【重臨舊情景】馬斯查蘭奴蘇亞雷斯幫利物浦熱身

老實講，小篇都幾掛住佢兩個分別係度果陣既利。所以，容許我先唱返首連piece雅先啦....「我再沒勇氣向你講舊時.... - 到此為止」


好，話說星期六就會係溫布頓上演巴塞對利物浦世界球會盃，利物浦既舊人包括馬仔馬斯查蘭奴、蘇亞雷斯都有機會齊齊亮相。相信到時fans都會好熱情咁歡迎兩位前球員。
曾經為利踢過282場既馬仔馬斯查蘭奴岩岩係上星期同巴塞續左約，男人同足球係無所謂既七年之癢，馬仔係利果陣都幾火滾架，紅黃牌都拎唔少。離開左利記之後，人大左，收心養性，將會踏入同巴塞一齊既第七年。呢七年入面，馬仔都係巴塞既主力，係球技同帶領球隊既能力都得到球迷同阿根廷國家隊既認同。


至於果陣用七千萬歐羅賣左既呀蘇呢…呢場將會係佢離開左利物浦之後首次以巴塞球員身份對返利物浦。佢同記者就表示好開心可以返去英格蘭見下朋友，佢認為可以係九萬名觀眾前比賽係一件好難得既事。利物浦既支持者係全球最熱情之一，佢都好緊張咁話喎。佢亦都賣口乖話利物浦係佢人生中，不論對佢定係佢屋企人，都佔左一個好重要既角色，包括佢第二個小朋友都係利物浦出世。


呢場無疑係對高普係開季前一個大挑戰，岩岩兩場熱身賽分別以0：1同1：2輸左俾車仔同羅馬（之前手快快打錯），話就話係熱身，但對球隊既士氣都有一定既影響，加上傷左兩個新兵（新龍Karius同埋Grujic），點樣試陣同部署都係值得期待。

相信呢場利物浦既表現應該會直接影響高普對Joao Mario 既出價（據聞已經加左價）。蘇亞雷斯亦都認為係高普既帶領下，利物浦要係英超拎到頭四，其實唔難，好似係。


資料來源：利物浦官網，Telegraph.co.hk