【不要再說了】沒有拉蘭拿 + 新特蘭後更多…的利物浦 精選

相信好多球迷都認為拉蘭拿係利物浦中場既核心人物，正所謂核心既外圍即係核心既內圍，無左佢點都對球隊有影響，特別係進攻方面。

拉蘭拿佢既預測力都好好，從而令到佢既創造力，傳送走位都唔錯，而勤力亦係中前場打翼非常重要既一樣野。 Lalala既作用仲有拉空對方防守，減輕另一重要人物古天奴既工作，另外佢仲會兩邊切入射波，把握力唔錯！
但最緊要係咩？係對比安尼簡同埋韋拿度姆穩陣，而且速度動作快好很多。拉蘭拿都係一個人，有弱點既，就係無身位同防守差啲咁啦，但留意返，人無完美呀，佢係自己個位置已經做得無得彈架啦。

之不過，拉蘭拿係代表英格蘭國家隊出戰西班牙友誼賽果陣“鼠蹊”受傷，仲未出到場。

無左拉蘭拿，對住打901既球隊真係差好多。有佢係度，lalala可以扭波，拉鬆人地防線－即係你扭過左一個防守A，防守B就要走過黎招呼你。可以睇返上場無左lalala既對修咸頓…係小妹知道好大因素係攰，但係睇返果場出左出名毒扭既史杜列治之後，進攻機會多左就更加知道一個有速度既全能進攻中場既重要性。老老竇竇，你估高普唔驚咩！佢都驚架。雖然，佢係訪問果陣都有講過，無左拉蘭拿唔係入唔到波既原因。但佢都提到，如果拉蘭拿出唔到，仲係咪仲要打4-3-3 呢？定係轉打4-4-2 好呢？睇返而家傷左既人同埋預計一月會無左文尼（佢去左踢非洲國家盃），小妹就覺得可以試4-4-2，聖誕快車對中下游球隊可以變下，試下陣先。再唔係，轉會市場開果陣買人啦買人啦買人啦！＃因為很重要所以要說三次
利申：小妹唔會再輕視中下游球隊，要知道利物浦最緊愛心爆棚，又開始劫富濟貧了。

其實係小妹打緊呢篇野果陣係睇緊利物浦對新特蘭，贏哂所有控球指數呀射門中龍數據都係入得果一球波（第二球係12碼）！最慘係古天奴俾人踢腳傷埋，睇到佢痛到面容扭曲果下，真係心痛到小妹呢…網上即刻有唔同既說法，有人話佢斷腳、有人話佢傷左ligament，唉，希望係小事。而家古天奴、史杜列治、拉蘭拿仲有Ings都傷哂…而費明奴都疑似受傷換出，前場點算呀？
換Origi出黎，佢又唔打得快波，鐘意上腳但又要攞左身位先。咦…說時遲那時快，百_成材呀！佢入左球（彈地）波而亦係佢英超第一球入波，雖然小妹真係分唔到佢係想出波定射波，但破蛋係開心既。留意返，佢起腳果個係佢食糊位，上年都係果個位入過波架！（下面條片3’00”）
https://youtu.be/F9xArI0RTvw?t=3m
灰到爆…用3分換2個前場非常關鍵重要既巴西傷兵？抵唔抵呀？呢條數仲難過Alevel，小妹真係唔識計啦，有無人可以教小妹計。