雙紅會，好多名宿呀教練去睇呀！小妹所見就有杜格利殊、魯殊、費格遜、碧咸等等都係座上客。
一開波曼聯都有唔少攻勢，三個人迫Martial，右路被強攻，利物浦成條線壓後左黎打。今場打前嘅拉蘭拿都返左後面幫手，利物浦係上半場上段控球指數係比較低，一開始咪話唔驚…
17分鐘，路夫蘭回傳米奴列唔夠力，差啲俾伊巴禁區搶到個波單刀…好彩米仔醒目無事。
18分鐘，唔夠一分鐘之後米希達恩直線俾得好靚，普巴左腳起到腳，岩岩個波柱邊出界。當小妹以為平安鐘又係時候出動嘅時候，
25分鐘，占士米拿開角球，禁區內普巴睇住路夫蘭，為左阻止佢頂到就打排球！占士米拿操刀踢十二碼，輕鬆0：1。佢真係威啦，因為佢6球十二碼佢6球都入晒！
32分鐘，伊巴鵝眉月罰球，射過人牆啲窿窿，有力度有角度架，不過俾米奴列捉到路神救呀！
唔知係咪有人係咪燥左呢？想打完排球再打MMA？
https://na.cx/i/6geT44d.gif
40分鐘，米希達恩突破越位單刀 ，但遇上占士米拿收窄佢嘅空位而米奴列就封佢，合作成功！
下半果陣，月巴換入卡域克，小妹心諗，好事喎！
60分鐘，千呼萬喚嘅古天奴終於出場，奧歷治被換出。佢出場唔係一分鐘就即刻有波掂，一個直線波俾費明奴有埋門機會！睇得出呢對巴西孖寶嘅默契係唔錯嘅。而差唔多嘅時間，馬達亦都被換入場，即係話，曼聯條線會慢左!?
83分鐘，禁區混戰，月巴左邊落底線出波，費蘭尼炒返個波中眉，華倫西亞再俾返個波伊巴頂入，1：1。
90分鐘，靴里拉拉費明奴衫；費明奴咪推靴里拉，一人一張黃牌。（小妹覺得呢下靴里拉真係好茅…好在利物浦件new balance彈性夠好姐）
上半場利物浦迫搶做到足，令到曼聯後防好多時都要回傳俾迪基亞或者有失誤。而利物浦嘅走動都好多，真係唔怕攰。係曼聯都踢得唔差嘅條件下，下半場雖然輸返一球，但睇返利物浦比起之前果幾場更加有組織，決心亦都好大，而補時階段相當緊湊，節奏好快，兩邊都好落力去想入多球波攞多兩分。對於觀眾黎講，兩個字－精彩。
出新仔，佳尼傷左肋骨，所以正選名單上面嘅右閘係19歲66號後生仔Alexander-Arnold。聽樂視/NOW譯做亞諾，就跟佢地叫住先啦！呢個新仔唔怯場，雖然要佢睇住Martial係有啲挑戰，係有走甩嘅情況出現，但係整體中規中舉，如果以一個新人係大戰表現黎講唔錯架啦！再講下路夫蘭雖然有醫院波，但係mark伊巴都mark得幾緊，加上中場線嘅壓迫去限制供應波俾伊巴，令到平時無波到會升出黎嘅伊巴今日無晒踪影。另外，睇得出古天奴出左場之後條左路生晒，個form真係返晒黎。加上米奴列今場表現超卓，接實個波已經係基本，有信心出迎，指揮後場（好似係）。就算和左之後都無失信心，反而越打越好，好有態呀！
雖然和波，但fair 呀。利物浦真係打得好左，球員失誤都少，鬥心好強，唔會贏一球就守，而係每一刻都奮鬥緊。當然唔可以排除因為呢場係大賽，球員心態會有唔同啦。唯一要彈嘅就係韋拿度姆嘅把握力，埋門起腳有啲hea，錯失左幾個可以入波嘅機會，包括補時嘅半單刀（okay你可以話佢踢足全場會攰）。今場唔知其他球迷都收唔收貨，但小妹睇得都幾開心，都滿意啦。
而家利物浦排英超第三，英超完季啦咩？仲有得追嘅！
一開波曼聯都有唔少攻勢，三個人迫Martial，右路被強攻，利物浦成條線壓後左黎打。今場打前嘅拉蘭拿都返左後面幫手，利物浦係上半場上段控球指數係比較低，一開始咪話唔驚…
17分鐘，路夫蘭回傳米奴列唔夠力，差啲俾伊巴禁區搶到個波單刀…好彩米仔醒目無事。
18分鐘，唔夠一分鐘之後米希達恩直線俾得好靚，普巴左腳起到腳，岩岩個波柱邊出界。當小妹以為平安鐘又係時候出動嘅時候，
25分鐘，占士米拿開角球，禁區內普巴睇住路夫蘭，為左阻止佢頂到就打排球！占士米拿操刀踢十二碼，輕鬆0：1。佢真係威啦，因為佢6球十二碼佢6球都入晒！
32分鐘，伊巴鵝眉月罰球，射過人牆啲窿窿，有力度有角度架，不過俾米奴列捉到路神救呀！
唔知係咪有人係咪燥左呢？想打完排球再打MMA？
https://na.cx/i/6geT44d.gif
40分鐘，米希達恩突破越位單刀 ，但遇上占士米拿收窄佢嘅空位而米奴列就封佢，合作成功！
下半果陣，月巴換入卡域克，小妹心諗，好事喎！
60分鐘，千呼萬喚嘅古天奴終於出場，奧歷治被換出。佢出場唔係一分鐘就即刻有波掂，一個直線波俾費明奴有埋門機會！睇得出呢對巴西孖寶嘅默契係唔錯嘅。而差唔多嘅時間，馬達亦都被換入場，即係話，曼聯條線會慢左!?
83分鐘，禁區混戰，月巴左邊落底線出波，費蘭尼炒返個波中眉，華倫西亞再俾返個波伊巴頂入，1：1。
90分鐘，靴里拉拉費明奴衫；費明奴咪推靴里拉，一人一張黃牌。（小妹覺得呢下靴里拉真係好茅…好在利物浦件new balance彈性夠好姐）
上半場利物浦迫搶做到足，令到曼聯後防好多時都要回傳俾迪基亞或者有失誤。而利物浦嘅走動都好多，真係唔怕攰。係曼聯都踢得唔差嘅條件下，下半場雖然輸返一球，但睇返利物浦比起之前果幾場更加有組織，決心亦都好大，而補時階段相當緊湊，節奏好快，兩邊都好落力去想入多球波攞多兩分。對於觀眾黎講，兩個字－精彩。
出新仔，佳尼傷左肋骨，所以正選名單上面嘅右閘係19歲66號後生仔Alexander-Arnold。聽樂視/NOW譯做亞諾，就跟佢地叫住先啦！呢個新仔唔怯場，雖然要佢睇住Martial係有啲挑戰，係有走甩嘅情況出現，但係整體中規中舉，如果以一個新人係大戰表現黎講唔錯架啦！再講下路夫蘭雖然有醫院波，但係mark伊巴都mark得幾緊，加上中場線嘅壓迫去限制供應波俾伊巴，令到平時無波到會升出黎嘅伊巴今日無晒踪影。另外，睇得出古天奴出左場之後條左路生晒，個form真係返晒黎。加上米奴列今場表現超卓，接實個波已經係基本，有信心出迎，指揮後場（好似係）。就算和左之後都無失信心，反而越打越好，好有態呀！
雖然和波，但fair 呀。利物浦真係打得好左，球員失誤都少，鬥心好強，唔會贏一球就守，而係每一刻都奮鬥緊。當然唔可以排除因為呢場係大賽，球員心態會有唔同啦。唯一要彈嘅就係韋拿度姆嘅把握力，埋門起腳有啲hea，錯失左幾個可以入波嘅機會，包括補時嘅半單刀（okay你可以話佢踢足全場會攰）。今場唔知其他球迷都收唔收貨，但小妹睇得都幾開心，都滿意啦。
而家利物浦排英超第三，英超完季啦咩？仲有得追嘅！
請按此登錄後留言。未成為會員? 立即註冊