【證據不足】費明奴將不會就歧視賀基迪一事被起訴

利永遠不會毒行 於 22/02/2018 發表 收藏文章
係1月5日足總盃,利物浦主場2:1贏愛華頓果場賽事上發生咗一段小插曲-當時賀基迪用手推費明奴到場邊廣告板,費明奴重返球場後被指發嬲用種族歧視字眼去鬧賀基迪。賀基迪話費明奴用"Nixxx"(黑人)一字形容佢,但媒體睇返口型就認為佢講嘅係葡文"Are you mad? you son of a Bxtxh!"(中文:痴咗線呀你條x街),葡萄牙文係Filho da puta(google translate)。 

足總係接到投訴後,即賽事後一日即刻展開調查。而睇返官方人員指出,該場球證Bobby Madley係賽事中留意到賀基迪嘅指控,並記錄於賽事報告中。經過兩個多月調查同研究,控方因為無足夠證據去提出起訴,所以費明奴唔會就到以上一事受到懲罰。

我睇去一去片先:

足總就咁講嘅:

「係考慮完所有證據後,我哋認為不足以去起訴費明奴。」
「我哋重視所有關於歧視嘅指控 ,亦都好鼓勵受到歧視或者目睹歧視事件發生嘅人透過合法嘅渠道話俾我地聽。」

以下係費明奴嘅聲明:

「要保持沉默係一件好難嘅事,我被指責係場上講嘅野,係一件嚴重以及有破壞力嘅事。但我會專重當中嘅程序以及工作人員,令到調查可以順利進行。」

「係足球上排除種族歧視和其他不同形式嘅歧視,係一件非常重要嘅事。作為一個曾經經歷過被種族歧視嘅人,我明白果種破壞力同埋傷害性係幾大。」

「而家件事告一段落,我希望大家可以留意返,澄清返我沒有講過媒體所報導嘅果字、或者類似該字嘅東西。我無用任何語言去提及到「種族」,我沒有、未來亦都唔會,係爭執或爭論期間,依據一個人嘅皮膚顏色、文化去侮辱對方。」

「足球場上、甚至係任何地方都係容不下歧視。」

「經過詳盡嘅調查後,我好高興見到事情終於完結。」

愛華頓嘅回應就話好接納以及感謝足總詳細嘅調查,認為足總遵循正確的程序去處理呢個指責,另外,雖然費明奴無被起訴,但賀基迪嘅證供詞亦無證據顯視有惡意、不實之嫌。咁睇黎呢個係一個美麗的誤會啦。
咁小妹就會話,足球咁國際化,學多種語言會令大家係溝通上減少誤會,唔洗衝出黎_啦~


SOURCE:FOX SPORTS, TALKSPORT, 官網

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Fan Lau
    Fan Lau 於 22/02/2018 評論 NO. 1

    明顯是先撩者賤

  • wombat
    wombat 於 27/02/2018 評論 NO. 2

    我就覺得賀基迪呢個動作有乜理由連王牌都冇,亦冇被秋後算帳

快捷鍵:←
快捷鍵:→