英格蘭3：0蘇格蘭，三球都頭鎚，有史杜列治仲有拉蘭拿同Cahill，兩球都係利物浦球員入，威威豬，威過威威獅令呀！其實今次個陣…3個利物浦，3個熱刺再加2個曼城1個曼聯1個車仔…
唔知係咪小妹疑心重，球員岩岩打完英超，又見到呢隊國家隊多數係自己隊既人，不其然就會用返自己隊既打法。特別係今場防就係熱刺，攻就係利物浦。其實明眼人一睇就知隊波無隊形，但小妹都明白既，國際賽又少時間夾，好多戰術唔係話打就打到。但始終都係教練問題，你睇其他國家隊，班球員都唔會比球會表現影響到國家隊表現。一開波都睇到傳波有個問題，Dier會成日返左後場去俾Rose呀Walker兩個翼上前，都叫係熱刺打法黎，好似上次對阿仙奴，將Dier 墜後，俾兩邊安心上去攻。雖然軒達臣係偏防守既球員，亦算係box to box 既球員，cover範圍大，佢係利物浦踢法都同英格蘭唔同，所以如果夾得唔好既話，就會無人補位啦。
亦有數據指出，係呢啲國際賽上面，個節奏多數都會相對球會比賽慢啲，因為兩個字－「唔熟」。當然一場波有90分鐘好多誤會都可以係半場前搞掂，但係因為怕失誤，多數都會拖慢去踢，而組織上都偏向簡單，唔會踢得太華麗。
而有好多球員係國家隊都表現唔到係球會一貫既水準，就好似 Cahill咁，佢都唔係打得特別好，唔少醫院波。比起係車路士打三中堅果陣明顯係低質左，身為一個有經驗既球員，係國家隊有咁既表現係真係有啲失禮。但都恭喜下佢，今次呢球入波係佢踢左六年黎係國家隊既第四球入波呀！
不過總有例外既，今場利物浦既拉蘭拿真係無得輸，入波果球頭鎚真係世界級 。佢係球場上面既創造力同勤力，最緊要既係佢唔係亂跑，係用腦有目的去跑，拉空等等做到足，如果後面要幫手，佢都返後幫軒神同埋Dier；佢既速度同技術係counter attack果陣好有用，令佢成為利物浦同埋英格蘭既必然正選。 而史杜列治係利物浦果陣好少機會正選上陣，但一去到國家隊就做左英雄。6場國際賽波入左4球，數據唔錯，佢係要有人俾到波佢，一上腳就射波，今場打4-2-3-1，單箭頭岩哂史杜列治既個人表現啦。
係國家隊領隊而言，一隊波既組成係靠個領隊點樣convince到個球員去為國出賽。佢地唔似得球會可以用錢去買需要既球員，所以有人話，國家隊既陣容係踢無咁重要既比賽時候係一種妥協、或者好聽啲，緣份。當然，有啲球員會係想靠國家隊既比賽為一個平台去吸引其他球會注意；有啲球員就算肯踢都會就住就住，怕傷左就踢唔到球會聯賽；而亦有球員會擔心我係球會表現好係因為有熟悉既球員一齊踢，去到國家隊又要夾新人，一陣表現得唔好又俾人話…咁不如真係「射波」扮病唔踢啦。
題外話啦，咁曾經亦有數據顯示過（小妹認為係咁岩姐，邊個咁準呀），意大利國家隊係2006年贏左世界盃，而係意甲入面既AC米蘭分別係2005年同2007年拎左歐聯第二同第一；而2010年世界盃冠軍西班牙呢…西甲既巴塞就分別係2009年同2011年拎左歐聯冠軍。即係有個魔咒，邊個國家既球隊拎到歐聯而下一年係世界盃既話…就好大機會champ！（想睇其他國家拎世界盃係咪要搵人賭丁或者話要裸跑去破左個魔咒呀？）
唔知係咪小妹疑心重，球員岩岩打完英超，又見到呢隊國家隊多數係自己隊既人，不其然就會用返自己隊既打法。特別係今場防就係熱刺，攻就係利物浦。其實明眼人一睇就知隊波無隊形，但小妹都明白既，國際賽又少時間夾，好多戰術唔係話打就打到。但始終都係教練問題，你睇其他國家隊，班球員都唔會比球會表現影響到國家隊表現。一開波都睇到傳波有個問題，Dier會成日返左後場去俾Rose呀Walker兩個翼上前，都叫係熱刺打法黎，好似上次對阿仙奴，將Dier 墜後，俾兩邊安心上去攻。雖然軒達臣係偏防守既球員，亦算係box to box 既球員，cover範圍大，佢係利物浦踢法都同英格蘭唔同，所以如果夾得唔好既話，就會無人補位啦。
亦有數據指出，係呢啲國際賽上面，個節奏多數都會相對球會比賽慢啲，因為兩個字－「唔熟」。當然一場波有90分鐘好多誤會都可以係半場前搞掂，但係因為怕失誤，多數都會拖慢去踢，而組織上都偏向簡單，唔會踢得太華麗。
而有好多球員係國家隊都表現唔到係球會一貫既水準，就好似 Cahill咁，佢都唔係打得特別好，唔少醫院波。比起係車路士打三中堅果陣明顯係低質左，身為一個有經驗既球員，係國家隊有咁既表現係真係有啲失禮。但都恭喜下佢，今次呢球入波係佢踢左六年黎係國家隊既第四球入波呀！
不過總有例外既，今場利物浦既拉蘭拿真係無得輸，入波果球頭鎚真係世界級 。佢係球場上面既創造力同勤力，最緊要既係佢唔係亂跑，係用腦有目的去跑，拉空等等做到足，如果後面要幫手，佢都返後幫軒神同埋Dier；佢既速度同技術係counter attack果陣好有用，令佢成為利物浦同埋英格蘭既必然正選。 而史杜列治係利物浦果陣好少機會正選上陣，但一去到國家隊就做左英雄。6場國際賽波入左4球，數據唔錯，佢係要有人俾到波佢，一上腳就射波，今場打4-2-3-1，單箭頭岩哂史杜列治既個人表現啦。
係國家隊領隊而言，一隊波既組成係靠個領隊點樣convince到個球員去為國出賽。佢地唔似得球會可以用錢去買需要既球員，所以有人話，國家隊既陣容係踢無咁重要既比賽時候係一種妥協、或者好聽啲，緣份。當然，有啲球員會係想靠國家隊既比賽為一個平台去吸引其他球會注意；有啲球員就算肯踢都會就住就住，怕傷左就踢唔到球會聯賽；而亦有球員會擔心我係球會表現好係因為有熟悉既球員一齊踢，去到國家隊又要夾新人，一陣表現得唔好又俾人話…咁不如真係「射波」扮病唔踢啦。
題外話啦，咁曾經亦有數據顯示過（小妹認為係咁岩姐，邊個咁準呀），意大利國家隊係2006年贏左世界盃，而係意甲入面既AC米蘭分別係2005年同2007年拎左歐聯第二同第一；而2010年世界盃冠軍西班牙呢…西甲既巴塞就分別係2009年同2011年拎左歐聯冠軍。即係有個魔咒，邊個國家既球隊拎到歐聯而下一年係世界盃既話…就好大機會champ！（想睇其他國家拎世界盃係咪要搵人賭丁或者話要裸跑去破左個魔咒呀？）
請按此登錄後留言。未成為會員? 立即註冊