【繼續放風】比亞荷夫:安尼簡有60-80%機會加盟祖雲達斯

利永遠不會毒行 於 01/12/2017 發表 收藏文章
利物浦三比零贏咗史篤城的確係開心嘅,而之前有傷在身嘅安尼簡亦係呢場正選上陣,踢足90分鐘。安尼簡2014年加盟利物浦,而呢一場亦係佢為利物浦上陣嘅第100場波。雖然佢嘅轉會消息鬧得熱恰恰,但係佢仍然非常專業,係週中嘅比賽拍住韋拿度姆成功拎到中場控制權,協助球隊全取三分。
出年一月時,安尼簡同利物浦嘅合約仲有六個完就完結。多蒙特同埋祖雲達斯都表示對呢位德藉球員有興趣,德甲同意甲勁旅都對有意思,安尼簡會唔會真係心郁郁呢?對住出面風聲傳到咁行,高普表示利物浦可以說服安尼簡留到今賽季完結,甚至更長嘅日子。係十一月頭,高普亦重申安尼簡有機會係五月簽下一份新合約。

「說服佢(留低)?我哋一直都做緊呢樣野。」

「我希望利物浦可以成為一隊有吸引力嘅球隊,無人希望離開球隊。」
呢名23歲嘅利物浦中場就一直被傳係一月轉會市場會離開紅軍,縱然新合約亦然十劃未有一撇,但安尼簡就表示自己唔會排除繼續留係利物浦喎。係賽後,安尼簡對傳媒表示佢對留係利物浦持開放態度。

「當然,我有同利物浦方面溝通,睇下點啦…」

「係而家呢個時候,我只會專注係利物浦身上,其他野我交俾我經紀幫我處理。」

星期六利物浦將會作客白禮頓,應該係輕鬆嘅,現時紅軍落後排第四嘅阿仙奴2分。
「其實我哋可以係過去嘅比賽可以做得更好,但而家都唔差。」

「我利目標係英超前四,然後踢歐聯。」

無錯,佢係話要爭前四,再用前四身份去踢歐聯。唔知大家會唔會有另一番解釋呢?小妹聽落就覺得佢想講利物浦今季都無緣歐聯冠軍?okay,安尼簡都係一個比較現實嘅人,佢承認要追上曼城都真係機會渺茫。曼城係週中贏咗修咸頓後,以40分排係榜首,安尼簡認為假如曼城長期維持住而家個勢,有機會提早奪冠添。
德國國家隊現任嘅商業經理(Business manager),前德國隊/AC米蘭球員比亞荷夫係訪問指出,安尼簡有60-80%機會會加盟祖雲達斯,佢亦相信安尼簡會係意甲有好好嘅發展。但係亦有指,傾咁耐都未有結果嘅主要原因係利物浦同安尼簡經紀仲未就釋放條款達成共識。

睇返幾間有財力嘅球會都對佢有興趣,等到佢自由身俾佢就又真係唔附合經濟原則。但個機會成本就係無咗安尼簡,剩低歐聯以及英超爭標/前四會唔會有問題呢?都係果句啦,經過古仔事件後,我哋要學識一日未開轉會市場,一日都唔知會發生咩事。


source:talksport , thisisanfield

如果喜歡我們的文章,請即分享到︰

留言

會員
我要評論
請按此登錄後留言。未成為會員? 立即註冊
  • Mayci Lam
    Mayci Lam 於 01/12/2017 評論 NO. 1

    Kelson Leung

快捷鍵:←
快捷鍵:→