【埋門一腳】淺談費明奴 精選

修咸頓0：0利物浦。

呢個賽果相信好多球迷都有啲唔滿意，眼見安尼簡同埋費明奴錯失左兩個黃金機會更加失望。對於古天奴同文尼，小妹收貨架啦。無可否應佢地比平時慢左，但都明既， 小妹返五日工都日日嗌攰，何況係踢完國際賽既佢地呢？

講到呢度，又係時間講下費明奴，講下故仔先。
話說佢17歲係巴西入行，加入左Figueirense，而發掘佢既竟然係一名牙醫！當時佢既位置係踢防中。佢花左2年時間既努力係2010年成為左球隊既正選球員，佢亦慢慢轉形為一個進攻球員，而當年佢入左8個波，為球隊上返巴甲SERIE A出一分力。

人總要向高處望，係2011年佢轉會去到要坐12個幾鐘飛機先到既德甲Hoffenheim， 而佢第一場為球隊(後備)上陣就係對Maniz，（係呀無錯呀，係高普曾經執教過既其中一隊球隊，只可惜高普教Maniz果陣係2001－2008，或者可能啦，佢地係利物浦之前曾經係平行時空相遇過。）年少氣盛，佢係Hoffenheim都曳曳過，曾經因為遲到去訓練而被領隊罰，「褫奪」左佢一場正選位置。知錯最緊要係咩？能改呀嘛！不過佢既努力都有回報既，當年既隊長Andreas Beck都用讚佢係一個出色既球員，更加被稱為德甲最再突破性既球員。
係2015年美洲國家盃果陣，利物浦出手了！當年羅渣士用2900萬英鎊買左佢返利物浦，今次好啲啦，坐一個鐘頭飛機就夠，仲易適應環境添！但係真正用到佢既係高普。高普用佢打False 9，即係進化版既進攻中場，又或者係非傳統既墮後既中前鋒/單箭頭。目的係想人地既防中被迫跟住佢，而拉空個位俾隊友爆。因為費明奴控球傳波技術都唔錯，所以呢個位係岩佢打既，因為要將快靚正既短傳係打呢個位既重點，而佢有速度（當然唔夠文尼啦）可以係交完波再跑入禁區入zip，雖然…佢最近呢幾場個埋門入zip都差左少少。

睇返球王片，其實佢插花扭波出波技術係出色既，出波時機更加抵讚。而佢不斷係人地既後場穿插，佢既走位有時真係估你唔到，令到佢更加難觸摸，佢突然出現，嚇到你心都離一離。
https://www.youtube.com/watch?v=AKx8LOOREeM
而賴恩巴布亦讚過佢係一個古惑既球員，佢識運球又識射波，助功更加一流。最緊要心態好，謙虛唔驕傲。其實費明奴呢…個數據都唔差架。34次交波/出波去龍門口有21次都成功，61.8%命中率呀！不過， 挑剔既港女小妹成日話佢把握力唔夠好，finishing做得差。大家可以睇下面…但人無完美，小妹明自己係雞蛋裡挑骨頭。

https://www.youtube.com/watch?v=fapu18id53Q總括而言，費明奴有著既巴西人的熱血同埋德國人既效率，對高普高壓迫搶，快速地面傳波係好有功貢（錯字已改，謝謝讀者）獻。只希望之後佢會更加進步，小妹真係好鐘意睇佢古天奴文尼三個一齊跳入波舞…（或者叫入波動作啦）。