上場對曼聯終於唔洗失波，諗住利物浦今場可以延續去零封對手，點知…都係歷史不斷重演，不過點都好，利物浦都係贏左波呀！
講下入球先：
20分鐘，西布朗中場壓迫失誤，醒目既古天奴漏個靚波俾呀CAN，呀CAN即刻交俾費明奴再左路傳中，個波岩岩過左中堅落到文尼腳下，文尼輕鬆入波，又一次由呢三寶合作入波～文尼把握能力真係唔錯，finishing靚到呢！
34分鐘，因為費明奴迫住Foster令佢解圍唔靚，個波去返文尼度，文尼望一望古天奴，係啦就傳俾你啦！古天奴接過個波再一扣一cup，你以為佢射遠處，佢就乖乖地射近柱，冷靜地死角入波。呢啲咪叫射手囉，有sense架嘛，唔該高普加佢人工呀！
55分鐘係無入波既，但容許小妹花幾十個字讚下路夫蘭接應角球俾幾個西布朗後衛睇實都頂到球靚波，只怪Foster救得精采。
80分鐘，利物浦今季第三次角球失波。一對中堅企位唔好，中間空哂人地西布朗三個人企定定係門前等勁射，點救姐？講到無氣啦！
睇返古天奴同呀CAN都好勤力，打box to box，前場後場都見到佢地上鏡，曝光率非常高，今場古天奴可以打前啲，因為拉蘭拿係度。古天奴有佢一貫水準，入波之餘亦都為隊友製造機會。而CAN雖然曝光高，但係呀CAN仲未係最佳狀態，都係慢。唔係話佢速度慢，而係判斷慢，但係份人急。呢樣野係反擊既時候特別明顯，而下半場唔知係咪因為想表現自己，怕Wijnaldum傷癒自己無左正選，所以有係又射唔係又射而又飛機既場面出現。拉蘭拿在場既時候同上場無佢果陣比，真係差好遠。第一，成隊波movement多左；第二，佢睇波唔係剩係睇住自己前面果點，而係成個場，令到個創造性高左。
一開始會預計西布朗會打901，點解佢守又得攻又得，要守果陣9秒9十個人返哂後場，要攻果陣又9秒9上到前場（雖則對住著重防守既球隊都要引佢地進攻先可以制造空位自己進攻）。係呀小妹講緊廢話，其實，都係想講佢地快同體能好姐…西布朗防守嚴密，而中堅高佬亦唔知點解特別多，所以當兩邊斬波入禁區要爭頂都其實係輸蝕。
加上費明奴有時候墜得太後，變左有時候兩邊閘去左touchline可以出波果陣但禁區中間無人接應。而呢場波亦都顯露左費明奴一個蝕底位－就係無身位，睇到佢對住大隻仔中堅，真係一撞就無，頂又頂唔到，腳又起唔到，當然呢樣野又唔可以怪佢既，只係今場佢無另外兩寶表現咁出息姐－仲要係失左好多機會，把握力麻麻地，高質素既前鋒唔係有波就即射，有時候射波之前可以諗諗個龍門咁大射邊好，唔洗一定要射中個龍門員既。
而賽前被係受關注既Karius，今場西布朗數據上只有六個射門得一次中龍，所以唔多佢既鏡頭。小妹對佢無意見。利物浦後防睇返Matip係後半場真係幾穩，但一上到前半場啲波就曳啦；而路夫蘭路數好，占士米拿又勤力，左閘位越踢越好，Clyne不過不失，今場係右邊都出左唔少波，只係走位比較差，好多次跑多一兩步再起腳個效果已經好唔同。但都係果句啦，兩邊高空波呀呀呀呀呀呀！！！！！！！
其實利物浦今場嬴到3球或以上既話呢，利物浦就有機會做第一…一日咁多，唔講啦！文尼賽後都話贏得驚險但係都deserve攞3分，小妹就覺得今場踢得算係average，比上場好好多，係開心既。
＊圖source from http://www.liverpoolfc.com
講下入球先：
20分鐘，西布朗中場壓迫失誤，醒目既古天奴漏個靚波俾呀CAN，呀CAN即刻交俾費明奴再左路傳中，個波岩岩過左中堅落到文尼腳下，文尼輕鬆入波，又一次由呢三寶合作入波～文尼把握能力真係唔錯，finishing靚到呢！
34分鐘，因為費明奴迫住Foster令佢解圍唔靚，個波去返文尼度，文尼望一望古天奴，係啦就傳俾你啦！古天奴接過個波再一扣一cup，你以為佢射遠處，佢就乖乖地射近柱，冷靜地死角入波。呢啲咪叫射手囉，有sense架嘛，唔該高普加佢人工呀！
55分鐘係無入波既，但容許小妹花幾十個字讚下路夫蘭接應角球俾幾個西布朗後衛睇實都頂到球靚波，只怪Foster救得精采。
80分鐘，利物浦今季第三次角球失波。一對中堅企位唔好，中間空哂人地西布朗三個人企定定係門前等勁射，點救姐？講到無氣啦！
睇返古天奴同呀CAN都好勤力，打box to box，前場後場都見到佢地上鏡，曝光率非常高，今場古天奴可以打前啲，因為拉蘭拿係度。古天奴有佢一貫水準，入波之餘亦都為隊友製造機會。而CAN雖然曝光高，但係呀CAN仲未係最佳狀態，都係慢。唔係話佢速度慢，而係判斷慢，但係份人急。呢樣野係反擊既時候特別明顯，而下半場唔知係咪因為想表現自己，怕Wijnaldum傷癒自己無左正選，所以有係又射唔係又射而又飛機既場面出現。拉蘭拿在場既時候同上場無佢果陣比，真係差好遠。第一，成隊波movement多左；第二，佢睇波唔係剩係睇住自己前面果點，而係成個場，令到個創造性高左。
一開始會預計西布朗會打901，點解佢守又得攻又得，要守果陣9秒9十個人返哂後場，要攻果陣又9秒9上到前場（雖則對住著重防守既球隊都要引佢地進攻先可以制造空位自己進攻）。係呀小妹講緊廢話，其實，都係想講佢地快同體能好姐…西布朗防守嚴密，而中堅高佬亦唔知點解特別多，所以當兩邊斬波入禁區要爭頂都其實係輸蝕。
加上費明奴有時候墜得太後，變左有時候兩邊閘去左touchline可以出波果陣但禁區中間無人接應。而呢場波亦都顯露左費明奴一個蝕底位－就係無身位，睇到佢對住大隻仔中堅，真係一撞就無，頂又頂唔到，腳又起唔到，當然呢樣野又唔可以怪佢既，只係今場佢無另外兩寶表現咁出息姐－仲要係失左好多機會，把握力麻麻地，高質素既前鋒唔係有波就即射，有時候射波之前可以諗諗個龍門咁大射邊好，唔洗一定要射中個龍門員既。
而賽前被係受關注既Karius，今場西布朗數據上只有六個射門得一次中龍，所以唔多佢既鏡頭。小妹對佢無意見。利物浦後防睇返Matip係後半場真係幾穩，但一上到前半場啲波就曳啦；而路夫蘭路數好，占士米拿又勤力，左閘位越踢越好，Clyne不過不失，今場係右邊都出左唔少波，只係走位比較差，好多次跑多一兩步再起腳個效果已經好唔同。但都係果句啦，兩邊高空波呀呀呀呀呀呀！！！！！！！
其實利物浦今場嬴到3球或以上既話呢，利物浦就有機會做第一…一日咁多，唔講啦！文尼賽後都話贏得驚險但係都deserve攞3分，小妹就覺得今場踢得算係average，比上場好好多，係開心既。
＊圖source from http://www.liverpoolfc.com
請按此登錄後留言。未成為會員? 立即註冊