對升班馬侯城，打之前都預左佢地會泊巴士，點知佢地真係泊巴士喎。
贏5：1，好開心。
其實都估到利物浦會掌握大多數既控球權，只係到底可以點入波姐。
拉蘭拿今場好多波掂，係高普既領導下，佢進攻既觸覺好左好多。占士米拿放直線，古仔無迎波漏去身後追做成對面後防失位，令到拉蘭拿射球慢流尾袋波－入左。呢球真係好冷靜咁去處理，老老竇竇如果佢大腳抽射分分鐘出界或者飛機，雖然小妹真係好憎啲人硬要屈人有心去做一件事（即係好似會考果陣話以前啲詩人作詩總係話佢地有hidden meaning），但小妹有理由去相信佢今次食腦既！（1：0）
本身都覺得今場古天奴都幾唔好彩，一係就撻Q，一係單刀俾人手球護空門，不過凡事都有兩面既，佢唔入，但都換左個12碼俾占士米拿入，呀，仲有令對方打少左個人（手球擋出紅牌加十二碼）。（2：0）
面對人地排巴士，真係好難入到禁區。利物浦就只有係兩邊出擊，由於而家踢左閘既占士米拿體能好又勤力，相對落左邊底線機會多左。而侯城係輸左兩球再踢少個人之後，無左信心同怯，禁區多左好多空位，利物浦多左好多中路進擊既表現。就係咁樣，造就左文尼既第三球入波。文尼呢球就真係靚呀，個轉身拉弓真係唔易射架，要core同肌肉協調得好好。就好似足球小將入面既龍捲風射球咁，只不過個轉身角度唔係360度姐。（3：0）
下半場，睇返侯城架巴士越泊越後，退到去禁區。基於打少一個既原因，都明既。侯城都有反擊架，就係小妹滿心期待終於可以見到靚仔龍門Karius果陣，占士米拿攞失左球高波出界，輸左個角球，本身都唔係問題，只不過我地後防睇漏左Meyler，就算見到佢起腳兩個夾一個都慢左，人地一個volley勁抽，蛋已破。（3：1）
係小妹想埋怨占士米拿送左個角球俾侯城先會俾人破蛋果陣，說時遲，那時快，一開波古天奴即刻右腳抽射。GOALLLLLLLLLL!!!!!!!! （4：1）
史杜列治68分鐘入替拉蘭拿，一出就令對方禁區踢跌佢犯規再輸12碼。占士米拿再次操刀，射返同一個位，一樣入。（5：1）73分鐘呀CAN換左隊長，古積換古天奴。兩位今場都好稱職。古天奴仲要超哂班、著哂火，好主動，啲助攻傳波都好準，判斷好正確。而軒達臣閘左好多球波。
睇得出費明奴係好想入波既，入5球波都無佢份，係有啲急，好多球起腳都撞到人，咁事實小妹都好想佢入到球波既，呢場波佢好活躍，幫利物浦制造左唔少空位，中間巴士塞唔入成日走兩邊幫波。但有時機會呢家野就係咁，就好似你明明對個男仔有意思，無論你點對佢好都未有回應一樣（下場係阿仙奴對車仔）。
後防黎講，卡拉雲上半場清左幾球好穩定，衝上去壓住對面個前鋒頂返俾自己人。而Matip幾安份守己，但由於卡拉雲拎第一點穩定果佢，所以一般都係卡拉雲衝上去Matip包。雖然係球賽尾段Matip差啲玩出事，但憑住佢天生既平衡力同埋腳長，最後無事。最後最後，小妹都想講下Karius，只不過真係無咩好講，佢入鏡都唔知有無多過5個shot，失波又唔關佢事，小妹對佢既評價係，佢真係好靚仔，完。
今場我諗球迷都收貨啦，利物浦以往贏左兩、三球之後都會放慢去著重防守。今次啲球員好有鬥心，keep住團火想入多幾球，可能係因為今場侯城既進攻無咩威脅，所以後防線都敢推前。其實換人（軒達臣同古天奴）之前成個組織都踢得好好，但換左人之後有少少係咪都射既感覺，可能大家都想係剩低既時間爭取表現。往往咁樣做就會令人地有機會反撃，不過呢啲係心態上既問題，相信完左場波高普都會同球員傾下呢樣野既。不過小妹另一個擔憂係，利物浦呢排都算強勢，樹大招風，最怕中下游球隊之後會針對部署泊大巴。
贏5：1，好開心。
其實都估到利物浦會掌握大多數既控球權，只係到底可以點入波姐。
拉蘭拿今場好多波掂，係高普既領導下，佢進攻既觸覺好左好多。占士米拿放直線，古仔無迎波漏去身後追做成對面後防失位，令到拉蘭拿射球慢流尾袋波－入左。呢球真係好冷靜咁去處理，老老竇竇如果佢大腳抽射分分鐘出界或者飛機，雖然小妹真係好憎啲人硬要屈人有心去做一件事（即係好似會考果陣話以前啲詩人作詩總係話佢地有hidden meaning），但小妹有理由去相信佢今次食腦既！（1：0）
本身都覺得今場古天奴都幾唔好彩，一係就撻Q，一係單刀俾人手球護空門，不過凡事都有兩面既，佢唔入，但都換左個12碼俾占士米拿入，呀，仲有令對方打少左個人（手球擋出紅牌加十二碼）。（2：0）
面對人地排巴士，真係好難入到禁區。利物浦就只有係兩邊出擊，由於而家踢左閘既占士米拿體能好又勤力，相對落左邊底線機會多左。而侯城係輸左兩球再踢少個人之後，無左信心同怯，禁區多左好多空位，利物浦多左好多中路進擊既表現。就係咁樣，造就左文尼既第三球入波。文尼呢球就真係靚呀，個轉身拉弓真係唔易射架，要core同肌肉協調得好好。就好似足球小將入面既龍捲風射球咁，只不過個轉身角度唔係360度姐。（3：0）
下半場，睇返侯城架巴士越泊越後，退到去禁區。基於打少一個既原因，都明既。侯城都有反擊架，就係小妹滿心期待終於可以見到靚仔龍門Karius果陣，占士米拿攞失左球高波出界，輸左個角球，本身都唔係問題，只不過我地後防睇漏左Meyler，就算見到佢起腳兩個夾一個都慢左，人地一個volley勁抽，蛋已破。（3：1）
係小妹想埋怨占士米拿送左個角球俾侯城先會俾人破蛋果陣，說時遲，那時快，一開波古天奴即刻右腳抽射。GOALLLLLLLLLL!!!!!!!! （4：1）
史杜列治68分鐘入替拉蘭拿，一出就令對方禁區踢跌佢犯規再輸12碼。占士米拿再次操刀，射返同一個位，一樣入。（5：1）73分鐘呀CAN換左隊長，古積換古天奴。兩位今場都好稱職。古天奴仲要超哂班、著哂火，好主動，啲助攻傳波都好準，判斷好正確。而軒達臣閘左好多球波。
睇得出費明奴係好想入波既，入5球波都無佢份，係有啲急，好多球起腳都撞到人，咁事實小妹都好想佢入到球波既，呢場波佢好活躍，幫利物浦制造左唔少空位，中間巴士塞唔入成日走兩邊幫波。但有時機會呢家野就係咁，就好似你明明對個男仔有意思，無論你點對佢好都未有回應一樣（下場係阿仙奴對車仔）。
後防黎講，卡拉雲上半場清左幾球好穩定，衝上去壓住對面個前鋒頂返俾自己人。而Matip幾安份守己，但由於卡拉雲拎第一點穩定果佢，所以一般都係卡拉雲衝上去Matip包。雖然係球賽尾段Matip差啲玩出事，但憑住佢天生既平衡力同埋腳長，最後無事。最後最後，小妹都想講下Karius，只不過真係無咩好講，佢入鏡都唔知有無多過5個shot，失波又唔關佢事，小妹對佢既評價係，佢真係好靚仔，完。
今場我諗球迷都收貨啦，利物浦以往贏左兩、三球之後都會放慢去著重防守。今次啲球員好有鬥心，keep住團火想入多幾球，可能係因為今場侯城既進攻無咩威脅，所以後防線都敢推前。其實換人（軒達臣同古天奴）之前成個組織都踢得好好，但換左人之後有少少係咪都射既感覺，可能大家都想係剩低既時間爭取表現。往往咁樣做就會令人地有機會反撃，不過呢啲係心態上既問題，相信完左場波高普都會同球員傾下呢樣野既。不過小妹另一個擔憂係，利物浦呢排都算強勢，樹大招風，最怕中下游球隊之後會針對部署泊大巴。
請按此登錄後留言。未成為會員? 立即註冊