦奪得歐協(現歐霸)、聯賽盃及足總盃。
係2004年年中,奧雲以£8m 轉會加盟皇馬,但果陣皇馬人腳多到可以出兩隊咁滯,所以佢多數都係後備上陣,係果一季,佢係西甲入左都13個波架。
之後呢,佢就重返英超,以一個double嘅轉會費£16m披上紐卡素戰衣。2005/06果季佢都踢得唔錯,之不過呢球員最怕就係傷,佢往後一傷傷左18個月,但唔緊要,佢傷癒復出後,即係2007/08年,立即成為紐卡素隊長及據季球會神射手。
隨住2008/09年紐卡素降班,奧雲以自由身加盟曼聯…做咩姐你… 簽左對家曼聯。踢左3年,上陣31次,係曼聯三年你得到咩?「曼聯名宿」?
2012年,佢轉會史篤城,係2012/13年完季後宣佈掛靴。

係2016年4月被任命為球會官方國際大使,雖然當年都有球迷反對,但係奧雲堅稱佢係利物浦球迷。

「作為一個利物浦球迷,我係好榮幸同埋開心被邀請去為球會擔當呢個國際職位。利物浦係世界最好嘅球會/家,能夠再次以官方形式去代表球會,實在太好了!」

所以話,男人都係會變,當初話幾愛你都好,最後都係會轉會。其實轉會都唔緊要嘅,唔岩咪走囉,但佢而家一腳踏兩腳先PK。


留言


請按此登錄後留言。未成為會員? 立即註冊
  • @michael@ 於 26/05/2017 評論 NO. 1

    利記球迷真係玻璃心,We等如我們, 佢表示we等於英格蘭超級聯賽球隊。有時唔好太敏感,在大多數曼迷心中他都未算名宿,只踢兩季,只不過係曾經係曼聯一份子,所以會尊重。

  • Fans of Football 於 26/05/2017 評論 NO. 2

    世敵相見當然好易眼紅.............. 奧雲唔識大體, 冇計, 自己離開更好

  • =jay= 於 27/05/2017 評論 NO. 3

    3年得到咩? 聯賽冠軍

  • =jay= 於 27/05/2017 評論 NO. 4

    3年得到咩? 聯賽冠軍

  • =jay= 於 27/05/2017 評論 NO. 5

    3年得到咩? 聯賽冠軍

  • =jay= 於 27/05/2017 評論 NO. 6

    3年得到咩? 聯賽冠軍

  • =jay= 於 27/05/2017 評論 NO. 7

    3年得到咩? 聯賽冠軍

  • =jay= 於 27/05/2017 評論 NO. 8

    3年得到咩? 聯賽冠軍

  • 數據就是事實 於 27/05/2017 評論 NO. 9

    佢意思明顯係因為曼市恐襲,所以全英同曼市係一體,此時此刻利迷太過份!

  • tinchi3721 於 27/05/2017 評論 NO. 10

    如果你不能擊敗他們 只好加入他們😂😂 誰叫利物浦唔淨氣到而家都未拎到英超 誰叫謝拉特跣腳

  • 單身狗 於 27/05/2017 評論 NO. 11

    杜文澤話前世做錯事,今世做亞視,受到網民讚賞,仲講乜嘢念舊,忠誠,感恩吖,只要攞冠軍,何妨做烏龜呀,儍女.

  • 單身狗 於 27/05/2017 評論 NO. 12

    Edton Li,前文發言只是借波諷世,最後兩句暗諷另有其人,who,大家懂的,本人並非利粉.

快捷鍵:←
快捷鍵:→