【7000萬鎊】基達:我想加盟大球會,好似…

利永遠不會毒行 於 29/06/2017 發表 收藏文章
有報導指出,利物浦頭號羅致人選嘅萊比錫紅牛基達係一篇德國報章訪問入面提到,佢非常喜愛萊比錫紅牛呢隊上季係德甲拎左第二嘅球隊。呢位幾內亞嘅球員係2015/16果季先以£12.75m由薩爾斯堡轉會到萊比錫。佢係萊比錫出色嘅表現令到球隊奪得下季歐聯一席位。據知萊比錫紅牛為基達嘅開價為£70m,除左利物浦之外,佢亦不乏一線球隊垂青。
基達係訪問中亦表示佢仲未同高普接觸過,但係就同阿仙奴嘅雲加傾過計,佢亦提到希望未來兩至三年可以效力一隊大球隊,好似巴塞隆拿、皇家馬德里或者曼城…咁利物浦呢?!唔緊要,佢講完之後都補充返其實仲有阿仙奴、修咸頓以同利物浦。

岩岩利物浦先洗左一筆錢買左沙拿,再要出£70m去買呢個22歲球員,值唔值呢?

德甲一直都係一個好好嘅地方俾球員去裝備自己,係去不同國家嘅聯賽前打好一個基礎。所以基達要適應高普嘅密集操練係絕對無問題,唔怕好似上季球員一開始唔慣易受傷。而且佢基本上踢中場任何一個位都無問題,係變陣上面係一個非常好嘅選擇。最緊要係萊比錫果陣,我地睇到佢係用個腦去踢波,係高壓搶迫黎講,靈活去走動同睇位係必要,佢全部都做到。

點解咁想買佢,因為佢係一個全面嘅球員,但留意返,呢個交易唔會咁輕易就成功,即係咁,你放晒風聲出去你咁想要基達,而唔只得利物浦對佢有興趣,正常黎講萊比錫緊係會吊高黎賣。呢一場心理戰…真係好睇過cctvb劇集呀。

老老竇竇,就算邊個球會用咁高價簽左佢返黎,係咪都會俾人叫水魚呢?我地唔好講基達有機會幫助利物浦奪冠去賺獎金,先睇返球員帶動球會嘅收入有-波衫、廣告代言、電視轉播等等,2016年,曼聯單靠伊巴謙莫域的球衣就為球隊豪賺7600萬鎊,換句話即係出售左105萬件球衣…當然,伊巴名氣點都比基達高;個名又長過基達成倍…不過唔知利物浦會唔會因為呢名西非球員嘅加盟,而開托一個更大嘅市場呢?

咁樣問啦,如果有香港球員去左英超踢波,你會唔會為左佢而買波衫印果名香港球員名呀?
(購物狂小妹:會~~~~~~~~)


reference:espnfc

如果喜歡我們的文章,請即分享到︰

留言


請按此登錄後留言。未成為會員? 立即註冊
  • 4466hk 於 29/06/2017 評論 NO. 1

    無記錯的話,佢呢段「我想加盟大球會…」既訪問,係去年中既時候做架喎…。

快捷鍵:←
快捷鍵:→