今場，後防好多甩漏。唉… 利物浦之前幾場都係玩迫搶，今場就俾返史雲斯玩返。
講返上半場，首先Karius 傳波出界，再見到係史雲斯進攻係時候Matip 無反應、Clyne無包位差啲輸。衰自己一次，可能會無事；兩次危危地；三次就俾人地入埋架啦！
人地開角球，Matip同韋拿度姆睇波唔睇人…輸 0：1。
中堅後衛龍門一輸就無信心，怯。 Matip 心急，好易錯判斷，睇到佢傳波都出界就知。輸左中場，成條中場線只係見到白色。Karius好被動，明明可以主動係高位接佢唔接，等人地起腳先接，接波又甩手。拉蘭拿仲要傷埋，上半場就換入史杜列治（雖然打既位唔同唔可以咁比教，但係對於球隊創造性比lalala弱好多）。
就算利物浦有反撃，一去左中場就俾人截左。點搞呀？人地防守出腳好快，封哂利物浦起腳。防守好專注，超哂班。
唯一可以讚既係文尼。無可否文尼啲轉身真係好靚，一敵五（如果無數錯），好似睇葉問一打十咁，只可惜最後唔死再贏既情節只係係拍戲出現，係現實當然個波俾對方攞返。
下半場一個罰球，古天奴射中人場再由軒達臣大斬去禁區由費明奴頭鎚（似係撻Q，中頭側）入波。呢個就係tipping point。一追和就有返哂士氣，球員都好似生猛返哂，起碼敢去迫，去做波。終於做返高壓戰術，唔會俾你走定慢慢交波，會去迫去搶。其實史雲斯都好有鬥心，見到佢地和波之後再出韓仔oppa寄誠庸，好明顯係想攞3分。（有傳史雲斯贏唔到就會抄領隊）
不過利物浦理得你換出「寵寵寵」定係後生仔FULTON。古天奴返去中間做指揮，短傳滲入、分波靚，只係今場未有機會入波姐。而占士米拿今場都係勤力，傳失波佢都會諗辦法攞返。只不過有時候判斷力都會錯，好似下半場有球佢落到差唔多底線竟然出俾偏後既文尼，搞到文尼要控一控再射，有時間俾人“閘（山）”到，都唔俾係龍門附近都算空既史毒。
我地親愛既男神karius個判斷真係麻麻地，係77分鐘史雲斯角球，karius打空手鎚，嘩危險到呢，差啲俾寄誠庸（原諒小妹記亞洲人名比較好）空門入波。
而小妹有啲燥係因為今場啲牌係亂咁黎！史毒果球擺明唔值黃牌！雖然佢係有心想搏12碼，但人地又真係推到佢，拉到佢底褲都見到（好似係紅色ck），而文尼下半場係角球旗附近俾史雲斯三個球員迫再踩都無牌，明明球證就係隔離！離哂譜！
費明奴被人推跌搏到12碼，占士米拿主射中間入波。所以小妹要歸攻於費明奴。
1：2之後，高普換左呀Can同Origi出黎入替韋拿度姆同埋功臣費明奴。利物浦就打返4－4－2，前場打史毒同埋Origi。史毒呢場其實係一個好好既機會俾佢表現，只可惜佢太鐘意扭波，成日都拖慢成個節奏，錯失左好多機會；而Origi就慢，唔知關唔關之前腳傷事呢？
係93分鐘，Karius出出下唔敢出，同後衛有誤會，Matip以為龍門出所以頂漏，但佢又退後，差啲輸。
平安鐘已㩒爆。
呢場睇得出，利物浦係唔擅長打逆景波，一輸就急，急就亂，亂就燥，燥就易犯規，又係一個snowball effect黎。好在入左更衣室之後，聽完高daddy既訓話之後出黎sharp醒哂。但係最大既問題係Karius曝露左佢對高空波既弱點，特別係兩邊傳中波 ，今場之後睇黎佢都要同高普或者教練傾下計。今場反勝，不過踢得好差，差到一個點，睇黎後防既問題仍然未解決，但而家多多一個明顯問題，一對中堅俾唔到人信心…
好啦小妹心血少，頭暈暈，講到呢度算啦。完！
圖片來源：liverpool facebook
講返上半場，首先Karius 傳波出界，再見到係史雲斯進攻係時候Matip 無反應、Clyne無包位差啲輸。衰自己一次，可能會無事；兩次危危地；三次就俾人地入埋架啦！
人地開角球，Matip同韋拿度姆睇波唔睇人…輸 0：1。
中堅後衛龍門一輸就無信心，怯。 Matip 心急，好易錯判斷，睇到佢傳波都出界就知。輸左中場，成條中場線只係見到白色。Karius好被動，明明可以主動係高位接佢唔接，等人地起腳先接，接波又甩手。拉蘭拿仲要傷埋，上半場就換入史杜列治（雖然打既位唔同唔可以咁比教，但係對於球隊創造性比lalala弱好多）。
就算利物浦有反撃，一去左中場就俾人截左。點搞呀？人地防守出腳好快，封哂利物浦起腳。防守好專注，超哂班。
唯一可以讚既係文尼。無可否文尼啲轉身真係好靚，一敵五（如果無數錯），好似睇葉問一打十咁，只可惜最後唔死再贏既情節只係係拍戲出現，係現實當然個波俾對方攞返。
下半場一個罰球，古天奴射中人場再由軒達臣大斬去禁區由費明奴頭鎚（似係撻Q，中頭側）入波。呢個就係tipping point。一追和就有返哂士氣，球員都好似生猛返哂，起碼敢去迫，去做波。終於做返高壓戰術，唔會俾你走定慢慢交波，會去迫去搶。其實史雲斯都好有鬥心，見到佢地和波之後再出韓仔oppa寄誠庸，好明顯係想攞3分。（有傳史雲斯贏唔到就會抄領隊）
不過利物浦理得你換出「寵寵寵」定係後生仔FULTON。古天奴返去中間做指揮，短傳滲入、分波靚，只係今場未有機會入波姐。而占士米拿今場都係勤力，傳失波佢都會諗辦法攞返。只不過有時候判斷力都會錯，好似下半場有球佢落到差唔多底線竟然出俾偏後既文尼，搞到文尼要控一控再射，有時間俾人“閘（山）”到，都唔俾係龍門附近都算空既史毒。
我地親愛既男神karius個判斷真係麻麻地，係77分鐘史雲斯角球，karius打空手鎚，嘩危險到呢，差啲俾寄誠庸（原諒小妹記亞洲人名比較好）空門入波。
而小妹有啲燥係因為今場啲牌係亂咁黎！史毒果球擺明唔值黃牌！雖然佢係有心想搏12碼，但人地又真係推到佢，拉到佢底褲都見到（好似係紅色ck），而文尼下半場係角球旗附近俾史雲斯三個球員迫再踩都無牌，明明球證就係隔離！離哂譜！
費明奴被人推跌搏到12碼，占士米拿主射中間入波。所以小妹要歸攻於費明奴。
1：2之後，高普換左呀Can同Origi出黎入替韋拿度姆同埋功臣費明奴。利物浦就打返4－4－2，前場打史毒同埋Origi。史毒呢場其實係一個好好既機會俾佢表現，只可惜佢太鐘意扭波，成日都拖慢成個節奏，錯失左好多機會；而Origi就慢，唔知關唔關之前腳傷事呢？
係93分鐘，Karius出出下唔敢出，同後衛有誤會，Matip以為龍門出所以頂漏，但佢又退後，差啲輸。
平安鐘已㩒爆。
呢場睇得出，利物浦係唔擅長打逆景波，一輸就急，急就亂，亂就燥，燥就易犯規，又係一個snowball effect黎。好在入左更衣室之後，聽完高daddy既訓話之後出黎sharp醒哂。但係最大既問題係Karius曝露左佢對高空波既弱點，特別係兩邊傳中波 ，今場之後睇黎佢都要同高普或者教練傾下計。今場反勝，不過踢得好差，差到一個點，睇黎後防既問題仍然未解決，但而家多多一個明顯問題，一對中堅俾唔到人信心…
好啦小妹心血少，頭暈暈，講到呢度算啦。完！
圖片來源：liverpool facebook
請按此登錄後留言。未成為會員? 立即註冊