【雙紅會】和氣收場後的檢討 精選

尋晚利物浦對曼聯既賽事最終以0：0和氣收場，用英文講既話，ermmm kind of peaceful。

凌晨3點打，而家既小妹好想講三個字－「好」「眼」「訓」。
講返場波先啦，上半場，五五波，兩邊都打得好保守。簡單去講，其實係悶。 國際賽假未回氣， 只不過…摩佬其實都知高普玩咩既，你玩迫攻，我咪同你一齊跑，等你無位拉空；你放棄迫搶，我咪跟返你玩法，利物浦啲啲波主動打陣地，但係又猜唔到上前。

48分鐘，Karius又出錯左啦！話說後衛回傳俾Karius，而佢又想傳返俾個後衛果陣唔小心傳左俾普巴，普巴輕輕鬆鬆的返個波俾係禁區龍門口又無人睇住（係正常既）既伊巴…好很好彩佢越左位姐，一個唔該佢睇漏左又話者乜乜乜，波都有得你輸。好明顯，呢種低級錯誤我地可以話係後場間溝通出現問題，如果係呢一樣都算好，因為有得救；相反，如果係因為Karius覺得壓力大而犯錯，咁就唔同講法，因為球員最慘就係無信心，一個無信心既龍門，就算一球地波都可以輸。
70分鐘，古天奴禁區外一個招牌遠射，射得好靚，之不過對方龍門係迪基亞佢，都唔係流既，救到。一個有質素既射門加一個精采既撲救，為呢場加返啲可觀性。
呢場曝露左利物浦幾個弱點，要不是拉蘭拿，整條中場線甚麼都不是。呢個問題可以歸疚於Wijnaldum仲係傷左，而呀can岩岩傷癒無態亦係understanddddable。只不過Lalala唔係度，條線個唯和感覺錯哂，其中一個原因係史杜列治，打單戰頭係咪真係岩佢？睇今場黎講，未必啦 。 其實高普真係俾左好多機會史毒，但佢個問題真係唔只係佢個人心理，而係同古天奴法明奴再加埋文尼都唔係好夾；佢打戰頭唔係唔得，但要有創造型中場先夾到。史毒既問題係對住硬朗防線爆唔過、扭唔到，中場又無follow 搞到佢焗住拖慢等後上，但係呢，講句好說話啦，拖慢接應好過死衝上去失波俾人反擊既…59分鐘之後換lalala出黎，古仔打返前真係個隊形係返度，或者呢個先係最適合利物浦既陣容。
另外，龍門問題，開季前小妹不嬲都鬧開米奴列，睇好男神Karius。但踢左幾場啦，唔好再有借口啦，佢好明顯係未夠班既，仲需要好多磨練先可以出到大場面。

總括黎講，為左睇呢場波遲到起身返工，係唔值既。