利物浦有個前鋒，佢個名叫做史杜列治。
話說，佢係對熱刺果場，85分鐘先被換入，出場果陣俾人影左呢個樣。
不敢令人回想起馬國明當年攞唔到視帝個樣，有得揮呀。
當然，風趣既佢當然否認有唔開心啦。至於非常關心球員既高普即刻出黎解畫啦，佢就話史杜列治係一個有技術既球員，只係上場對熬刺，佢想著重係防守方面多啲姐。但問心講句，見到自己既正選地位俾人挑戰，出面和緊但Origi又入唔到波，自己又上一場（5：0果場）20分鐘內入左兩球波，坐左係後備席咁耐都唔換佢上場一定會唔開心。事後訪問果陣佢都好隱悔咁話，佢係一隊波入面有分配俾佢既位置／工作，而呢樣野同做得開唔開心無關。
得，明左。
利物浦係2013年從車路士買入史杜列治（下稱史毒），雖然呢，呢位球員都幾易傷，但佢為利物浦上陣左95場，入過55球。而再上場對般尼，高普擺左佢踢右令到呢位英格蘭球員百思不得其解，覺得踢呢個位好唔自在。史毒亦曾經講過，如果要佢轉踢另一個位置，點踢點走位點郁全部都會唔同左，只不過，足球唔係一個人遊戲，每個位都總要有人踢，但佢亦相信觀眾既眼光係雪亮既，知道咩位先岩佢打。
史毒其實把握力唔錯，係一個靠直覺踢波既人，雖然有時佢係獨食鐘意表現個人技啲，但係身為機會主義者既佢，中鋒既位置可以更容易俾佢入波。加上佢有D速度又頂得下，入攝走位一流。打翼既話要回防以及體能上既需求大左，簡單啲講，要顧及既野多左，唔多唔少都影響倒佢進攻面既表現。高普既戰術對球員體能要求太高，正常果啲都咁易傷，史毒就唔駛諗啦。雖然史毒上場入兩球，但一球係龍門口執，另一球禁區內快射，都唔顯得特別有態。
我地可以睇下以下呢後片，
https://www.youtube.com/watch?v=oew9pBeoLaY
小妹反而覺得佢唔是傳統柱「等」式中鋒，走位飄忽係佢特點，焗佢打高式既翼佢既出波同迫搶都唔太好。高普而家打法鐘意前場擺三個小明（跑得快）係咁迫搶，睇下費明奴一場偷幾多波就知，（費明奴起碼少傷，又踢過德甲，又係高普曾經想買既球員，算半個契仔啦），史毒應該唔得咁樣架啦。小妹認為史毒最佳位置個人覺得係4-4-2既輔鋒，有個大隻仔既二傳俾佢攝位就一流 － 例子就好似想當年奧雲仔同希斯基。所以想要史毒打翼佢少左空間入攝，而擺佢中間敵隊後衛要俾好多精神睇住佢，亦較容易俾佢引走，都係一個戰術黎既。其實Origi同史毒各有功能，出邊個就係要睇對手，打鐵桶出史毒會比較好 。古天奴偏左搵食，文尼係右邊又打到曉飛咁，好明顯留返係中路先係佢最佳位置，所以唔難明白點解要佢打翼係「史毒心裡有苦但史毒不說」。
史毒係幾好既後備殺手，好多時後備出都有波入。其實我覺得佢踢法係適合利物浦，但身體夾唔到高普果套。高普既理論係，球員要係flexible，唔可以話踢死一個位。因為你永遠唔知個波下一秒會踢左去邊，唔通下下企係自己個位度等波到咩？而家又有傳佢會去阿仙奴... 好勝既史毒會唔會離開，揾間岩佢踢又唔易傷既做一哥呢？高普回應傳媒話好開心史毒係利物浦，相信佢會有好表現，只不過佢季前表現唔好，ermmmm....都好似留定條後路咁，同有球隊想買Ings但佢堅決唔賣既口吻差好遠喎… 即係點先而家！？
話說，佢係對熱刺果場，85分鐘先被換入，出場果陣俾人影左呢個樣。
當然，風趣既佢當然否認有唔開心啦。至於非常關心球員既高普即刻出黎解畫啦，佢就話史杜列治係一個有技術既球員，只係上場對熬刺，佢想著重係防守方面多啲姐。但問心講句，見到自己既正選地位俾人挑戰，出面和緊但Origi又入唔到波，自己又上一場（5：0果場）20分鐘內入左兩球波，坐左係後備席咁耐都唔換佢上場一定會唔開心。事後訪問果陣佢都好隱悔咁話，佢係一隊波入面有分配俾佢既位置／工作，而呢樣野同做得開唔開心無關。
得，明左。
利物浦係2013年從車路士買入史杜列治（下稱史毒），雖然呢，呢位球員都幾易傷，但佢為利物浦上陣左95場，入過55球。而再上場對般尼，高普擺左佢踢右令到呢位英格蘭球員百思不得其解，覺得踢呢個位好唔自在。史毒亦曾經講過，如果要佢轉踢另一個位置，點踢點走位點郁全部都會唔同左，只不過，足球唔係一個人遊戲，每個位都總要有人踢，但佢亦相信觀眾既眼光係雪亮既，知道咩位先岩佢打。
史毒其實把握力唔錯，係一個靠直覺踢波既人，雖然有時佢係獨食鐘意表現個人技啲，但係身為機會主義者既佢，中鋒既位置可以更容易俾佢入波。加上佢有D速度又頂得下，入攝走位一流。打翼既話要回防以及體能上既需求大左，簡單啲講，要顧及既野多左，唔多唔少都影響倒佢進攻面既表現。高普既戰術對球員體能要求太高，正常果啲都咁易傷，史毒就唔駛諗啦。雖然史毒上場入兩球，但一球係龍門口執，另一球禁區內快射，都唔顯得特別有態。
我地可以睇下以下呢後片，
https://www.youtube.com/watch?v=oew9pBeoLaY
小妹反而覺得佢唔是傳統柱「等」式中鋒，走位飄忽係佢特點，焗佢打高式既翼佢既出波同迫搶都唔太好。高普而家打法鐘意前場擺三個小明（跑得快）係咁迫搶，睇下費明奴一場偷幾多波就知，（費明奴起碼少傷，又踢過德甲，又係高普曾經想買既球員，算半個契仔啦），史毒應該唔得咁樣架啦。小妹認為史毒最佳位置個人覺得係4-4-2既輔鋒，有個大隻仔既二傳俾佢攝位就一流 － 例子就好似想當年奧雲仔同希斯基。所以想要史毒打翼佢少左空間入攝，而擺佢中間敵隊後衛要俾好多精神睇住佢，亦較容易俾佢引走，都係一個戰術黎既。其實Origi同史毒各有功能，出邊個就係要睇對手，打鐵桶出史毒會比較好 。古天奴偏左搵食，文尼係右邊又打到曉飛咁，好明顯留返係中路先係佢最佳位置，所以唔難明白點解要佢打翼係「史毒心裡有苦但史毒不說」。
史毒係幾好既後備殺手，好多時後備出都有波入。其實我覺得佢踢法係適合利物浦，但身體夾唔到高普果套。高普既理論係，球員要係flexible，唔可以話踢死一個位。因為你永遠唔知個波下一秒會踢左去邊，唔通下下企係自己個位度等波到咩？而家又有傳佢會去阿仙奴... 好勝既史毒會唔會離開，揾間岩佢踢又唔易傷既做一哥呢？高普回應傳媒話好開心史毒係利物浦，相信佢會有好表現，只不過佢季前表現唔好，ermmmm....都好似留定條後路咁，同有球隊想買Ings但佢堅決唔賣既口吻差好遠喎… 即係點先而家！？
請按此登錄後留言。未成為會員? 立即註冊