高普:利物浦好大機會係8月31日前簽下新球員

利永遠不會毒行 於 14/08/2017 發表 收藏文章
轉會市場將於8月31日完結,利物浦自簽左蘇蘭基、沙拿以及羅拔臣後,買人活動就靜止左啦。上個星期六利物浦英超第一場作客3:3打和屈福特,後防防守錯漏百出,好多利物浦球迷賽後都叫FSG快啲買中堅。
賽後高普喺訪問中承認利物浦仍然考慮緊買人,但係擔心就算再買一個防守球員,都解決唔到性感防線呢個問題。

「因為欠缺關鍵嘅球員喺球場上,現有陣容或者未必場場波岩用。」

「外間有人話,利物浦需要買新人,我唔肯定咁樣做岩唔岩。我哋喺季前熱身賽打得唔錯,雖然有失波,但只少踢得有隊型。」

「雖然,防守呢個問題係好重要,但我哋唔可以只著重於一個崗位。」

「老實講,我個人亦好難受,因為呢一刻,我改變唔到啲咩,但我知應該點樣做。」

修咸頓嘅雲迪克仍然係球隊嘅目標,但隨住車路士開價50m、雲迪克提出轉會要求後,利物浦依然係無行動…同時亦有論壇(修咸頓 forum)提到,雲迪克現時為止有2-3間球會表示有興趣,只要價錢到,修咸頓將會放人,只係…唔會賣俾利物浦囉。
利物浦前球員加歷查認為雲迪克的確係一位優秀嘅球員,佢嘅加盟可以提升利物浦防守質素,但係單靠佢一個係唔會改變到後防嘅漏洞。

高普亦有打算去買中場球員。據鏡報(YES ITS MIRROR)所指,利物浦對拿玻里26歲嘅恩斯治尼以及21歲史洛克04嘅馬克斯梅爾有興趣,估計係打算代替古天奴嘅位置。
恩斯治尼
馬克斯梅爾

而之前有傳祖雲達斯會出2.3m買佢嘅安尼簡,仲有一年約嘅佢雖然仲未同利物浦續約,但高普將唔會賣佢走。最多出年俾佢自由身轉會。

留意返,以上嘅都係傳聞黎!

「利物浦得好少有經驗嘅中場。」

「我哋係咪仲會買人?係。係拉蘭拿受傷前,我已經開始搵緊。」

利物浦兩大靈魂人物古天奴同拉蘭拿,兩個都話傷,前者就話要走,後者就傷幾個月,而正選右閘佳尼同埋大師兄史杜列治仲未好返,無疑都會對球隊士氣無可否應會有重大打撃。
「意外即係意料之外,你預料唔到會有人傷、有人想走,但我地仲有時間。」

最後高普仲講左句好圓嘅野…

「所有野都有可能發生,但我唔知會唔會真係發生。如果我肯定嘅話,件事就應該發生左。」
(Everything can happen. But I’m not sure that they will happen. If I were sure, they would probably already be in or whatever.)


source:thisisanfield,mirror

如果喜歡我們的文章,請即分享到︰

留言


請按此登錄後留言。未成為會員? 立即註冊
  • Chris0321 於 14/08/2017 評論 NO. 1

    2.3m emer can?

  • Long Lee 於 14/08/2017 評論 NO. 2

    簽轆柒就有得你猁簽。。。古天奴叫最有睇頭既震山之寶都話走。。。英超冠軍睇怕又要等18~19啦!如果有巨星願意加盟既話!

  • 數據就是事實 於 15/08/2017 評論 NO. 3

    完全沒有用!!高普那套已經證明失敗(在英國),要著名領隊改革自己那套理念??高普只有走,如果留,就要等"運"到,等再一次,各主要對手生變,像李城有可乘之機一樣,冷手執個熱煎堆下捧盃!!強烈對比的是,摩連奴那套已經證明非常有效,佢荒謬地,只是一直一再重複,在英國,擺出那一套既定又無新意(但有效!!)的捧盃方程式而已!!!

  • kinfung 於 15/08/2017 評論 NO. 4

    低能仔數據就是事實出沒注意

  • rickytct 於 15/08/2017 評論 NO. 5

    都係果句,以我觀察其實高普變緊,至少迫搶既強度低左,或者對長遠有幫助。至於摩連奴,佢其實都改變緊,對韋斯咸果場既行軍速度真係極快,後防球員甚至中堅仲要不時壓前迫搶,呢套絕對唔係摩佬舊有踢法。

快捷鍵:←
快捷鍵:→