【板櫈深度】後備的重要性 精選

以前打機，學識左一樣野－「攻唔難，守先難。」

利物浦6：1大勝屈福特，上左榜首啦，打幾日飛機夠啦。要守到榜首個位，唔易架！睇下而家個勢先，車仔都嬴左5：0，排第二。利物浦同車路士差一分，睇埋之後既曼城阿仙奴都係差兩分，而得失球就車仔多利物浦一球…咁其實呢，悲觀派既小妹就覺得唔多穩囉。

其實有啲野，小妹都打到厭，正選陣容。黎黎去去都係講果啲，所以今次小妹想講既係板櫈深度。話說，黎緊就係國際賽，高普就覺得佢地一眾球員表現良好，容許佢地去到週尾先歸隊。但係計計下，下星期就19號20號，又差唔多去到聖誕快車。呢個時候，最怕就係受傷同體力消耗、又或者傷。
所以，小妹想講下配角，後備們。

第一個想講既係古積，佢早係熱身賽已經受高普重用，好果方面睇啦，佢個底唔錯，體能方面係技術都還可以，只要有足夠既時間俾佢適應同進步，相信佢係可造之才。佢係有box to box既能力，而係高普手中都會做下防守駁腳既工作。睇返佢之前比賽既表現，後生仔都係比較急，心理質素麻麻。但唔好氣餒，因為高普係針對球員心理質素上係幾耍家，所以輕鬆既。

第二個想講下Kevin Stewart，呢個青訓出身既中場呢都幾勤力架，咁佢就係偏防守型既。呢兩年見到佢進步都幾大，但睇返數據，佢傳波既準確率就麻麻地，講真做防中有醫院波都幾大獲，分分中輸波架嘛！係正選中場黎講，競爭太大啦，同類型既球員有軒達臣同埋呀Can。雖然好老實講，佢都未夠料踢正選，但都已經夠班踢下盃賽。再者，佢係除左Lucas之外，唯一正式既防中，岩岩又續左長約，持觀望態度。

第三個再講下Origi，呢位前場真實實力係可以打到正選架，只不過係前場四子（古天奴、文尼、費明奴、拉蘭拿）太夾，令到佢無咩機會出。上季季尾無論係歐霸定聯賽，佢打得幾好，係傷左出返黎無態先輸俾西維爾咁解姐…有速度又有身位，又無史杜列治果隻獨食，係差少少把握力，個人突破又唔夠好咁解姐。睇返佢入波，都係counter、頭鎚、同遠射多，都幾岩高普戰術呀。
https://www.youtube.com/watch?v=F9xArI0RTvw
再睇下個賽程，其實係12月31日對曼城之前，都算係輕鬆既（小妹知有打比拖肥糖…未驚過），相信俾下後備出都唔會有太大擔憂。正所謂，玉不琢，不成器，唔出下後備，佢地點會升到上去一隊呢？當然，對中下游球隊都係另一種挑戰黎既，千其唔好劫富濟。