盡情恥笑小妹吧，出個咁嘅陣都輸俾修咸頓…不過聯賽盃咋嘛，李斯特城都留力歐聯啦。我利留力英超你地又識條鐵！（利申: 小妹又真係讀過下engine course識下鐵呀石屎嘅）一定係留力，一定係留力，一定係留力！！！直接skip星期六對足總對狼隊，講英超下一場，就係星期二凌晨對車路士。根據利物浦嘅劫富濟貧定論黎睇，今場應該會贏，好似係。
係現今情況下，干地帶領嘅車路士以10分優勢領先高普嘅利物浦，如果下場俾車路士贏埋，咁就會有13分差距，留意返，對完車仔之後係得返15場英超咋…加上迪亞高哥斯達狀態回勇，車仔係最近5場英超四勝一負；比起兩勝兩和一負嘅利物浦順景好多。利物浦係對車路士果場就一定無文尼架啦，間接即係無左個有爆炸力又有創造性嘅球員。仲有費明奴，係上年平安夜佢醉駕被捕，將會係1月31日上庭。計返時差，其實即係對車仔果日…即係出唔到啦？
二月一日對車路士，有幾點要留意下。
1.利物浦中場
利物浦三箭頭－文尼費明奴同埋古天奴出晒名好打得。但係而家無左文尼，高普將拉蘭拿擺左去前場。但係睇返對修咸頓同埋史雲斯果兩場，前面唔岩佢打，佢同韋拿度姆軒達臣拍住上 ，佢可以踢返生個波，再睇人拉空俾隊友，做返個form出黎。安尼簡好慢，狀態唔好，成日錯失機會或者醫院波，加上受踭傷困擾嘅軒達臣一直表現麻麻，睇返佢對史雲斯果場，佢無辦法踢返出利物浦個節奏，而且波唔貼腳，走甩左個波，將拉蘭拿擺返後啲去封車路士嘅簡迪等好似會穩啲。
但係，小妹又發覺前場而家無埋費明奴，即係無人做迫搶。可以用新仔奧祖嘅，佢係盃賽都有好表現，但大戰又唔似會搏囉。所以其實無得揀，拉蘭拿你都係歸位去前排啦。估計高普都係play safe，用返拉蘭拿、奧歷治同埋古天奴。所以，利物浦中場都會係出返安尼簡、韋拿度姆同埋軒達臣。想變？無得變喎sor。
2.迪亞高哥斯達
迪亞高哥斯達嘅攻擊力不容忽視，係射手榜第一位嘅佢有腳法有身位有脾氣。哥斯達有幾粗魯係人都知，但正如講粗口都唔代表唔係靚女，粗魯嘅人都會有腦嘅。睇返佢起腳位同時間都好準，呢個咪個射手sense囉。由一個脾氣一觸即發的人變到一個好精準嘅球員，被譽位最危險射手唔係無原因。
利物浦防守，馬迪普個態麻麻，唯一撞得但表現一啲都唔穩陣嘅卡拉雲，靠直覺做判斷嘅路夫蘭，肋骨傷又未知出唔出到場嘅佳尼，大賽經驗未夠嘅亞諾，part-time左閘占士米拿…不過都係果句啦，利物浦無得變呀大佬！
3.車路士三中堅
要贏就要入波，就算利物浦泊大巴都無用。
車路士嘅翼衛無論係體能，防守同進攻都有唔錯既發揮，好多時仲跑到返後場幫協防，所以三個中堅（大衛雷斯、艾斯派古達、卡希爾）可以輕鬆專注中間波，即使啲波係邊路黎，三個中堅都可以空出一個去幫翼衛防守。加上車仔嘅艾斯派古達有時會帶波上去助攻，佢企位同攔截都好有sense，係防守同進攻上都幫到手。
車仔三中堅體系入面只有大衛雷斯同卡希爾係常規中堅，艾斯派古達本身係右閘，對於中堅嘅企位同職責可能無咁清晰，加上佢既身高明顯比一般常規中堅矮，處理高空波比較輸蝕，睇返佢地輸俾熱刺果場波就好明顯反映到。睇返利物浦處理高空波都唔多好，所以呢樣野對利物浦黎講係好事。要踢三中堅， 傳球能力同速度有一定要求，但係卡希爾就兩樣都無。面對卡希爾派膠機會率高，利物浦都係以一貫快速地面傳波同迫搶去迎戰架啦，估到你啦！嗯，小妹好有信心喎，雖然無左速度型文尼同埋費明奴…仲有古天奴同拉蘭拿可以做one two同交叉走位引人走，而偏好killer pass同射門嘅古天奴都會係度發揮到作用。高普話：「利物浦係大球會，唔會話無左邊個唔得嘛。」利物浦係上年九月就贏左車仔嘅，而果場亦係干地領轟之後嘅首場賽事，所以今場亦都可以話係復仇戰。對於利物浦，贏波亦係終止係主場和波同輸波嘅日子。爭標？贏左波咪仲有呢個競爭力囉！轉會市場，高普仲未有買人嘅動靜，而係人腳上，陣式上都無得點變架啦…而家輸在起跑線上，就係要靠小小運，更多嘅集中先可以踢返起隊波，最緊要唔好灰心。利物浦每一個球員都好有水準，只要發揮到出黎，一定嚇到你心都離一離！所以最緊要係球員做好自己就得。
「還要生活，別再三失眠…」新年願望，可唔可以拉近同車路士距離呀…
係現今情況下，干地帶領嘅車路士以10分優勢領先高普嘅利物浦，如果下場俾車路士贏埋，咁就會有13分差距，留意返，對完車仔之後係得返15場英超咋…加上迪亞高哥斯達狀態回勇，車仔係最近5場英超四勝一負；比起兩勝兩和一負嘅利物浦順景好多。利物浦係對車路士果場就一定無文尼架啦，間接即係無左個有爆炸力又有創造性嘅球員。仲有費明奴，係上年平安夜佢醉駕被捕，將會係1月31日上庭。計返時差，其實即係對車仔果日…即係出唔到啦？
二月一日對車路士，有幾點要留意下。
1.利物浦中場
利物浦三箭頭－文尼費明奴同埋古天奴出晒名好打得。但係而家無左文尼，高普將拉蘭拿擺左去前場。但係睇返對修咸頓同埋史雲斯果兩場，前面唔岩佢打，佢同韋拿度姆軒達臣拍住上 ，佢可以踢返生個波，再睇人拉空俾隊友，做返個form出黎。安尼簡好慢，狀態唔好，成日錯失機會或者醫院波，加上受踭傷困擾嘅軒達臣一直表現麻麻，睇返佢對史雲斯果場，佢無辦法踢返出利物浦個節奏，而且波唔貼腳，走甩左個波，將拉蘭拿擺返後啲去封車路士嘅簡迪等好似會穩啲。
但係，小妹又發覺前場而家無埋費明奴，即係無人做迫搶。可以用新仔奧祖嘅，佢係盃賽都有好表現，但大戰又唔似會搏囉。所以其實無得揀，拉蘭拿你都係歸位去前排啦。估計高普都係play safe，用返拉蘭拿、奧歷治同埋古天奴。所以，利物浦中場都會係出返安尼簡、韋拿度姆同埋軒達臣。想變？無得變喎sor。
2.迪亞高哥斯達
迪亞高哥斯達嘅攻擊力不容忽視，係射手榜第一位嘅佢有腳法有身位有脾氣。哥斯達有幾粗魯係人都知，但正如講粗口都唔代表唔係靚女，粗魯嘅人都會有腦嘅。睇返佢起腳位同時間都好準，呢個咪個射手sense囉。由一個脾氣一觸即發的人變到一個好精準嘅球員，被譽位最危險射手唔係無原因。
利物浦防守，馬迪普個態麻麻，唯一撞得但表現一啲都唔穩陣嘅卡拉雲，靠直覺做判斷嘅路夫蘭，肋骨傷又未知出唔出到場嘅佳尼，大賽經驗未夠嘅亞諾，part-time左閘占士米拿…不過都係果句啦，利物浦無得變呀大佬！
3.車路士三中堅
要贏就要入波，就算利物浦泊大巴都無用。
車路士嘅翼衛無論係體能，防守同進攻都有唔錯既發揮，好多時仲跑到返後場幫協防，所以三個中堅（大衛雷斯、艾斯派古達、卡希爾）可以輕鬆專注中間波，即使啲波係邊路黎，三個中堅都可以空出一個去幫翼衛防守。加上車仔嘅艾斯派古達有時會帶波上去助攻，佢企位同攔截都好有sense，係防守同進攻上都幫到手。
車仔三中堅體系入面只有大衛雷斯同卡希爾係常規中堅，艾斯派古達本身係右閘，對於中堅嘅企位同職責可能無咁清晰，加上佢既身高明顯比一般常規中堅矮，處理高空波比較輸蝕，睇返佢地輸俾熱刺果場波就好明顯反映到。睇返利物浦處理高空波都唔多好，所以呢樣野對利物浦黎講係好事。要踢三中堅， 傳球能力同速度有一定要求，但係卡希爾就兩樣都無。面對卡希爾派膠機會率高，利物浦都係以一貫快速地面傳波同迫搶去迎戰架啦，估到你啦！嗯，小妹好有信心喎，雖然無左速度型文尼同埋費明奴…仲有古天奴同拉蘭拿可以做one two同交叉走位引人走，而偏好killer pass同射門嘅古天奴都會係度發揮到作用。高普話：「利物浦係大球會，唔會話無左邊個唔得嘛。」利物浦係上年九月就贏左車仔嘅，而果場亦係干地領轟之後嘅首場賽事，所以今場亦都可以話係復仇戰。對於利物浦，贏波亦係終止係主場和波同輸波嘅日子。爭標？贏左波咪仲有呢個競爭力囉！轉會市場，高普仲未有買人嘅動靜，而係人腳上，陣式上都無得點變架啦…而家輸在起跑線上，就係要靠小小運，更多嘅集中先可以踢返起隊波，最緊要唔好灰心。利物浦每一個球員都好有水準，只要發揮到出黎，一定嚇到你心都離一離！所以最緊要係球員做好自己就得。
「還要生活，別再三失眠…」新年願望，可唔可以拉近同車路士距離呀…
請按此登錄後留言。未成為會員? 立即註冊